Lopapeysur

[Veiðimeistarinn]

Ég var að hugsa um að starta hérna lopapeysuþræði og leggja út af lopapeysunni sem konan prjónaði á mig í hitteðfyrra.
Það er mynd af henni hérna með. Ég hélt að þetta væri eina lopapeysan í þessum stíl sem til væri á landinu.
Síðan var ég að lesa Morgunblaðið frá 28. nóvember á dögunum eins og allir menn með mönnum eiga að sjálfsögðu að gera og sá þá mynd af spipaðri peysu, það er í camolitunum, sem er að því er mér sýnist ekki með sama munstrinu og mín.
Eigandi þeirrar peysu er Benedikt Hrólfur Jónsson, er hann ekki hérna inni á spjallinu?
Benedikt það væri gaman að sjá betri mynd af þeirri peysu til samanburðar hérna á þræðinum
Svo endilega, allir að pósta hérna inn myndum af uppáhalds lopapeysunum ykkar

[Árni More Arason]

Hel**ti er þetta skemmtilegt munstur/mynstur á peysunni hjá þér. Felulitirnir eru líka alveg að gera sig á henni!

[Jón Pálmason]

Sælir/ar.

Skemmtilegur þráður hjá Sigurði, eins og hans var von og vísan.
Á peysu sem fellur í þennan flokk og vildi leyfa öðrum að njóta.
Er búinn að brasa við það í kvöld að reyna að setja inn mynd af gripnum úr I-padinum mínum, með engum árangri. Vonandi tekst það síðar.

[sindrisig]

Ég held nú að það sé ekkert að marka Sigga í þessu. Þetta er ekki lopapeysa, þetta eru bringuhárin á honum... Hann á listagóða konu sem prjónar úr öllu mögulegu og ég get ekki betur séð en að skeggið, bringuhárin og þau sem eru neðar séu þarna öll saman komin og búi til þetta skemmtilega mynstur.

Njótið sem best.

kv.

[jon_m]

Tengdamóðir mín prjónaði þessa á mig fyrir síðasta tímabil.

[Jón Pálmason]

Sælir/ar.
Skemmtilegur þráður hjá Sigurði, eins og hans var von og vísan.
Þessi peysu var prjónuð í fyrra eftir ósk frá mér. Held uppá gráan lit, en samt áttu margir aðrir litir að vera með. Benelli varð að koma við sögu ásamt nokkrum völdum skotategundum.
Hún átti að vera hlý og þægilegt að fara í og úr henni.
En að öðru leyti fékk konan lausan tauminn varðandi munstur og útfærslu.

Og koma svo..........

[karlguðna]

sælir
Greynilega listamaður þessi kona þín Jón ,,,, ef ekki fyrir benelli

TIKKA hefði nú átt betur við !!!???

Verð nú reyndar að bæta við að peisan hjá Sigurði er verulega flott líka ,,,,hmmmmmm ,,, ætli ég reyni ekki að semja við mína
hugsa nú samt að ég færi í mórautt eins og hornamaðurinn ,,, maður sá ekki peysuna fyrir hornum,

[Veiðimeistarinn]

Jæja, þá er gátan leyst með þessa lopapeysu sem ég minntist á í upphafspistli þessa þráðar.
Ég fékk sendan smá pistil frá eiganda peysunnar Benedikt Hrólfi Jónssyni veiðimanni á Auðnum í Laxárdal Norður (Benedikt á Auðnum, ef það klingir einhverjum bjöllum).
Hann er í forsvari fyrir Veiðifélagið Pörupilta sem heldur úti fróðlegri og skemmtilegri heimasíðu.

http://porupiltar.123.is/

Hér kemur pistillinn frá honum.
,,Komið þið sælir og blessaðir.
Gaman að sjá að menn hafa þennan gríðarlega áhuga fyrir lopapeysum.
Þessi lopapeysa er prjónuð á mig af frænku minni sem býr austur á Egilsstöðum, í afmælisgjöf og var það hún sem ég skartaði í Mogganum 28. nóv. síðastliðinn. Hún frænka mín Sigríður Lilja Ragnarsdóttir er býsna iðinn við þetta og hefur þetta að atvinnu að prjóna flíkur á fólk.
Ég veit það hinsvegar að allir karlmennirnir þrír í þeirri fjölskyldu skarta allir svona lopapeysum, með mismunandi dýrum að vísu.
Dýrin eru rjúpa, hreindýr og gæs. Núna á næstunni ætla ég að láta hana prjóna á mig smekkbuxur.
Á eftir því verður prjónuð refapeysa.
Seinni myndin er af peysu í camo sem er í hönnun.
Til gamans má geta að veiðifélagi minn lét prjóna á sig neon gula lopapeysu og er hún sér prjónuð fyrir smalamennsku og einungis notuð þá". BHJ.

Síðan set ég hérna inn neðst eina mynd af eiganda peysunnar Benedikt á Auðnum, sem ég stal af heimasíðunni hjá Pörupiltum.
Í baksýn er Laxárdalurinn í allri sinni dýrð, séður til norðurs í haustbúningi .