Ég fór í túr um helgina, á laugardaginn var felltur tarfur á sv 1, 92kg tarfur á Sunnudal. Var í 6 tarfa hópi í 550m hæð. Lungnaskot á 280-290m færi sem félagi minn skaut með .308win, Remington 700 - Simms 2.8-1 x 40.
Á sunnudaginn var svo farið inn á Stafsheiðardal, inn af Norðurdal í Breiðdalnum. Þar sem Stafheiðardalur og Vatnsdalur mætast var kíkkað inn í báða dali um allar hlíðar. Vatnsdalsmegin sást í hjörð sem lá, sennilega bara tarfar í henni, svona 20stk. Inn í Stafsheiðardal sá ég 2 dýr sem reyndust vera í 590m hæð, annar þótti mér álitlegur og svo einn tittur með. Við röltum af stað í þau dýr og litum ekki meira við hjörðinni. Þegar klifri var lokið upp stallinum sem dýrin voru á og ég leit upp fyrir brúnina voru tarfarnir bara rétt hjá okkur. Ég náði fljótlega að lauma rifflinum upp á brúnina og hleypa af skömmu seinna þar sem tarfurinn var á beit. Færið var 70 metrar og hausskot, enda færið afar gott. Tarfurinn steinlá án nokkurra eftirmála. VIð skotið reis þriðji tarfurinn á fætur, sem var nokkuð minni en sá sem í valnum lá. Fallþungi reyndist 95kg. Riffillinn er Sako 85 í .308win. Kíkirinn; Zeiss diavari 6-24x56 og skotið með 10x stækkun. Veðrið var eins og best var á kosið, glampandi sól allan daginn og bráðahiti.
Hornin voru alveg óskemmd, mjög flott og verða þau sett á platta.
Bráðskemmtilegur túr.
Leiðsögumaður var Sigfús Heiðar
Search found 1 match
Til baka í “Hreindýraveiðin byrjuð”
- 22 Jul 2013 23:38
- Spjallborð: Hreindýr
- Umræða: Hreindýraveiðin byrjuð
- Svör: 13
- Skoðanir: 4324