Skyttuspjallið

Datt í hug að einhverjum þætti etv gaman að sjá afraksturinn í dag. Bjó til færanlegt skotmark til að æfa mig á lengri færunum uppí sveit. Pantaði mèr AR500 stálplötu (Maggragg að kenna) en hún er rúmir 15cm á breidd. Svo skemmtilega vill til að lögunin og stærðin eru ekkert svo ósvipuð haus á loðnum rebba. Flott æfingamark. Má sjálfsagt nota hvaða stálbút sem er, en þetta AR500 á víst að þola kúlur úr 308. Sprautaði hvítt til að sjá betur úti í guðsgrænni.

Fann svo bara gott Kambstál, skar í sundur með rokk og sauð saman í netta grind. Setti hausinn í bandspotta en kannski maður noti keðjuna frekar, kemur í ljós. Smellti svo litlum bandspotta á endann til að fá hugmynd um hreyfinguna á vindinum.

Jájá, verður fínt á 200-300- kannski 400m.

Þessi er flott! Flott hönnun á standi, mjög meðfærilegt sýnist mér.

Mín plata er á leiðinni, bjóst við henni í kvöld en ekkert bólar á henni ennþá en hún er eins nema 40 cm í þvermál.

Væri allveg til í svona fyrir styttri færin, undir 500 metra. Verður gaman að fylgjast með því hvernig þetta kemur út hjá þér

Mér reyndist betra að hafa standinn eða fótinn á upphengjunni til hliðar við bjölluna eða á bakvið. Það virstist vera óhjákvæmilegt annað en að skjóta fótinn í sundur ef hann er undir eða nálægt bjöllunni.

Ég útbjó mína þannig að fæturnir eru nánast faldir á bakvið markið, reyndar er hún töluvert stærri en þessi. Ég ætla að reyna að grafa upp mynd af klambrinu.

Sælir.
Af fenginni reynslu þá dugar ekkert minna en keðja og hún sver nema að þú hafir gamann að millivegalengda hlaupum.
Svo hafa sumir á mínu skotsvæði einstaklega gamann af því að miða á keðjurnar mér til mikillar ánægju eða þannig. (Ég fæ að gra við helv.... draslið)
En annars flott og ég hefði fótinn til hliðanna líka.
kv.
Jón

Og keðja skal það vera.....
Prófaði apparatið í morgun á 150 og 300m. Virkar eins og í sögu nema hvað böndin hreinlega gufuðu upp þegar kúlurnar lentu í stálhausnum. Þrátt fyrir lætin nær 6,5x55 ekki að rispa plötuna, málningin hreinsast bara af. Mæli hiklaust með svona stáli.

Að öðru leyti hin allra bezta skemmtun og kannski eins gott að æfa sig mikið ef maður ætlar ekki að falla á hreindýraskotveiðiprófinumikla.

Sæll.
Hvar ert þú að fá efni í þetta?? er það hjá Rósalind vinkonu minni (vélsmiðja Guðmundar) eða einhverstaðar annarstaðar, hvað er verðið á svona plötu? vantar að græja 4-5 svona á völlinn.

Bjallan mín er komin. 40 cm þvermál og skorin út úr 10 mm Hardox 500 stáli hjá Stálsmiðju Héðins. Pantaði tvær og er verðið með útskurði um 15.000 kall platan.

Næst er að mála hana hvíta og búa til stand fyrir hana sem heldur henni uppi og er jafnframt meðfærilegur



Ég á cad teikningar fyrir plötunni í tölvutæku formi ef einhverjum vantar.

Þetta er alveg 600m bjalla....

Já, hún verður ekkert skemmtileg á styttri færum Set hana til að byrja með á 500 metrana á skotsvæðinu. Fínt að æfa skot í vindi á þessa stærð. Langar í minni líka fyrir styttri færi eins og þú ert með.

Sælir

Takk fyrir teikninguna, er að skoða það hver getur græjað þetta fyrir mig á Akureyri.

Annars má líka mála bjöllurnar hvítar en setja rauðan hring til að merkja t.d. hverja 10cm, þá ættir þú að sjá hvar skotið kemur á bjölluna úr góðri fjarlægð. Mér finnst reyndar bjallan hans Þórirs algjört listaverk

Takk, jájá hún er skemmtileg svona máluð. Maggi benti mèr á þetta á Ebay og èg keypti þetta þar....etv einfaldara að kaupa hèrna heima.
Standurinn kemur líka vel út, en ef með þarf verður ekkert mál að breyta honum. Magnað er að sjá kraftana sem leysast úr læðingi þegar 120 grain kúlan lendir og splundrast. Böndin hreinlega gufuðu upp (brunnu) og málningin flagnaði af....en ekkert sást á stálinu. Ætli skriðdrekar sèu ekki úr einhverju svona?

Er með þessa á 400 metrum...fín skemmtun. Er með .243