Ætti að leyfa hljóðdeyfa (supressors) á riffla

[maggragg]

Það hefur ekkert gerst í þessum málum. Frumvarpið sem var lagt fram á síðasta þingi dagaði uppi og þangaði til það verður lagt fram aftur mun ekkert gerast. En við vonum að þetta þarfa mál fari í gegn og þetta verði leyft, enda engin rök til annars.

[Bowtech]

Samkvæmt mínum heimildum þá fara vopnalögin ekki á dagskrá fyrir áramót en vonast er til að þau verði á dagskrá eftir áramót eða á vorþingi.

[Gísli Snæ]

Sælir

Er eitthvað að frétta af þessu?

[hpþ]

Mér var sagt af ábyrgum aðila fyrir áramót að hljóðdeyfar yrðu leyfðir, spurning hvort það verður á þessu ári eða því næsta eða þegar skotvopnalöggjöfin verður endurskoðuð næst.

[Haglari]

En eru hljóðdeyfar eitthvað frekar bannaðir en til dæmis muzzle brake? Ef ég kaupi eða smíða mér hljóðdeyfi má nokkuð taka hann af mér? Var ekki búinn að falla einhver dómur þar sem lögreglan þurfti að skila hljóðdeyfum sem höfðu verið gerðið upptækir.
Hljóðdeyfafordómar eru mér alveg óskiljanlegir!?

[Veiðimeistarinn]

Óskar Andri, því hef ég alltaf haldið fram, hljóðdeyfar eru hvergi bannair í núverandi skotvopnalöggjöf það ég veit, og þþað sem ekki er bannað er að mínu viti leyft.
Þetta snýst um túlkun laganna sem í þessu efni er meira en lítiðð hæpin túlkun að mínu viti.
Þess vegna hef ég ekki sótt um leyfi fyrir hljóðdeyfi ég held að ég þurfi þess ekki.

[Haglari]

Veit einhver eitthvað um þessi mál þar sem að lögreglan átti að hafa skilað hljóðdeyfum sem voru gerðir upptækir af því að enginn byssusmiður vildi gefa það út að þeir breyttu eiginleikum skotvopnsins? Fór þetta á það stig að verða dómsmál og er þá hægt að nálgast dómin einhverstaðar?

[prizm]

Eins og staðan er núna þá sér sýslumaður á því svæði sem skirteinið þitt er gefið út af/þar sem þú býrð sem sér um að gefa leyfi fyrir hljóðdeyfi.

ATH að það er ekkert ólöglegt við að eiga hljóðdeyfir en hinsvegar er það háð leyfi að fá að nota hann þar sem hann breytir ákomu byssunar en eins og margoft hefur verið bent á þá gerir hlaupbremsa það einnig og þrátt fyrir það er hún samkvæmt Lögreglunni ekki leyfisskyld.

Kröfurnar eru misjafnar eftir því hvern þú spyrð.
Hérna á Höfuðborgarsvæðinu þá veita þeir félagar ekki leyfi nema þú sérst ráðinn af sveitarfélag og með skriflegt samþykki þeirra leyfi til að nota hljóðdeyfi í þeirra umdæmi.

Samkvæmt lögmönnum dómsmálaráðuneytis/innanríkisráðuneytis þá er allt sem ekki er leyft bannað í vopnalögum.

Ég hef oft borið upp spurninguna afhverju þarf ég sérstaklega að skrá hljóðdeyfi en ekki hlaupbremsu og fæ þá mismunandi svör, t.d. hef ég fengið þá skýringu að það tengist hernaði og hannað til að leyna staðsetningu með því að minnka hvell og fl.
Einnig hef ég fengið þá skýringu að þar sem að þetta breyti ákomu og telst því vera breyting á byssu(þrátt fyrir að hægt sé að taka það af og setja á rétt eins og hlaupbremsu) og því háð samþykki Lögreglunar og það sé hvers og eins að meta hvað þurfi að uppfylla og þetta séu þeirra skilyrði.

Þegar ég geng lengra með þetta þá er hvæst á mig og sagt hörðum orðum "svona er þetta bara".

ATH að orðalag í skriflegu samþykki frá sveitarfélagi skiptir líka máli )

Hérna er eitthvað um hljóðdeyfa:
http://www.mbl.is/frettir/innlent/2001/ ... an_leyfis/
Meira finn ég ekki en mig minnir að einhver dómur hafi fallið um hljóðdeyfi á austurlandi fyrir einhverju síðan

[Jón Pálmason]

Sælir/ar.
Það er ekki refsivert að afla sér hljóðdeyfis og eiga hann án leyfis lögreglu.
Ef maður setur hann síðan á byssu án þess að hafa aflað sér leyfis til þess samkvæmt gildandi vopnalögum, þá hefur maður brotið lögin samkvæmt túlkun flestra sem um þessi málefni hafa að segja.
Það hefur fallið dómur varðandi það að eiga hljóðdeyfa sem ekki voru festir á skotvopnin, án þess að hafa útgefið leyfi til að nota þá á byssur í eigu viðkomandi aðila. Það skapaði ekki refsiábyrgð.
Held að dómurinn hafi fallið 2013. Ætti að vera hægt finna hann á Dómstólar.is

[Haglari]

Hérna er líklegast umræddur dómur. http://www.domstolar.is/domaleit/nanar/ ... 1&Serial=1

Samkvæmt lögum þá má ég samsagt eiga hljóðdeyfi og riffil með snittuðu hlaupi en ég má ekki skrúfa hljóðdeyfinn framan á hlaupið.... og ástæðan fyrir því að ég má ekki skrúfa hljóðdeyfinn framan á hlaupið er að ákoman breytist, þá væntnalega við þyngdina sem bætist við framan á riffilin? og þá telst það "breyting á eiginleikum skotvopnsins" (væntanleg breytist ákoman líka með muzzle brake?, bara kanski ekki eins mikið)

Hverjum datt eiginlega þessi vitleysa í hug

Má þá nokkuð taka af mér hljóðdeyfinn t.d. í tollinum ef það er ekki ólöglegt að eiga hann, hefur einhver látið á það reyna....

[Jón Pálmason]

Sæll.
Ef ég man rétt, þá er ekkert í tollalögunum sem bannar beinlínis innflutning á hljóðdeyfum.
Það eru reyndar einhver ár síðan ég var að skoða þessi mál.
Hefur kannski breyst, en það kæmi mér á óvart ef svo væri.

[Einar Gudmann]

Umhverfisstofnun hefur lagt það til í umsögn sinni um vopnalögin að hljóðdemparar á stærri riffla verði leyfðir án skráningarskyldu. Fjallað er nokkuð ítarlega um hljóðdempara í umsögninni sem hægt er að lesa um á vef Umhverfisstofnunar. https://www.ust.is/library/Skrar/Umsagn ... 3-2012.pdf
Í dag standa þessi mál þannig að það er hægt að sækja um hljóðdempara óháð því hvort menn stundi meindýraveiðar eða ekki. Sækja þarf um til lögreglunnar á þeirri forsendu að allar breytingar á skotvopni séu skráningarskyldar. Allar umsagnir Umhverfisstofnunar um notkun hljóðdempara á hefðbundna veiðiriffla hafa verið jákvæðar fram til þessa.

[prizm]

Eins og Einar bendir á þá er hægt að sækja um hljóðdeyfir óháð því hvort að viðkomandi stundi meindýraeyðingu í atvinnuskyni eða ekki en hinsvegar eru öllum öðrum umsóknum hafnað strax ef menn eru ekki með uppáskrifað frá sveitarfélagi um að þeir séu að stunda meindýraeyðingu og hafi þeirra leyfi til að gera það með hljóðdeyfi,

Án þess að hafa leitað eftir upplýsingum þá held ég að það sé rétt hjá Jóni að það sé ekkert sem bannar innflutning á hljóðdeyfi EN ef hann er stoppaður þá vilja tollverðir fá stimpil frá Lögreglunni og eins og ég hef sagt að ofan þá fá menn neitun nema þeir hafi uppáskrifað.

[Gísli Snæ]

Þar sem Einar Guðmann er starfsmaður UST finnst mér þetta merkilegt og gott innlegg frá honum.

Spurning um að maður spjalli (í góðu) við Jónas aftur.

Eftir að hafa prufað hljóðdeyfi þá er ekki spurning að mínu mati að það á að leyfa þetta á stórum caliberum (ekkert að gera með hljóðdeyfi á 22 LR og Sub sonic skot).

[Haglari]

Já þetta er áhugavert innlegg frá Einari og gott að vita að það er rökhugsun en ekki fordómar hvað þetta varðar hjá UST. Þetta eru samt ekki bara hagsmunir veiðimanna heldur líka skotíþróttafólks. Fólk sem er í skotfimi á kanski auðveldara með að nota heyrnahlífar en afhverju ekki að leifa þeim að draga úr hljóðmengun sem það vilja.

Varðandi 22LR, ég hef stundum rekist á umræðu þar sem talað er um að hljóð frá supersonic 22LR skotum sé mjög skaðlegt fyrir heyrnina út af tíðni sem hvellurinn gefur frá sér... hef samt ekki séð nein frekari rök fyrir því. Hafið þið heyrt eitthvað um þetta?

Ég hef prófa 22LR með hljóðdeyfi. Með subsonic skotum er hvellurinn ótrúlega lítill en eðlilega heyrist ennþá doldið í supersonic skotum. Ég sé ekkert því til foráttu að leyfa hljóðdeyfa fyrir þá sem það vilja á randkveiktum hylkjum hvort sem þau er sub- eða supersonic..... það hlýtur alltaf að vera kostur að draga úr háfaða.

[Guðni Einars]

Ég vil benda á umfjöllun um hljóðdeyfa í Skotvísblaðinu 2014. Þar er m.a. rakin saga skotveiðimanns sem sótti um leyfi fyrir hljóðdeyfi en lögreglan á höfuðborgarsvæðinu hafnaði umsókninni. Maðurinn sendi stjórnsýslukæru til innanríkisráðuneytisins sem staðfesti ákvörðun lögreglunnar.

[Gísli Snæ]

Annars held ég að menn ættu að var slakir gagnvart Jónasi og félögum. Held að þetta strandi í raun ekki hjá þeim - held að það sé ekki þeirra að ákveða að allt í einu verði löglegt að eiga og nota hljóðdeyfi.

Alltaf fundist svakalega gott að tala við Jónas og hann sýnir því sem maður er að biðja um skilning - svo framalega sem maður er innan skynsamlegra marka.

[gkristjansson]

Ég verð að taka undir þetta með hann Jónas, alltaf gott að tala við hann og hann er mjög hjálpsamur innan þess ramma sem hann verður að vinna.

Er nokkuð viss um að hljóðdeyfarnir sem slíkir stranda ekki á honum eða hans ákvörðunum.

[sindrisig]

Skrýtið...

Það er í sjálfsvaldi sett hjá hverju lögregluembætti fyrir sig hvernig þeir túlka reglurnar og þið segið síðan að það sé ekki upp á þá að klaga...

Merkilegur andskoti.

[prizm]

Alls ekki misskilja mig og halda að ég sé í herferð gegn Jónasi, það er á endanum Ríkislögreglustjóri sem setur fyrir hann línurnar hvað túlkun á þessu varðar.
Jónas er mjög fínn og frábært að tala við hann enda mjög fróður um margt.