Sælir
Ég get vart orða bundist.
Þessi könnun er engan vegin marktæk fyrir margra hluta sakir, fyrir utan að vera illa unnin. Svo fátt eitt sé tilgreint, þá er ekki um slembiúrtak að ræða - né heildarsvörun. Í öðru lagi er svarhlutfallið skelfilega lágt. Í þriðja lagi þá gat fjöldi manns ekki tekið þátt í könnunni. Í fimmta lagi, þá er einungis brot af umsækjendum hreindýraleyfa sem taka þátt í könnunni.
Eina ályktunin sem ég get dregið af þessum tölum er að Skotvís ætti ekki að vera forsvarsaðili hreindýraveiðimanna – a.m.k. byggt á þessum niðurstöðum. Ástæðan er eftirfarandi:
Heildar úrtak: 2.044
Þeir sem aldrei hafa sótt um hreindýraleyfi: 55 - (af 371)
Þ.a.l. að 316 svarenda hafa sótt um leyfi.
Af ofangreindum tölum má ráða að 15% svarhlutfall í þessari könnun hafa sótt um leyfi (=316/2044). Þá er eftir að draga frá 20% sem hafa (einhvern tíman) skilað inn leyfi. Öll svörin verða svo að skoðast í ljósi þessara 15%, sem er svo ekki einu sinni slembiúrtak – ásamt öðrum annmörkum.
Svo til að bæta gráu ofan á svart – þá sóttu 4.327 um hreindýraleyfi á síðasta ári. Með öðrum orðum, þá vantar 93% umsækjenda í þessa könnun (=4.327-316/4327).
Ekki myndi ég treysta mér að ýta t.d. fyrstu spurningunni úr vör með svona bakland.
Ef menn ætla að gera marktækar kannanir – þá verður það best gert í samvinnu við UST og þegar sótt er um hreindýraveiðileyfi. Þannig fengist marktækt slembiúrtak allra umsækjenda. Aðrar leiðir eru einnig færar, sem ég mun ekki tíunda hér.
Kv.
Stefán
Search found 1 match
Til baka í “Niðurstöður könnunar á Hreindýraúthlutun.”
- 01 Jan 2014 10:58
- Spjallborð: Allt um veiði
- Umræða: Niðurstöður könnunar á Hreindýraúthlutun.
- Svör: 21
- Skoðanir: 2996