Velja kross í sjónauka

[mjonsson]

Er að skoða Zeiss sjónauka á netinu og langar í 3-12x50 en opin fyrir meiri stækkun en hvaða kross er á ég að velja og á ég að taka hann með ljósi

Er með 270 cal og ætla að nota hann á allt

[Stebbi Sniper]

Sæll Magnús!

Ef þú býst við að stunda næturveiði þá skaltu hafa ljós í honum. Ég á sjónauka með 6 - 24 x stækkun og veiði nánast alltaf með hann á 10 - 12, en það er mjög gott að geta skrúfað hann upp þegar ég er að skjóta á pappa.

Það er mjög personubundið hvaða kross menn velja, ég kýs mil-dot sjónauka (t.d. kross 43 í Zeiss). mil-dot er hugsað út frá metrakerfinu en MOA út frá yards. Það skiptir samt ekki öllu máli því það er alveg hægt að læra á bæði.

Mér personulega finnst mikilvægara að vera með Target Turna á sjónaukanum svo ég geti skrúfað hann upp og niður fyrir þau færi sem ég er að skjóta á. Missjafn er samt smekkur manna og það sem mér finnst best á ekki endilega við um þig.

Þú verður samt ekki svikinn af Zeiss-inum.

[skepnan]

Sæll Magnús, það er voðalega erfitt að ráðleggja um krossa þar sem að eitt hentar öðrum betur en hinum virðist vera. Vinahópurinn hjá mér er alveg þvers og kruss þegar talið berst að krossum. Sumir vilja Mil-Dot og fussa og sveija yfir "flugbrautunum" en það eru krossarnir með sístækkandi strikum í staðinn fyrir punktana.
Ég er með .270 líka og eftir miklar pælingar á netinu ákvað ég að fá mér Leupold í 4,5-14x50 með Boone and Crockett krossi (og ljósi), en hönnunin á krossinum var hugsuð út frá .270.
Svoleiðis krossar eru með áætluðum vindáhrifum, þ.e. að hvert strik miðast við ákveðinn vindhraða á ákveðinni fjarlægð miðað við að kúlan fari ákveðið hratt osfrv...
Ég er alsæll með sjónaukann og fallstrikin hafa alveg staðið sig en það minnkar þörfina á að vera sífellt að stilla krossinn upp eða niður eftir færi. En það er bara mín skoðun og ekkert gáfulegri en margt annað sem að frá mér kemur
Hérna er Leupold krossinn:

Zeiss eru með Rapid-Z krossa sem að eru líka svona fall- og vindstrik.
En endilega reyndu að fá að sjá í gegnum sem flesta sjónauka með mismunandi krossum og veltu hlutunum vel fyrir þér enda ætlar þú að hafa sjónaukann fyrir augunum, í orðsins fyllstu merkingu, í mörg-mörg ár. Þá er gott að hafa valið vel hvað þér hentar best
Og ég tek undir með Stefáni að þú verður ekki svikinn af Zeiss.

Kveðja Keli

[konnari]

Fyrir Zeiss 3-12x56 myndi ég velja nr. 4, 43 eða nr. 60. Sjálfur á ég 2 með nr. 43. Varðandi ljósið þá er það kostur við næturveiði (ef þú stundar næturveiði mikið þá tæki ég með ljósi) en með topp gler eins og Zeiss þá er það ekki endilega bráðnauðsynlegt.

[E.Har]

Ég er að nota 2 Zeissa Diavari

3-12 engir turnar grófur kross sennilega no 4 settur á 175 m og er þar.
6-24 turnar, ljós mildott droppskali út á 600 m þó ég teygi mig aldrei þangað

Kostur við þann evri að ekkert haggar honum, er bara fastur þarna og engin vamndamál. Engir turnar að hreyfast og einfalt og traust!

Kostur við hinn er að þegar við á og nægur tími er t.d gæs eða refur við skothús þá má skrúfa upp í honum. Ljósið kostur en hinn er samt oftast nægjanlega bjartur!