Ég tek undir það með þeim er hér hafa tjáð sig að þetta er skref í rétta átt, en eins og bent hefur verið á hér að ofan þá er ekki annað að sjá en hljóðdemparar séu bannaðir ennþá en hægt að fá undanþágu og orðalagið "Óheimilt er að setja hljóðdempara á skotvopn nema með leyfi lögreglustjóra" finnst mér bera með sér að maður fái bara leyfi til að setja dempara á eitt tiltekið skotvopn svo maður geti ekki farið með demparann á milli riffla.
Mér finnst mikið til í því sem Óskar skrifar og finnst hann hafa tíundað þetta mál nokkuð vel varðandi það sem að okkur "notendum" snýr. En það er annar flötur á þessu máli sem eru þeir sem eiga að veita okkur undanþágurnar, sem sagt lögreglustjóri, það sem hann hefur til að vinna eftir er ansi óskýrt og ég mundi ekki vilja vinna eftir þessari reglugerð því hér er verið að setja ákveðið dómsvald og þar með ákveðna ábyrgð á framkvæmdavaldið (lögregluna) með það hverjum á að veita undanþágur og hverjum ekki, að þau eigi að heimila "Að því leyti sem það samrýmist friðunar- og veiðilöggjöf" þarna er verið að gera lögreglustjóra að ákveðnu leiti ábyrgan fyrir hverjum er treystandi og hverjum ekki að fara eftir lögum sem hver veiðimaður eða meindýraeyðir hefur undirgengist að fara eftir þegar viðkomandi fékk skotvopnaleyfi.
Mun eðlilegra er að almenna reglan væri sú að menn mættu nota dempara á skotvopn, rétt eins og að almenna reglan er sú að hver einstaklingur geti fengið byssuleyfi að uppfylltum ákveðnum
skilyrðum...já eða bílpróf...en ekki að það þurfi til þess sérstaka undanþágu, það er búið að treysta mönnum til að eiga og nota skotvopn svo ég sé ekki alvarleikann í dempara.
En að minnsta kosti þá er eitthvað að gerast í þessu og því ber að gleðjast.
MBK
Gæi
Search found 1 match
Til baka í “Hljóðdemparar - drög að breytingu á reglugerð opinber.”
- 25 Ágú 2016 21:42
- Spjallborð: Byssur
- Umræða: Hljóðdemparar - drög að breytingu á reglugerð opinber.
- Svör: 10
- Skoðanir: 4654