Þetta er eitthvað sem margir reynsluboltar hérna kannast við. En þar sem ég er lýsandi dæmi um að þessi vísa er aldrei of oft hveðin er hérna nokkur varnar orð fyrir nýjar hetjur í sportinu frá manni sem er búinn að brenna sig!
Ég er semsagt rétt að verða 32 ára gamall og fékk staðfest fyrir nokkrum vikum að ég er með varanlegan heyrnaskaða á báðum eyrum. Ég vinn í hljóðlátu umhverfi þannig að skotveiðar og skotæfingar seinustu 12 ár + er það eina sem kemur til greyna. Heyrnaskaði af þessu tagi læðist aftan að manni, maður heldur að maður sé að spila þetta öruggt en allt í einu, eftir kanski 10 ár tekur maður eftir að talskilningur hefur minkað hressilega. Þegar talskilningur minkar gerir maður sér ekki alveg greyn fyfir því að vandamálið er hjá manni sjálfum og fer ósjálfrátt að kenna öðrum eða aðstæðum um. Öll þau skipti sem ég hef verið við skotæfingar, nota ég nánast undantekningalaust heyrnahlífar. Við skotveiðar hinsvegar hef ég ekki áður notað heyrnahlífar (það breytist núna) af þeirri einföldu ástæðu að ég vill vera var við umhverfið. Þarna liggja mín mistök, ég er enginn ofurveiðimaður, veiði bara fyrir sjálfan mig. Skothvellir við veiðar hafa verið margfallt færri en við æfingar og líka lengra á milli þeirra. Þessvegna hélt ég að ég væri að spila þetta rosalega öruggt.... en óboy hafði ég rangt fyrir mér!
Og hvernig lýsir síðan svona "háfaða" heyrnaskaði sér. Ég heyri mjög vel að það er verið að tala við mig, ég heyr mjög vel í öllum fuglum, ég heyri mjög vel í kæliviftunni í tölvunni við hliðinna á mér. En! þegar að það er bætt við einhverjum háfaða, einhverjum klið eins og frá sjónvarpi, útvarpi, inni í bíl á ferð, mannmergð eða bara einhverskonar kliður þá minkar talskilningur svakalega þótt ég heyri greynilega að það er verið að tala við mig. Það er doldið kjánalegt að þurfa að biðja fólk um að endurtaka 2,3 jafnvel oftar bara af því að maður skilur ekki hvað viðkomandi er að segja, jafnvel þótt að viðkomandi tali skýrt.
Allur heyrnaskaði er varanlegur, það er vissulega fullt af fólki í verri málum en ég og það þíðir ekkert að leggjast á grúfu og væla yfir þessu, heldur bara passa upp á þá heyrn sem ég á eftir.
Fyrir þá sem eru að stíga sín fyrstu spor í þessu sporti, eða hugsanlega að gera sömu mistök og ég! heyrnahlífar þurfa núna að verða ykkar besti vinur þegar að þið eruð að skjóta!
Að lokum þá er hérna niðurstöðurnar úr heyrnamælingunni. Bláa línan er vinstra eyrað, rauða línan er hægra eyrað. Þessar línur eiga að vera nokkurnvegin beinar!
