Síða 1 af 1

Að ferðast í gegnum Amsterdam með skotvopn

Posted: 16 May 2012 20:06
af gkristjansson
Sælir,

Ég vildi bara láta ykkur vita að ef einhver ykkar er á leið erlendis með skotvopn og ætlar að fara í gegnum Amsterdam (skiptir ekki máli hvert þið eruð að fara), þá þarf að fylla út sérstök umsóknareyðublöð og senda til Hollenskra tollyfirvalda áður en lagt er af stað og fá leyfi þeirra til að ferðast með vopnin. það þarf að fylla þetta út fyrir bæði út og heimferð og skiptir ekki máli þó að maður hafi evrópska vopnapassann....

http://www.travelexpressagency.com/inde ... m-permits/

Kíkið á "Netherlands Information".

Ef maður gerir þetta ekki þá getur maður víst lent í því að vera neitað um að fara um borð í flugvélina eða að byssurnar verða gerðar upptækar.

Re: Að ferðast í gegnum Amsterdam með skotvopn

Posted: 16 May 2012 20:22
af Bowtech
Svo að til að bæta við upplýsingar frá Guðfinni að ef einhver svo ólíklega vill til að viðkomandi sé með veiðiodd þá er hann tekinn af þér og þó nokkuð vesen í kringum það, þetta er eina Evrópuríkið fyrir utan ísland sem hefur þessa reglur svo vitað sé. En verið er að vinna í því að fá þessu breytt..

Re: Að ferðast í gegnum Amsterdam með skotvopn

Posted: 17 May 2012 08:41
af Veiðimeistarinn
Takk fyrir að segja okkur frá þessu, ég hefði farið alveg grænn með minn riffið og evrópupassann og reynt Amstardam sem og annars staðar.
Ég hef heyrt að það séu enhver vandræði að fara inn í Svíþjóð, heyrði ávæning af því að veiðihópur héðan hefði lent í einhverjum vandræðum þar og orðið að senda vopnin heim aftur og fá lánsvopn þar úti.

Re: Að ferðast í gegnum Amsterdam með skotvopn

Posted: 17 May 2012 08:50
af gkristjansson
Síðast þegar ég var í Svíþjóð að veiða þá þurfti ég að sækja um tímabundið byssuleyfi (eins og útlendingar þurfa heima á Íslandi) áður en ég kom til landsins. Tollurinn var síðan með þessa pappíra hjá sér þegar ég kom til Svíþjóðar og þetta gekk eins og í sögu. Ef ég hefði ekki sótt um þetta leyfi fyrir komuna til Svíþjóðar þá reikna ég með því að ég myndi hafa lent í einhverjum vandamálum....

Re: Að ferðast í gegnum Amsterdam með skotvopn

Posted: 17 May 2012 09:52
af Veiðimeistarinn
Það hefur líklega verið þetta sem stoppaði þá, man ekki alveg í hverju þetta klúður lá.
Já það er greinilega að ýmsu að huga þegar ferðast er með skotvopn um Evrópu, það er greinilega ekki nóg að veifa bara Evrópubyssupassanum sínum.

Re: Að ferðast í gegnum Amsterdam með skotvopn

Posted: 17 May 2012 14:36
af Einar P
Til að koma með vopn til Svíþjóðar þarf að sækja um leyfi til lögreglunar á Arlanda og það þarf að gera þetta með minnst 6 vikna fyrirvara. Til að geta fengið leyfið þarf að vera með boð frá veiðiklúbb eða veiðiréttarhafa ef fara á til veiða en annars skotfélagi.

Re: Að ferðast í gegnum Amsterdam með skotvopn

Posted: 03 Feb 2013 18:06
af gkristjansson
Bara svona til að bæta við Amsterdam, ég fór að veiða í Bandaríkjahrepp núna í Október síðastliðnum. Eins og ég geri oftast þegar að ég er þar þá keypti ég mér skot í veiðirifflana mína þar. Þegar að ég síðan skila mér heim þá kemur í ljós að taskan mín var ekki samferða. Hún siðan skilar sér einum degi seinna með öllu innbyrðis nema skotin sem ég hafði keypt.....

Þar sem ég flaug í gegnum Amsterdam á heimleiðinni þá hef ég sterkan grun um að þeir hafi opnað töskuna þar og tekið skotfærin úr. Ég hef reyndar lent í því áður að hlutir hafi verið teknir úr tösku en í öll þau skipti þá hafði viðkomandi tollayfirvald að minnsta kosti þann manndóm að setja smá bréf inn í töskuna um að eitthvað hefði verið fjarlægt (t.d. hrá spægipylsa sem bannað var að flytja inn í landið).

Það sem mér kom reyndar mest á óvart í þessu máli var hvað allir voru "ligeglad" um þá staðreynd að sprengiefnum hafi verið "stolið" úr töskunni minni.