Síða 1 af 1

Hvað skotum mæla menn með á önd

Posted: 26 Ágú 2011 19:46
af maggragg
Hvað mæla menn með á önd? Auðvitað þarf að taka með í myndina hvaða aðstæður er veitt við og hvaða þrenging er notuð en ef miðað er við andapoll og færin mjög stutt upp í ca. 30 metra.

Ég sjálfur hallast að haglastærð nr. 6 og kannski IC þrengingu, jafnvel skeet ef maður er mjög nálægt gerfifuglinum og lendingarsvæðinu... Er ég á réttri leið?

Re: Hvað skotum mæla menn með á önd

Posted: 26 Ágú 2011 23:12
af gullli
Ég er gæinn sem er búinn að vera, hingað til, að nota bara modified þrengingu og 42gr skot númer 4 á endur - sama hvaða færi þær bjóða manni upp á.

Í seinni tíð hef ég samt aðeins farið að velta þessu fyrir mér varðandi færin. Í skurðaskytteríi (jump shooting) eru færin 25m+ en í fyrirsát á pollum eru þau oft undir 25m. Þó er það ekki alveg meitlað í stein því á morgnana birtir og þá geta færin lengst töluvert, en á kvöldin gerir lítið annað en að dimma og maður er að skjóta þær ansi nálægt sér.

Ég hugsa að þetta tímabil fari í meiri pælingar en undanfarið hvað þrengingar, færi og skotastærðir varðar.

Í fljótu bragði hvarflar að mér að fara í IC þrengingu og 42gr no 5 (nota mikið Hlað skot) fyrir kvöldin en halda mig við mod. + 42gr no4 í skurðina - svona fyrst um sinn.

Planið er samt að fara yfir þetta og skoða grúppur/ákomur af mismunandi haglastærð með mismunandi þrengingu og fá þá kannski betri hugmynd um hvað maður er að gera hinumegin við hlaupið. Geta þá stundað markvissari veiðar og haft betri stjórn á þeim. Ekki að það hafi vantað hingað til, en allta hægt að gera betur :)

Re: Hvað skotum mæla menn með á önd

Posted: 27 Ágú 2011 10:29
af maggragg
Ég var einmitt að spá í að fara að prófa þetta í haust og vera meðvitaður um hvað maður er að nota og jafnvel skrá það niður.

Þar sem ég er með polla og færin oft vel undir 25 metrum þá held ég að 42g nr. 6 og víð þrenging myndi skila breiðum en þéttum svermi sem myndi drepa örugglega. Á móti verður maður að sleppa lengri færunum. Það eru jú mikið fleirri högl í nr. 6 heldur en nr. 4 t.d. en svermurinn kannski jafn stór.

Slagkraftur litlu haglanna yrði reyndar fljótari að þverra. En á stöðum þar sem færin eru lengri eða fuglinn styggari þyrfti svo að þrengja vel en er þá skynsamlegra að fara í stærri og færri högl eða halda sig við fjöldan en þrengri sverm?

Re: Hvað skotum mæla menn með á önd

Posted: 22 Feb 2012 22:14
af gullli
maggragg skrifaði: En á stöðum þar sem færin eru lengri eða fuglinn styggari þyrfti svo að þrengja vel en er þá skynsamlegra að fara í stærri og færri högl eða halda sig við fjöldan en þrengri sverm?
Ég mundi telja að halda sig við fjöldann og vera með þrengri sverm minnkaru líkurnar á því að særa fugla sem fljúga svo burt. Þröngur svermur = ef þú hittir þá deyr, annars ekkert ..