Í kjölfar umræðu sem spannst hér í þræðinum "Hafa spjallverjar verið að kaupa sér eitthvað dót" um endurhleðslu í bílskúrnum langar mig að taka þessa umræðu aðeins lengra ef menn nenna.
Persónulega er ég með mína hleðsluaðstöðu í einu horni bílskúrsins. Reyndar sæmilegur bílskúr hvað varðar hita, ryk, raka og dragsúg - en engu að síður bílskúr og því eru aðstæður þar langt í frá eins og inni í húsinu.
![Mynd](http://i1174.photobucket.com/albums/r618/gislisnae/mancave_zpsb3e1d505.jpg)
Man Cave
Hef samt ekki verið að lenda í vandræðum (að ég tel) með vikt og annað.
Hvað finnst mönnum að hafa aðstöðuna í bílskúr? Er þetta slæmt - er þetta algengt? Og einnig hvað finnst mönnum að hafa byssuskáp í bílskúrnum? Man eftir nokkuð ákveðnum skoðunum í den á Hlaðvefnum. Er ekki með mínar byssur þar en gæti alveg hugsað mér það. En þá kemur spurningin um raka og öryggi. Er reyndar með öryggiskerfi í skúrnum þannig að ég hef ekki áhyggjur af því atriði en það er meiri raki í skúrnum og meiri hitabreytingar.
Hvað segja menn???