Skyttuspjallið

Sælar skyttur

Nú er ég alveg nýr í þessu sporti og á enga ættingja sem ég get snúið mér að með þessum spurningum að svo ég læt þær flakka hérna á ykkur.

1.Eru einhverjir staðir sem ég má æfa mig að skjóta leirdúfu í nágrenni höfuðborgarinnar. Semsagt ekki á svokölluðu skotsvæði.
2. Eru fjörur alltaf í einkaeigu? Hef heyrt af mönnum sem hafa farið í fjörur t.d. að skjóta leirdúfur og jafnvel máva.

Vona að ég sé ekki að spyrja alveg eins og asni.

Sæll Andri og velkominn á spjallið.

Ég þekki nú ekki vel til nálægt höfuðborginni en hversu langt frá höfuðborginni kallar þú nágrenni?

Ég er nokkuð viss um að allar fjörur landsins séu í einkaeigu, eða geri ráð fyrir því. Það má skjóta á landi í einkaeigu með leyfi landeiganda. Einnig má skjóta í þjóðlendu, nema um friðland sé að ræða þar sem tekið er fram að ekki megi vera með byssur.

Að sjálfsögðu skiptir þá máli að ganga vel um eftir sig því sóðaskapur kemur slæmu orði á okkur alla ef það er skilið illa við þjóðlendur.

Að sjálfssögðu mæli ég með skotsvæðunum til að æfa sig en mönnum er þó heimilt að æfa sig sjálfir við ofangreindar aðstæður.

Af hverju viltu ekki skjóta leirdúfur á svokölluðu skotsvæði? Þar færðu leirdúfur á fínu verði, góða aðstöðu, kaffi, og hittir karla sem eru tilbúnir að leiðbeina þér. Ekki æfa þig með því að skjóta máfa.

Takk kærlega fyrir þetta Magnús
Nágrenni tel ég nú vera kannski hálftíma 40 mínútur frá Rvk komst nefnilega yfir kastara og þetta væri töluvert ódýrara fyrir mig. Vesen að vera námsmaður

Já Björn þetta er kannski bara steypa í mér.

Best er að hafa aðgang að einkalandi, t.d. hjá einhverjum bónda ef maður vill nota sinn eiginn kastara en svo er það rétt hjá Birni að það fylgir ýmislegt með því að fara á skotsvæði, m.a. aðstoð og leiðbeiningar sem gott er að nýta sér, allavega í og með

Já ætli maður verði ekki bara að koma sér í samband við ættingja í Landeyjum og undir Eyjafjöllum og kynna sér svo einhverja góða skotvelli í Borginni og völlinn ykkar þarna fyrir austan

Það er mjög gott að vera í Landeyjunum að æfa Og svo kíkja við hjá okkur í leiðinni

Sæll Andri, velkominn hérna á spjallið.
Finnst þér of langt upp í Kjós?
Þú gætir reynt að hringja í 661-1511 Elías.

Kjósin er bara hin fullkomna vegalengd þakka þér kærlega fyrir þessa ábendingu Sigurður.

Ég mundi segja að það sé dýrara að vera að keira uppí kjós eða austur fyrir fjall til að æfa sig. Ef að þú ert meðlimur í skotfélagi þá ertu að borga ca. 600 kall fyrir hringinn og inní því er flott aðstaða, dúfurnar sjálfar og eins og strákarnir segja þá eru flestir til í að leiðbeina þér. Þú ert að borga 3600kr fyrir 200 dúfur í veiðiverslun ef ég man rétt en 4800kr fyrir 200 dúfur á skotvelli. Ég er alveg til í að borga 1200 kalli meira fyrir aðstöðuna.

Inní þessu reiknidæmi er nú samt ekki ársgjaldið.
Annars eru margir fleiri vinklar á þessu, sumum finnst bara skemmtilegra að fara með kastara með vinum á góðan stað í góðu veðri.

Síðan geturu auðvitað farið líka með þinn eigin kastara upp á svæði eins og t.d. hjá Keflavík.