Skyttuspjallið

Ég er að leita að uppskriftum / eldunar / verkunaraðferðum á sel.
Einnig væri ég til að fá einhverjar hugmyndir hvað hægt er að nýta af selnum? til manneldis eða handa hundunum.

Sæll Árni, það er hægt að nota allt af selnum eins og flestum öðrum dýrum.
Hér heima var gamla fólkið yfir sig ánægt þegar súrsaðir selshreifar og súrsað selspik var borið á borð.
Ég hef aldrei verið hrifinn af súrmat svo að því sleppti ég alveg, en soðið selkjöt með uppstúf og kartöflum er með því betra sem ég veit. Gripurinn er hlutaður niður og soðinn á beinunum.
Frábært er að taka lundirnar heilar og grilla þær, en eins og með aðra villibráð þá er betra að gegnelda ekki heldur hafa smá "líf" í kjötinu. Með þessu er mjög gott að hafa bernais-sósu og grillað grænmeti eða bara gömlu góðu grænu baunirnar
Selkjöt er svolítið eins og hvítlaukur, eins og ég segi alltaf, annaðhvort elskarðu það eða hatar. Það er mjög bragðmikið en fer auðvitað töluvert eftir eldunaraðferðinni. Fyrir þá sem að eru að smakka í fyrsta sinn þá er grillið best.
En þú VERÐUR að blóðga alveg um leið og taka innyflin í burtu sem fyrst til þess að fá gott kjöt. Selurinn lifir á feitum fiski og öðru slíku og þetta er fljótt að smitast út í holdið eftir dauða ef ekki er gætt vel að.
Svo spítirðu auðvitað skinnið og setur upp á vegg eða býrð til jakka Árna Jónssen-style

Vonandi svaraði þetta einhverju
Kveðja Keli

öööö...èg er nù þegar buinn ad missa lystina eftir þessa lýsingu, og þô borda èg allt nema hrossakjöt. Fyrr skal èg daudur liggja !

Er ekki bara hausinn af nægilega vel blóðgað?
og helst hengja upp á "sporðinum" veit ekki hvað þetta heitir á sel

Sæll Árni, hausinn af og hengja upp á afturhreifunum dugar alveg prýðilega
Gylfi, ég verð að koma við á Húsavík í sumar og grilla fyrir þig kjötloku með folalda- og selkjöti með bernais á toppnum og súrsaða selshreifa með sem snakk, (sumir segja að þetta líti út eins og barnshendur )
Ofnsteiktur Svartbakur eða Sílamáfur með frönskum, sósu og salati gæti fylgt með ef vill
Létt pönnusteiktur Marhnútur gæti verið góður forréttur ásamt sviðaskönkum af stórum hrút(meira bragð) Nú eða saltaður Fýll, rorrandi í spikinu eins og þykir herramannsmatur í Mýrdalnum og víðar.
Ég skal eftirláta þér um eftirréttinn og drykki með herlegheitunum

Kveðja Keli

Mér sýnist á öllu, að það verði að byrja á drykkjunum

...og hafa nóg af þeim !

Góðir