Skaust Tvenna - Hreinn og Hreindýrahreysti

Allt um Benchrest, Silhouette, ISSF og aðrar riffilgreinar ásamt öllu sem viðkemur skotfimi með rifflum
User avatar
jon_m
Póstar í umræðu: 1
Póstar: 169
Skráður: 16 Dec 2012 11:12
Staðsetning: Fossárdalur
Hafa samband:

Skaust Tvenna - Hreinn og Hreindýrahreysti

Ólesinn póstur af jon_m » 30 Jun 2016 10:53

Skaust Tvenna fer fram um komandi helgi 1. og 2. júlí

Hreinn 2016, föstudaginn 1. júlí kl. 18:00
Skráning og upplýsingar á http://www.skaust.is

Hreindýrahreysti 2016 , laugardaginn 2. júlí kl. 10:00
Skráning og upplýsingar á http://www.skaust.is


Hreinn Reglur

1.Einungis er heimilt að nota hreindýrakalíber og lámark 100 gn kúlu. Úr reglugerð um stjórnun hreindýraveiða: „Til veiða á hreindýrum má einungis nota riffla með hlaupvídd 6 mm eða meira. Kúluþyngd skal ekki vera minni en 6,5 g (100 grains) og slagkraftur ekki minni en 180 kgm (1300 pundfet) á 200 metra færi. Veiðikúlur skulu vera gerðar til veiða á stærri dýrum, þ.e. þenjast hæfilega út í veiðibráð. Óheimilt er að nota sjálfvirka eða hálfsjálfvirka riffla við hreindýraveiðar.“ (Kúluhamar og vog verða á staðnum.)

2.Skotið verður 10 skotum á mismunandi löngum færum sem gefin verða upp á staðnum á skuggamynd af framhluta á hreindýri.

3.Skotið verður tveimur skotum fríhendis standandi.

4.Öðrum skotum verður skotið af borði og verða tvífætur leyfðir en engin annar stuðningur leyfður.

5.Allar tegundir riffilsjónauka eru leyfðar.

6.Tímamörk verða 2 mín á fyrstu tvö fríhendisskotin og 8 mín á hin átta skotin.

7.Gefin verða 10 stig fyrir skot sem hittir lunga næst hjarta, 8 stig fyrir lunga fjær hjarta, 7 stig fyrir skot sem hittir hjarta og 3 stig fyrir skot sem hæfir dýr þ.e.a.s. það sem er á blaðinu.

8.Engin æfingaskot verða leyfð að morgni keppnisdags.


Hreindýrahreysti Reglur

Keppt verður í einmenningi, í samhliða keppni.

1) Skotmörk verði blöðrur, 10 stk. fyrir hvorn keppanda, sem stillt verði upp á bilinu frá 65m til 270m. Litir á blöðrum verða annars vegar hvítar(10 stk.) og hins vegar rauðar(10 stk.).

2) Skotstaður verður við skothús SKAUST. Þar munu keppendur skjóta öllum skotum.

3) Rásmark verður ca 50m frá skotstað.

4) Brautartími er gefinn 15 mínútur til að ljúka þrautinni. Tíminn úr brautinni verður reiknaður þannig: Brautartími 15 mín – tími keppanda = ónotaður tími x 10.

Dæmi: 15mín-10mín = 5mín x 10 = 50 stig.

5) Fyrirkomulag. Hlaupið er frá rásmarki að skotstað og skotið 1 skoti, hlaupinn hringur, tekin 2 skot, hlaupinn hringur, tekin 3 skot, hlaupinn hringur, tekin 4 skot. Þá eru komin 10 skot. Fyrir hvert skot sem geigar þá dragast jafn mörg stig frá og skotstelling býður upp á. Enginn stuðningur undir afturskefti er leyfður nema hönd keppandans.

6) Skotstellingar:

a) Liggjandi með tvífót =10 stig (6 skot = 60 stig).

b) Krjúpandi á hné án hjálpartækja =20 stig (2 skot = 40 stig).

c) Standandi án hjálpartækja = 30 stig (2 skot = 60 stig)..

7) Keppendur þurfa að taka tvö skot af hné og tvö skot standandi. Þeir ráða hvenær í keppninni þeir gera það. Hámarks stigaskor er 60+40+60 samtals 160 stig.

8) Skotmörk gefa stig, mismikið eftir fjarlægð. Talin verða stig í samræmi við fjölda sprunginna blaðra. Fyrir hvert óskotið skotmark dragast frá jafn mörg stig og skotmark gefur.

Hámarks stigaskor fyrir þennan lið er 20+60+90+80 samtals 250 stig.

a) Undir 100m = 10 stig (2 blöðrur =20 stig).

b) 100 - 150m = 20 stig (3 blöðrur = 60 stig).

c) 150 - 200m = 30 stig (3 blöðrur = 90 stig).

d) Yfir 200m = 40 stig (2 blöðrur = 80 stig).

9) Vopn verða hefðbundnir hreindýrarifflar með kíki og tvífót. Þau vopn verða höfð á skotstað. Lágmarks kröfur samkvæmt reglugerð um hreindýraveiðar gilda.

10) Keppendur fá ígildi riffils í hendur í upphafi keppni. Með hann þurfa þeir að vera í gegnum þær þrautir sem fara þarf.

11) Keppni hefst ca 50m frá skotstað. Þar tekur keppandi "riffilinn" og þarf á leiðinni að skotstað að skríða undir línur sem eru 75cm eða lægri yfir jörð. Ekki má snerta línurnar. Þeir sem fara brautina án þess að snerta línur fá 100 stig. Að snerta línu gefur refsistig(25 stig) í hverjum hring.

12) Eftir fyrsta skot hleypur keppandi að rásmarki með "riffilinn" og til baka að skotstað og tekur tvö skot. Endurtekið skv skilgreiningu í lið 4 uns tíu skotum hefur verið skotið.

13) Að skotnu síðasta skoti setur skyttan bráðina(sandpoka?) á töfrateppi og býr um. Þetta dregur hann með sér í rásmark. Þegar rásmarki er náð með bráðina er keppni lokið.
kveðja
Jón Magnús Eyþórsson
jonm@fossardalur.is
http://facebook.com/hreindyr

Svara