Það hafa kannski einhverjir fleiri hérna gaman af annara manna föndri.
Mig vantaði góðann veiðihníf en fann ekkert sem mér líkaði við þannig að ég föndraði mér bara einn eftir mínu höfði.
Blaðið var eldsmíðað úr þjöl, munstrið á bakkanum er gert með nálarþjölum svo hert og temprað eftir kúnstarinnar reglum.. Þetta stál fínt, það heldur rosalega góðri egg.
Skeptið er úr hreindýrahorni og pinnarnir í gegnum skeftið eru búnir til úr kopar gaslögn sem ég tróð inní allskonar brasvír (kopar og messing í ýmsum stærðum) og fyllti svo rörið af tini. Á milli blaðsins og hornsins setti ég svo messing plötur til að fá smá kontrast í þetta. Ég reyndi að grafa í blaðið með rafmagni og sýru en það tókst ekki alveg. Ég þarf að læra það betur.
Slíðrið er svo úr nautshúð.
Þetta tók smá tíma en ég hafði gaman að þessu.
