Search found 16 matches
Til baka í “Eltingaleikurinn við hvíta yrðlinginn”
- 02 Feb 2015 00:01
- Spjallborð: Vargur
- Umræða: Eltingaleikurinn við hvíta yrðlinginn
- Svör: 28
- Skoðanir: 10194
Re: Eltingaleikurinn við hvíta yrðlinginn
Þá er það heimavinnann. Ballistics AE appið býður uppá að setja inn mynd af krossinum sem maður notar og svo setja inn öll hlutföll. Svo get ég skoðað hvernig krossinn virkar miðað við mismunandi stækkun, get still stærðina á kassanum o.s.f.v stillti hann á 8 tommur sem er nálægt hæðinni á búknum, frá hvið að hrygg og svo stækkunina 8x a sjonaukanum. Get svo fært færið fram og aftur og seð hvar eg ætti að miða við. Litli græni kassinn synir svo ákomuna miðað við færið og vind út frá feril kúlunnar. Nú er bara að skoða og leggja a minnið mismunandi aðstæður og færi, svona meðan maður kemst ekki uppá skotsvæði.
- 31 Jan 2015 09:41
- Spjallborð: Vargur
- Umræða: Eltingaleikurinn við hvíta yrðlinginn
- Svör: 28
- Skoðanir: 10194
Re: Eltingaleikurinn við hvíta yrðlinginn
Talandi um hvíta, þá var þessi mynd að berast rétt í þessu, hef ekki séð kvikindið í langan tíma, og ekki viss um að hann væri á svæðínu lengur. En gott að hann láti mann vitaaf ser og haldi manni við efnið
- 30 Jan 2015 23:51
- Spjallborð: Vargur
- Umræða: Eltingaleikurinn við hvíta yrðlinginn
- Svör: 28
- Skoðanir: 10194
Re: Eltingaleikurinn við hvíta yrðlinginn
Það er ekkert að frétta af þeim hvíta ennþá, hefur ekki sést í nokkurn tíma en ég hef verið að leita á svæðinu, fara bæði kvölds og morgna og kanna för og annað. Mikill umgangur hefur verið á svæðnu, líklega eftir tvo rebba. Það hefur verið í nokkur ár rebbi sem hefur farið heim undir bæi á veturnar og fylgdist ég með þeim sporum í fyrra.
Nú var sama á teningnum og þar sem ég hafði sett út æti, virðast hafa verið álög, því ekki vill rebbi koma nálægt, því, hvað sem er, og ekki gekk í það í fyrra.
Hinsvegar hefur gengið í gryfjurnar sem ég hef minnst á áður og eftir að hafa skoðað ummerki, og fylgst með var ég búin að sjá að rebbi væri að koma uppúr kl. 20 á kvöldin, og hann væri mikið að stússast þar fram á morgun, voru jafnvel bæli þar við. Ég var búin að fylgjast með spánni í nokkra daga og það spáði norðanátt í kvöld, heiðskýru og 4-5 m/s norðanátt. Norðan við gryfjurnar er svokallaður grjóthóll og þar hafði ég hugsað mér að koma mér fyrir nokkuð snemma og bíða færis. Þar sem ekkert hús eða annað skjól er undan vindi frá gryfjunum, þá var planið að koma sér fyrir í svefnpoka, með svefnpoka bivak frá svissneska hernum utanyfir og vera vel dúðaður.
Í gærkvöldi hafði svo komið mynd frá ætinu þar sem brúnn refur sést skokka framhjá kl. 21:50.
Planið var því að vera út til að minnstakost 22:00 og bíða hvort að eitthvað kæmi.
Ég kom mér fyrir nokkuð ofarlega í hólunum fyrir ofan gryfjurnar, og var færið um 70 metrar á þann stað sem mig grunaði að rebbi væri mesta að gramsa. Enginn góður staður fannst til að koma sér þægilega fyrir þannig að ég þurfti að liggja á mel, og var ekkert sérstaklega falinn, en treyst á hávaðann úr rokinu, og að tunglið væri fyrir aftan mig. Ég veitti því athygli að mestöll hlíðin var útsporuð eftir rebba, þannig að hann gæti alveg eins komið aftan að mér ef ég myndi ekki passa mig.
Það var -8 stiga frost þegar ég kom mér fyrir og nokkur vindur, svo það var eins gott að manni kólnaði ekki. Svo kom myrkur og tunglið fór að skína. Það var ágæt birta, en samt var maður ekki viss hvað maður ætti að búast við þar sem ég er ennþá blautur á bak við eyrun í refaveiðinni. Ég beið svo og beið, en var nokkuð hlýtt þó, nema á fingrum, en þegar ég setti upp ullarlúffurnar og hafið hendur í svefnpokanum þá lagaðist það.
Ég lét aka mér að grjóthólunum, hinumegin frá, til að sem minnstar líkur væru á því að rebbi myndi ganga yfir förina af mér og þannig vera meðvitaðri um hættu. hinsvegar voru för vindmegin við mig í grjóthólnum og því möguleiki á að hann kæmist í vindlínu við mig, en það var ein af þremur " sviðsmyndum". Tvær þekktar leiðir sem ég hafið séð í snjónum voru ekki í vindlínu af mér, en þessi leið var það. Mig grunað að ein kæmi í gryfjuna úr öruggri átt.
Svo rétt fyrir hálf tíu, þá birtist allt í einu dökkur refur úr vestri, og kom það mér á óvart hversu greinilega hann sást. Hinsvegar er fjarlægðarskyn brenglað hjá manni og sá ég best hvaða klaufaskapur það var að vera ekki búin að læra á mil-dot ið í minnstu stækkun til að átta sig á færinu. Hinsvegar vildi ég ekki taka neinn séns á að missa kvikindi, þar sem bæði var rok og ég ekki viss á færinu, en taldi þó að þetta ætti að vera point blanc. Ég beið því, meðan rebbi að því virtist var að grafa eitthvað þarna nokkuð frá gryfjunum og þefa, það var ekkert þar sem ég vissi af. Ég beið ca. 5-10 mínutur með hann í sigtunum, og í mjög góðri stöðu. Hann myndi koma nær og í betra færi var ég viss um. Svo leggur rebbi af stað, og fer eins og til baka, og í norður. Hann hverfur svo í hvarf við grjóthólinn og ég hugsa að núna hafi ég misst af honum, hefði átt að taka skotið. Ég sný mér rólega og rifflinum, og geri mig klárann til að taka á mótin honum, skyldi hann koma frá hlið. Hann birtist svo svipað hátt og ég til hliðar um 40 metra frá mér, en ég var tilbúin og þegar hann leit á mig, þá var hann allur.
Þetta var stór brúnn steggur og greinilega vel haldinn, Ætla að láta annan skoða í honum tennurnar sem kanna að aldursgreinar það. En grunar að þessi sé nokkurra vetra. Með hvítt í loppum.
Hann hefur sennilega ætlað að komast í vindlínu við ætið, og því komið svona hátt upp, svo sennilega hefur þetta verið varkár rebbi, en gleymdi sér við að elta mús eða eitthvað aðeins áður þannig að ég sá hann. Hefði hann farið beint upp í grjóthólin, hefði hann getið séð mig, en ég var þó nokkuð til hliðar við vindlínu af ætinu. En nú er bara spurning hvort að sá hvíti sé ennþá á svæðinu og var hann venur komur sínar.
Nú var sama á teningnum og þar sem ég hafði sett út æti, virðast hafa verið álög, því ekki vill rebbi koma nálægt, því, hvað sem er, og ekki gekk í það í fyrra.
Hinsvegar hefur gengið í gryfjurnar sem ég hef minnst á áður og eftir að hafa skoðað ummerki, og fylgst með var ég búin að sjá að rebbi væri að koma uppúr kl. 20 á kvöldin, og hann væri mikið að stússast þar fram á morgun, voru jafnvel bæli þar við. Ég var búin að fylgjast með spánni í nokkra daga og það spáði norðanátt í kvöld, heiðskýru og 4-5 m/s norðanátt. Norðan við gryfjurnar er svokallaður grjóthóll og þar hafði ég hugsað mér að koma mér fyrir nokkuð snemma og bíða færis. Þar sem ekkert hús eða annað skjól er undan vindi frá gryfjunum, þá var planið að koma sér fyrir í svefnpoka, með svefnpoka bivak frá svissneska hernum utanyfir og vera vel dúðaður.
Í gærkvöldi hafði svo komið mynd frá ætinu þar sem brúnn refur sést skokka framhjá kl. 21:50.
Planið var því að vera út til að minnstakost 22:00 og bíða hvort að eitthvað kæmi.
Ég kom mér fyrir nokkuð ofarlega í hólunum fyrir ofan gryfjurnar, og var færið um 70 metrar á þann stað sem mig grunaði að rebbi væri mesta að gramsa. Enginn góður staður fannst til að koma sér þægilega fyrir þannig að ég þurfti að liggja á mel, og var ekkert sérstaklega falinn, en treyst á hávaðann úr rokinu, og að tunglið væri fyrir aftan mig. Ég veitti því athygli að mestöll hlíðin var útsporuð eftir rebba, þannig að hann gæti alveg eins komið aftan að mér ef ég myndi ekki passa mig.
Það var -8 stiga frost þegar ég kom mér fyrir og nokkur vindur, svo það var eins gott að manni kólnaði ekki. Svo kom myrkur og tunglið fór að skína. Það var ágæt birta, en samt var maður ekki viss hvað maður ætti að búast við þar sem ég er ennþá blautur á bak við eyrun í refaveiðinni. Ég beið svo og beið, en var nokkuð hlýtt þó, nema á fingrum, en þegar ég setti upp ullarlúffurnar og hafið hendur í svefnpokanum þá lagaðist það.
Ég lét aka mér að grjóthólunum, hinumegin frá, til að sem minnstar líkur væru á því að rebbi myndi ganga yfir förina af mér og þannig vera meðvitaðri um hættu. hinsvegar voru för vindmegin við mig í grjóthólnum og því möguleiki á að hann kæmist í vindlínu við mig, en það var ein af þremur " sviðsmyndum". Tvær þekktar leiðir sem ég hafið séð í snjónum voru ekki í vindlínu af mér, en þessi leið var það. Mig grunað að ein kæmi í gryfjuna úr öruggri átt.
Svo rétt fyrir hálf tíu, þá birtist allt í einu dökkur refur úr vestri, og kom það mér á óvart hversu greinilega hann sást. Hinsvegar er fjarlægðarskyn brenglað hjá manni og sá ég best hvaða klaufaskapur það var að vera ekki búin að læra á mil-dot ið í minnstu stækkun til að átta sig á færinu. Hinsvegar vildi ég ekki taka neinn séns á að missa kvikindi, þar sem bæði var rok og ég ekki viss á færinu, en taldi þó að þetta ætti að vera point blanc. Ég beið því, meðan rebbi að því virtist var að grafa eitthvað þarna nokkuð frá gryfjunum og þefa, það var ekkert þar sem ég vissi af. Ég beið ca. 5-10 mínutur með hann í sigtunum, og í mjög góðri stöðu. Hann myndi koma nær og í betra færi var ég viss um. Svo leggur rebbi af stað, og fer eins og til baka, og í norður. Hann hverfur svo í hvarf við grjóthólinn og ég hugsa að núna hafi ég misst af honum, hefði átt að taka skotið. Ég sný mér rólega og rifflinum, og geri mig klárann til að taka á mótin honum, skyldi hann koma frá hlið. Hann birtist svo svipað hátt og ég til hliðar um 40 metra frá mér, en ég var tilbúin og þegar hann leit á mig, þá var hann allur.
Þetta var stór brúnn steggur og greinilega vel haldinn, Ætla að láta annan skoða í honum tennurnar sem kanna að aldursgreinar það. En grunar að þessi sé nokkurra vetra. Með hvítt í loppum.
Hann hefur sennilega ætlað að komast í vindlínu við ætið, og því komið svona hátt upp, svo sennilega hefur þetta verið varkár rebbi, en gleymdi sér við að elta mús eða eitthvað aðeins áður þannig að ég sá hann. Hefði hann farið beint upp í grjóthólin, hefði hann getið séð mig, en ég var þó nokkuð til hliðar við vindlínu af ætinu. En nú er bara spurning hvort að sá hvíti sé ennþá á svæðinu og var hann venur komur sínar.
- 12 Nov 2014 14:29
- Spjallborð: Vargur
- Umræða: Eltingaleikurinn við hvíta yrðlinginn
- Svör: 28
- Skoðanir: 10194
Re: Eltingaleikurinn við hvíta yrðlinginn
hehe já, ég er búin að koma mér milli steins og sleggju núna. Ég verð að vinna út vikuna, en verður gaman að sjá hvort að hann verði kominn "í" ætið þegar ég dett inn á frítörn.
- 12 Nov 2014 11:27
- Spjallborð: Vargur
- Umræða: Eltingaleikurinn við hvíta yrðlinginn
- Svör: 28
- Skoðanir: 10194
Re: Eltingaleikurinn við hvíta yrðlinginn
Fór aftur í gær eftir nokkra pásu vegna vinnu. Mætt í birtingu og var fram kl. 11 án þess að sjá eða verð a var við neitt á svæðinu. Sú hvíta hefur ekki heldur sést síðan ég sá hana síðast og virðist því ekki lengur vera á ferðinni á þessum tíma.
Það vantar eitt lamb á bænum núna og er grunur um að það hafi drepist, en það gæti haft á áhrif á hegðun tófunnar á svæðinu. Ekkert hefur verið að koma í ætið hjá mér og því var maður farinn að spá í hvort að þessi staður væri ekki nógu góður. Ekkert hefði sést til rebba og hann ekkert að fást við neitt á svæðinu eins og var.
Svo í gærkvöldi, rétt fyrir miðnætti, þá mætti sú hvíta, að mér sýnist, í ætið og fór að grafa eitthvað í það og var einhverja stund við það.
Það fer að stefna í að þetta verði bók hjá mér
Það vantar eitt lamb á bænum núna og er grunur um að það hafi drepist, en það gæti haft á áhrif á hegðun tófunnar á svæðinu. Ekkert hefur verið að koma í ætið hjá mér og því var maður farinn að spá í hvort að þessi staður væri ekki nógu góður. Ekkert hefði sést til rebba og hann ekkert að fást við neitt á svæðinu eins og var.
Svo í gærkvöldi, rétt fyrir miðnætti, þá mætti sú hvíta, að mér sýnist, í ætið og fór að grafa eitthvað í það og var einhverja stund við það.
Það fer að stefna í að þetta verði bók hjá mér
- 04 Nov 2014 23:25
- Spjallborð: Vargur
- Umræða: Eltingaleikurinn við hvíta yrðlinginn
- Svör: 28
- Skoðanir: 10194
Re: Eltingaleikurinn við hvíta yrðlinginn
Kláraði N560 púðrið og náði að hlaða 34 skot. Ætli það dugi ekki fram á vor Ein kúlan er merkt hvíta
- 03 Nov 2014 23:53
- Spjallborð: Vargur
- Umræða: Eltingaleikurinn við hvíta yrðlinginn
- Svör: 28
- Skoðanir: 10194
Re: Eltingaleikurinn við hvíta yrðlinginn
Hehe, það er svipur með þeim, aldrei að vita. Allavega ef ég næ henni ekki þá kenni ég þér bara um
Annars glæsilega skotið
Annars glæsilega skotið
- 02 Nov 2014 15:53
- Spjallborð: Vargur
- Umræða: Eltingaleikurinn við hvíta yrðlinginn
- Svör: 28
- Skoðanir: 10194
Re: Eltingaleikurinn við hvíta yrðlinginn
Ja, ég næ henni á endanum. Nuna tekur við vinnutörn og kemst ég því ekki meira fyrr enn um næstu helgi. Þá verður líka fullt tungl
- 02 Nov 2014 12:47
- Spjallborð: Vargur
- Umræða: Eltingaleikurinn við hvíta yrðlinginn
- Svör: 28
- Skoðanir: 10194
Re: Eltingaleikurinn við hvíta yrðlinginn
Sá ekkert í morgun, annað en mjög mikið af nýlegum sporum.
- 01 Nov 2014 20:47
- Spjallborð: Vargur
- Umræða: Eltingaleikurinn við hvíta yrðlinginn
- Svör: 28
- Skoðanir: 10194
Re: Eltingaleikurinn við hvíta yrðlinginn
Jæja, veðurspáin er þokkaleg fyrir morgundaginn. Á að vera úrkomulaust og norðaustanátt, það hentar einkar vel þar sem ég býst við rebba úr suðvestri miðað við síðustu kynni. Ætla að vera þarna uppúr átta, og vera neðar, eða í mel sem liggur við þá leið sem hann kom síðast.
Ég reyndar fjárfesti í flautu í dag, þessari í Hlað og hef verið að prófa hana aðeins. Sýnist að ég þurfi að vera ansi varkármeð hana, spurningin er hvort að ég eigi ekki með að bíða með hana, nema rebbi fari aftur framhjá. Og reyna að ná honum á sinni leið, ef leiðin verður sú sama og síðast.
Ég reyndar fjárfesti í flautu í dag, þessari í Hlað og hef verið að prófa hana aðeins. Sýnist að ég þurfi að vera ansi varkármeð hana, spurningin er hvort að ég eigi ekki með að bíða með hana, nema rebbi fari aftur framhjá. Og reyna að ná honum á sinni leið, ef leiðin verður sú sama og síðast.
- 30 Oct 2014 15:44
- Spjallborð: Vargur
- Umræða: Eltingaleikurinn við hvíta yrðlinginn
- Svör: 28
- Skoðanir: 10194
Re: Eltingaleikurinn við hvíta yrðlinginn
Takk fyrir þetta Atli.
Ég á svona lúffur, og svona hitapúða, sem ég keypti fyrir einhverju síðan. Ég var einmitt að spá í þessu í morgun, af hverju ég væri ekki með þetta. Ég á líka ullarlúffur og gore-tex skel, en það hefur reynst mér best í fjallamensku forðum. Allavega fer ég ekki aftur með þessa fingravetlinga sem ég hef verið að nota. Það spáir reyndar allveg ömurlegu veðri á morgun, en sunnudagurinn lofar góðu. Og ef ég verð heppinn þá kennir Veiðimeistarinn mér kannski nokkra tóna á flautu í Ellingsen á laugardaginn.
Ég á svona lúffur, og svona hitapúða, sem ég keypti fyrir einhverju síðan. Ég var einmitt að spá í þessu í morgun, af hverju ég væri ekki með þetta. Ég á líka ullarlúffur og gore-tex skel, en það hefur reynst mér best í fjallamensku forðum. Allavega fer ég ekki aftur með þessa fingravetlinga sem ég hef verið að nota. Það spáir reyndar allveg ömurlegu veðri á morgun, en sunnudagurinn lofar góðu. Og ef ég verð heppinn þá kennir Veiðimeistarinn mér kannski nokkra tóna á flautu í Ellingsen á laugardaginn.
- 30 Oct 2014 11:55
- Spjallborð: Vargur
- Umræða: Eltingaleikurinn við hvíta yrðlinginn
- Svör: 28
- Skoðanir: 10194
Re: Eltingaleikurinn við hvíta yrðlinginn
Sæll Stefán og takk fyrir það. Velkominn á spjallið
Ég er að nota vél sem ég hef verið að flytja inn sjálfur. OEM vél sem hefur ekki nafn því ég get ekki pantað nógu mörg eintök
http://vembla.is/verslun/index.php?rout ... duct_id=50
Síðan er ekki allveg kominn í gagnið samt.
Ég er að nota vél sem ég hef verið að flytja inn sjálfur. OEM vél sem hefur ekki nafn því ég get ekki pantað nógu mörg eintök
http://vembla.is/verslun/index.php?rout ... duct_id=50
Síðan er ekki allveg kominn í gagnið samt.
- 30 Oct 2014 11:50
- Spjallborð: Vargur
- Umræða: Eltingaleikurinn við hvíta yrðlinginn
- Svör: 28
- Skoðanir: 10194
Re: Eltingaleikurinn við hvíta yrðlinginn
Jæja, ég er kominn heim eftir morguntúrinn.
Ég kom mér fyrir uppá hraunhól, fyrir ofan hræið þar sem sá hvíti hafði sést reglulega. Var ég um 80 metra frá fyrirhuguðum fyrirsátsstað. Hafði ég gott útsýni allt í kring og var í skjóli við stórann stein. Ég var kominn á staðinn uppúr kl. 8. Það var norðan átt og því vindlínan frá hræinu til Suðurs.
Rétt fyrir kl. 9 sá ég þann hvíta koma í áttina að mér, sunnan við mig. Fylgdist ég með honum þar sem hann stefndi í átt að mér, og hélt alltaf vestar þannig að ég sá að hann myndi koma í vindlínu af mér. Fylgdist ég meðal annars með því þegar tveir hrafnar fóru að stríða honum. Hann hélt þó áfram og virtist aldrei verða var, þótt ég teldi hann vera kominn í vindlínu, kannski þar sem ég var það hátt uppi. Hann fór svo í hvarf bak við stórann mel sem var suðvestan við mig. Þar hafði ég gengið upp þegar ég kom mér fyrir og sá mörg spor í sandinum. Bjóst ég því við að rebbi myndi koma þá leið upp og gerði mig klárann með riffillinn. Ég sá svo skömmu síðar að hann hélt þá áfram til vesturs, en fór ekki fyrir grjóthólinn að ætinu. Fas hans var þó allveg óbreytt, hann skokkaði í rólegheitum. Refurinn hvarf svo upp í mela sem þar voru en ekki veit ég hvað hann var að gera þangað, þar sem það svæði er nokkuð nálægt veginum og næsta bæ. Sennilega hefur hann komið næst mér rúma 200 metra frá mér, en á skokkinu.
Ég beið til 10:30 en ég bjóst við að rebbi kæmi til baka fljótlega og á þann stað sem ég myndi bíða eftir honum. Hann kom þó ekki aftur og því slapp hann í þetta skiptið. Nú þarf ég að skipuleggja næsta fyrirsát út frá því sem ég sá í morgun.
Mig grunar að refurinn hafi farið í svefnstað í þessum melum vestan við mig. Spurningin er að vera næst nær þeirri leið sem hann kom áðan og sitja fyrir honum þar?
Svo kom ein tófa í myndavélina kl. 06:10 í morgun, og grunar mig að þar sé um annað dýr að ræða.
Ég kom mér fyrir uppá hraunhól, fyrir ofan hræið þar sem sá hvíti hafði sést reglulega. Var ég um 80 metra frá fyrirhuguðum fyrirsátsstað. Hafði ég gott útsýni allt í kring og var í skjóli við stórann stein. Ég var kominn á staðinn uppúr kl. 8. Það var norðan átt og því vindlínan frá hræinu til Suðurs.
Rétt fyrir kl. 9 sá ég þann hvíta koma í áttina að mér, sunnan við mig. Fylgdist ég með honum þar sem hann stefndi í átt að mér, og hélt alltaf vestar þannig að ég sá að hann myndi koma í vindlínu af mér. Fylgdist ég meðal annars með því þegar tveir hrafnar fóru að stríða honum. Hann hélt þó áfram og virtist aldrei verða var, þótt ég teldi hann vera kominn í vindlínu, kannski þar sem ég var það hátt uppi. Hann fór svo í hvarf bak við stórann mel sem var suðvestan við mig. Þar hafði ég gengið upp þegar ég kom mér fyrir og sá mörg spor í sandinum. Bjóst ég því við að rebbi myndi koma þá leið upp og gerði mig klárann með riffillinn. Ég sá svo skömmu síðar að hann hélt þá áfram til vesturs, en fór ekki fyrir grjóthólinn að ætinu. Fas hans var þó allveg óbreytt, hann skokkaði í rólegheitum. Refurinn hvarf svo upp í mela sem þar voru en ekki veit ég hvað hann var að gera þangað, þar sem það svæði er nokkuð nálægt veginum og næsta bæ. Sennilega hefur hann komið næst mér rúma 200 metra frá mér, en á skokkinu.
Ég beið til 10:30 en ég bjóst við að rebbi kæmi til baka fljótlega og á þann stað sem ég myndi bíða eftir honum. Hann kom þó ekki aftur og því slapp hann í þetta skiptið. Nú þarf ég að skipuleggja næsta fyrirsát út frá því sem ég sá í morgun.
Mig grunar að refurinn hafi farið í svefnstað í þessum melum vestan við mig. Spurningin er að vera næst nær þeirri leið sem hann kom áðan og sitja fyrir honum þar?
Svo kom ein tófa í myndavélina kl. 06:10 í morgun, og grunar mig að þar sé um annað dýr að ræða.
- 29 Oct 2014 23:03
- Spjallborð: Vargur
- Umræða: Eltingaleikurinn við hvíta yrðlinginn
- Svör: 28
- Skoðanir: 10194
Re: Eltingaleikurinn við hvíta yrðlinginn
Sæll Stefán.
Ég er að bíða eftir 3w grænu led ljósi. Hef svo verið að flytja inn sólarsellur fyrir í tilraunaskyni og stefni eins og er að nota 20w sellu fyrir þetta, tengda geymi í gegnum hleðslustýringu sem kveikir ljósið þegar það verður myrkur. Ég skal gefa rapport þegar þetta verður komið í gagnið.
Takk fyrir þetta Þorsteinn og Sigurður. Þetta er án efa eitthvað sem maður verður að æfa sig á og læra. En ég er ansi spenntur fyrir því að ná mér í svona flautu. Hlað er með svona smokkaflautu. Hvað hafið þið að segja um þannig flautu?
Ég er að bíða eftir 3w grænu led ljósi. Hef svo verið að flytja inn sólarsellur fyrir í tilraunaskyni og stefni eins og er að nota 20w sellu fyrir þetta, tengda geymi í gegnum hleðslustýringu sem kveikir ljósið þegar það verður myrkur. Ég skal gefa rapport þegar þetta verður komið í gagnið.
Takk fyrir þetta Þorsteinn og Sigurður. Þetta er án efa eitthvað sem maður verður að æfa sig á og læra. En ég er ansi spenntur fyrir því að ná mér í svona flautu. Hlað er með svona smokkaflautu. Hvað hafið þið að segja um þannig flautu?
- 29 Oct 2014 21:52
- Spjallborð: Vargur
- Umræða: Eltingaleikurinn við hvíta yrðlinginn
- Svör: 28
- Skoðanir: 10194
Re: Eltingaleikurinn við hvíta yrðlinginn
Selfie frá því áðann. Hefði betur látið það ógert, tók tíma að fá yl í fingurnar aftur.
Hvaða flautu mælið þið annars með. Skilst að það fáist bæði refaflautur í hlað og svo í Ellingsen?
- 29 Oct 2014 21:01
- Spjallborð: Vargur
- Umræða: Eltingaleikurinn við hvíta yrðlinginn
- Svör: 28
- Skoðanir: 10194
Eltingaleikurinn við hvíta yrðlinginn
Núna er ég með það mission að ná einum hvítum yrðling á Rangárvöllum. Ég hef vitað af honum núna í nokkurn tíma, en hann er mjög óreglulega á ferðinni. Ég vissi af yrðlingum á svæðinu í sumar sem ég sá.
Ég setti svo snemma í haust út æti við skothúsið, en hafði það þó í riffilfæri, um 83 metra frá húsinu og var áætlað að hafa lýsingu á ætið sem knúin væri af sólarorku svo hægt væri að nota riffillinn á næturnar. Myndavél var svo sett við ætið. En það var sauður sem fanns afvelta og var grafinn þarna niður, einnig var settur hamur af tveimur öndum og nokkrum gæsum með.
Fyrsta myndin kom fljótlega af hvítum yrðling, en þó ekki búin að skipta allveg um lit.
Það liðu svo þó nokkrir dagar þar til ég sá hana aftur.
Þetta var ennþá óreglulegt og ekkert farið að grafa niður á ætið.
Svo fekk ég aftur mynd að degi til og þá sást hún vél, tel þetta vera sama yrðlinginn, en búin að skipta betur um ham.
Svo hefur verið að koma mynd á tveggja til fjögurra daga fresti og ekkert búið að róta til í þessu. Hægt er að fylgjast með myndavélinni á http://vembla.is/mr02 en hún hleður myndum beint á síðuna.
Í dag gekk ég svo um svæðið í leit að ummerkjum, einn einnig til að kanna hvort að ég rækist á þessa hvítu þar sem ég vissi að hún hefði sést á svæðinu, um kl. 11 nokkrum dögum áður. Nokkar Km frá ætinu fann ég hræ sem mikill umgangur var í kringum eftir sporum að dæma. Fór ég þar í kvöld og lá frá kl. 17 fram í myrkur en varð ekki var við neitt þar. En djö var kalt.
Frétti ég svo áðan að þessi hvíta hefði sést núna þrjá daga í röð á vappi þarna fyrir hádegi.
Þannig að ég ætla í fyrramálið aftur og sjá hvort að ég nái ekki að rekast á hana
Ég setti svo snemma í haust út æti við skothúsið, en hafði það þó í riffilfæri, um 83 metra frá húsinu og var áætlað að hafa lýsingu á ætið sem knúin væri af sólarorku svo hægt væri að nota riffillinn á næturnar. Myndavél var svo sett við ætið. En það var sauður sem fanns afvelta og var grafinn þarna niður, einnig var settur hamur af tveimur öndum og nokkrum gæsum með.
Fyrsta myndin kom fljótlega af hvítum yrðling, en þó ekki búin að skipta allveg um lit.
Það liðu svo þó nokkrir dagar þar til ég sá hana aftur.
Þetta var ennþá óreglulegt og ekkert farið að grafa niður á ætið.
Svo fekk ég aftur mynd að degi til og þá sást hún vél, tel þetta vera sama yrðlinginn, en búin að skipta betur um ham.
Svo hefur verið að koma mynd á tveggja til fjögurra daga fresti og ekkert búið að róta til í þessu. Hægt er að fylgjast með myndavélinni á http://vembla.is/mr02 en hún hleður myndum beint á síðuna.
Í dag gekk ég svo um svæðið í leit að ummerkjum, einn einnig til að kanna hvort að ég rækist á þessa hvítu þar sem ég vissi að hún hefði sést á svæðinu, um kl. 11 nokkrum dögum áður. Nokkar Km frá ætinu fann ég hræ sem mikill umgangur var í kringum eftir sporum að dæma. Fór ég þar í kvöld og lá frá kl. 17 fram í myrkur en varð ekki var við neitt þar. En djö var kalt.
Frétti ég svo áðan að þessi hvíta hefði sést núna þrjá daga í röð á vappi þarna fyrir hádegi.
Þannig að ég ætla í fyrramálið aftur og sjá hvort að ég nái ekki að rekast á hana