Skyttuspjallið

tilraun 2....taka eitt.
Nýtt 6,5 Creedmoor
skotið 6,5 Creedmoor
margskotið 6,5-284

Verstur fj. að ég á svo erfitt með að skoða í skápinn eins og Jón þar sem minn skápur er nokkur hundruð sjómílur í burtu.
Hefði nú líka verið gaman að sjá fleiri spreyta sig á þessu, kannski maður verði að setja upp tapað fundið þráð og auglýsa eftir meisturum eins og Gylfa Sig og Sveinbirni.
MBK
Gæi

6XC, 6,5Creedmoor og ekki viss en set 10 sent á að þetta sé Vaðbrekku caliberið eða 6,5-284
Nú er bara að bíða eftir að Aflabrestur félagi vor rannsaki þetta því hann er manna líklegastur til að hafa svona lagað á hreinu
MBK
Gæi

Ja mikill andsk. Siggi, ég er ekki að finna þetta heldur og það eftir dágóða leit.
Kemur þetta ekki fram undir þínir póstar....eða your posts... hvort sem það nú er á þessu spjalli ?
Ég tek mér nú í munn orð fyrrum ráðherra og segi; ég hef áhyggjur af þessu, ég verð að segja það

Ekki er nú gott að glata slíku, vonandi að þær finnist !

Hann var ekki með kerru aftan í
Það er örugglega ástæðan
Já því meira sem ég hugsa um það það hlýtur að vera ástæðan, hann var kerrulaus

Siggi þó, og þetta segir þú bara kinnroðalaust á opinberum vettvangi

Var meira á svona drift-dekkjum hefði sennilega betur keðjað trukkinn

Þann 25 ágúst héldum við svo aftur til veiða og bættist þá Pétur Alan og aðstoðarmaður hans, Denni, í hópinn...nú þurfti Siggi að fara að horfa í kíkirinn með báðum augum því það þurfti að finna tvo tarfa þennan daginn og gerðum við allnokkra leit og fórum víða en á bílum í þetta skiptið.
Þennan daga varð ég fyrir því ansans óláni að festa mig við að fara yfir lækjarsprænu og til að bíta nú hausinn af skömminni mátti ég kyngja því að láta draga mig upp á lítið breyttum Land Cruiser sem þykir ekki par fínt þegar maður er í amerísku deildinni.
Lítið fundum við framan af þessum degi en þegar sól var tekin að lækka nokkuð á lofti komumst við þó loks í færi við hjörð og felldum við Pétur Alan þar sitt hvorn tarfinn sem veiðimeistarinn hefur gert skil í þræði sínum "veiði dagsins" svo ég er ekki að tíunda um það frekar.
Það var svo haldið heim á leið með fenginn eftir að sól var sest og komið nokkuð fram á nótt þegar búið var að ganga frá aflanum ef svo má að orði komast og ákvað ég því að gista þriðju nóttina á Vaðbrekku og halda heim til Akureyrar daginn eftir.

Ég hafði mjög gaman af þessari ferð í alla staði, skemmtilegir menn að vera með í svona ferð þeir Siggi, Pétur og Denni og helmingi meira gaman að vera í tveggja daga veiðiferð en eins dags en nú er ekki annað að gera en njóta þess að fá sér góða hreindýrasteik og hlakka til næstu ferðar.

mbk
Gæi

Jæja best að henda smá inn í þennan þráð þar sem veiðiferðinni er nú lokið.

Síðla dags þann 23 ágúst hóf ég veiðiferðina sem ég var búinn að bíða eftir að komast í síðustu 6 mán, svona ca. Förinni var heitið frá Akueryri í Vaðbrekku í hrafnkelsdal til fundar við Veiðimeistarann sem hafði tekið að sé leiðsögn í þessari ferð.
Kvöldið fór svo í spjall um heima og geyma og var svo gengið til náða.

Að morgni 24 ágúst héldum við Sigurður svo af stað til að leita hreindýra og ókum eftir slóðum og krákustígum sem Sigurður þekkir trúlega betur en eigin handarabök en ég er handviss um að ég hefði aldrei ratað til byggða aftur hefðum við orðið viðskila þarna upp á heiði, og eitt af því skemmtilega við að hafa heimamann og reynslubolta sem Sigurð með sér er að hann þekki um það bil aðra hvora þúfu með nafni og kann ýmsar sögur tengdar kennileitum sem komið er að.
Ekki var veðrið til að gera okkur lífið leitt, sólskin og 19 stiga hiti yfir hádaginn, á hin bóginn sáum við lítið af því er að var leitað, það er að segja hreindýrum en það var margt annað að sjá og skoða í staðinn og fór það svo að við héldum veiðilausir heim í vaðbrekku um kvöldið en hreint frábær dagur eftir sem áður.

Ég sá í fréttum að það hefur verið kuldalegt um að litast í morgunsárið á heimaslóð veiðimeistarans, skjótt skipast veður í lofti og þetta er önnur veröld en þegar ég var þarna fyrir nokkrum dögum í hart nær 20 stiga hita.

https://www.mbl.is/frettir/innlent/2020 ... la_i_nott/

Frábært að heyra Siggi, var farinn að örvænta með þráðinn góða
Er búið að viðra þokkalega til veiða það sem af er ?
Mbk
Gæi

Hvernig er það eru einhverjir netverjar með fréttir af gangi hreindýraveiða ?
Mbk
Gæi

Já Siggi, kraftaverkin gerast enn og ég náði þessu.
Ég notaði minn ástkæra Mauser í kaliberinu 6.5-06AI og mun því mæta með hann á veiðislóð á haustdögum.
MBK
Gæi

Jæja skotprófið að baki og þá er bara að hlakka til haustsins

sindrisig wrote: 17 May 2020 14:50 Vel gert hjá Jóa að birta biðlistann strax. Ég er næstur inn.

Svo þú ert þá nokkuð tryggur með að komast til veiða í haust

Aflabrestur wrote: 27 Mar 2020 09:04 Finnst það nú hæpið, pottþétt að það þyrfti sexhjólið til að ferja mig þar sem ég telst vist orðin löggiltur vesalingur og styðst við prik, en einhvertíman hefði mann ekki munað um að snara þessu á öxlina og rölta heim.

Já það var í þá gömlu góðu félagi kær, við hefðum verið fínir saman í svona túr þá, en ellikérling hefur sett mark sitt á okkur síðan þá ég hafi sloppið heldur skár frá henni en þú...ennþá.

En þá er maður búinn að ganga frá greiðslu á leyfinu og lítt annað að gera en að fara að ráða sér gæd og finna með honum dag einn heppilegan og vona svo að þessi fjandans Covid drattist til að hafa hægt um sig svo hún trufli þetta ekki enn frakar, verður vonandi líka búið að opna skotsvæðin þegar maður verður í landi næst svo hægt verði að byrja á hreyndýraprófunum

MBK
Gæi

Hafðu mínar bestu þakkir fyrir Sveinbjörn, þetta greinilega virkaði eins og til var ætlast hjá þér því ég fékk úthlutað og legg það þannig út að það sé göfugmennsku þinni að þakka
MBK
Gæi

Er enginn nema ég á þessu spjalli búinn að sækja um ???....eða eru menn kannski bara svona feimnir, að Sigga og Sveinbirni undanskildum.
En hvað um það, nú er stóri dagurinn upp runninn og fer að verða ljóst hverjum lukkudísirnar veita dýr og hverjum ekki, það verður spennandi að vakna á vakt í kvöld og komast að hvoru megin maður hefur fallið þetta árið.
Væri líka gaman að heyra frá öðrum hér á spjallinu hvort þeir hafa fengið úthlutað eður ei.
MBK
Gæi

Ja Siggi mér finnst svolítill seinagangur með þetta hjá umræddu ríkisbatteríi.
En í öllu falli þá er ég búinn að henda í umsókn um tarf á heimaslóð veiðimeistarans á svæði 2. Enda þurfti ég ekki að bíða eftir svari frá frúnni eins og Sveinbjörn...átti inni samþykki síðan í fyrra þegar ég missti af umsóknartímanum
Nú er bara að bíða og sjá hvort lukkudísirnar verði undirrituðum hliðhollar þetta árið !!!
MBK
Gæi