Ég lauk skotvopnaprófinu í ár og er gjörsamlega blautur á bak við eyrun þegar kemur að fuglaveiðum nema það litla sem maður lærði á veiðikortanámskeiðinu og það var nú ekki mikið.
Mig hefur mikið langað til þess að komast í heiðagæsaveiði og er búinn að fara 2 sinnum en ekki haft erindi sem erfiði.
rangt val á stað eða eitthvað annað veit það ekki.Það er eins og maður sé að reyna að draga úr mönnum tennur þegar maður spyr hvernig maður á að fara að og hvaða staðir séu líklegir til þess að veita manni veiði. Enda skil ég það að menn vilji ekki gefa hnitin á leynitjörnina sína, en finnst það svo sem í lagi að menn miðli reynslu sinni til þeirra sem eru gjörsamlega óreyndir og vilja ólmir læra hvernig lesa á aðstæður og meta hvort að staður sé líklegur til veiði eða ekki.
Nú eru nokkrar spurningar sem brenna í mínu brjósti varðandi veiði á heiðagæs
- Hvaða um merkja á maður að leita við tjarnir/náttstaði gæsanna?
Verður að vera strönd á tjörninni/náttstaðnum?
Hvernig eru menn að bera sig að í morgunfluginu á móti kvöldfluginu eru menn að lokka gæsirnar niður með flot og skelgæsum eða bara flotgæsum?
Hvað eru menn að veiða lengi? Er komið kolniðamyrkur þegar að kvöldflugið á sér stað?
Eru náttstaðirnir að færast neðar af hálendinu þegar fer að kólna?
Hef leitað um allt netið að veiði á heiðagæs og hef ekki fundið neinar greinar né pósta þar sem að fjallað er um þetta málefni og því biðla ég til ykkar kæru félagar hvort það sé ekki einhver þarna úti sem að getur frætt mig um þetta, hvort það er formi svars hérna, tölvupósti, greinaskrifum eða einfaldlega bent mér á bækur eða linka á fræðsluefni um þetta.
Með von um góðar móttökur,
Fribbi
