Nú er sá tími sem maður gengur með börnin niður að tjörn að skoða fallegu andar- og gæsaungana. En þetta er ekki hægt lengur amk ekki í Hafnarfirði. Hèr eru bara mávar í hundaðatali og örfáar gamlar endur sem bíða bara eftir að drepast undan áganginum í vargfuglinum. Eggin eru öll ètin á vorin og þeir fáu ungar sem komast á kopp eru helst sjáanlegir fastir í goggi á máv sem flýgur burt með þá. Upplífgandi fyrir krakkana....eða þannig.
Sjálfsagt er ætisskortur í sjónum svo mávurinn leitar inní borgina, og einn helsti viðkomustaðurinn eru tjarnirnar.
Nú er svo komið að tjörnin færir litla príði, bara leiðindi, salmonelluskít og garg í varginum langt fram eftir nóttu.
Vitið þið hvort einhverjir aðilar, einstaklingar eða sveitarfèlög hafa náð að losna við þetta böl sem mávurinn er? Eða er það óvinnandi verk að fæla hann frá tjörnunum?
![Mynd](http://i285.photobucket.com/albums/ll60/MOTOXLEO/d8db7db0.jpg)