Pattern skjóta úr haglabyssum

[maggragg]

Ég væri til í að fá upplýsingar um það á hvaða færum þið væruð að pattern skjóta, á hverstu stór blöð og hvort að þið notuðuð ákveðnar skífur, þ.e.a.s með ákveðnum hringjum eða öðru til að vinna upplýsingar út frá patterninu.

Þessar upplýsingar munu nýtast við uppsetningu á aðstöðu til þess að skjóta pattern úr haglabyssum.

[Veiðimeistarinn]

Hvað er að pattern skjóta

[Aflabrestur]

Sælir Meistari.
það er þegar skotið er á eh. ákveðnu færi á pappappjad td. 1x1m með haglabyssu til að sjá hvert
"paternið" eða ákoma/dreifing haglana er. Oft er verið að skoða td. hvaða skot og þrenging fara vel samann eða hvernig byssan setur með viðkomandi skotum.

[Veiðimeistarinn]

Takk fyrir þetta Jón mig grunaði það svo sem.
Það ætti kannski að reyna að þýða þetta eins og ,,Penetration"

[maggragg]

Mynstur væri íslenska orðið

[Stefán_Jökull]

Hvað með "könnun á hagladreifingu"? Mér þykir "hagladreifing" sérdeilis gott orð, þjált í munni og meðfærilegt.

[maggragg]

Hagladreifing er flott og þjált hugtak. Hvernig hafa menn staðið að því að kanna hjá sér hagladreifinguna?

[Guðni Einars]

30 metrar +/-5 metrar held ég að sé algengt. Ég hef útvegað mér kringlótt pappaspjöld sem eru um 1,2 metrar í þvermál. Skotíþróttafélag Hafnarfjarðar hefur boðið upp á námskeið í mælingu á dreifingu hagla ef næg þátttaka fæst. Þar er stuðst við Ingerholmsskífu sem er sniðugt verkfæri. Ferdinand Hansen formaður SÍH var með mjög gott námskeið um þetta sem ég sótti.

[hpþ]

Þetta er útskýrt nokkuð vel í skotveiðibókinni hans Ólafs E. Friðrikssonar á bls. 64-67.
Aðeins of mikil lesning til að ég nenni að skrifa það hér inn, en þetta kallast Wannsee-skotskífa.

Stillið upp skífu sem er 1m x 1m og skjótið af 35m færi á miðja skífuna, dragið síðan hring sem er 75cm í þvermál utan um hagladreifina þar sem hún er þéttust. Með þessu móti er þá hægt að bera saman ólíkar gerðir skota milli framleiðenda t.d.

Haglagötin eru talin innan hringsins o. s. frv. Mæli með að þið lesið um þetta í bókinni.

[skepnan]

Ég hef alltaf heyrt talað um að ákomuskjóta. Það er að kanna ákomuna.
Kveðja Keli

[maggragg]

Takk fyrir þetta. Er 35 metrar málið? Samsvarar nálægt 40 yördum. Gera ráð fyrir skífu sem er að minnsta kosti 1.20 metrar í þvermál. Hef ekki lesið um vísindalegu fræðin en fer í það fljótlega. Vildi bara vita hvort að það sé eitt staðlað færi eða fleirri til að setja upp góða aðstöðu fyrir þetta.

[E.Har]

Ég skaut altaf á bylgjupappa.
Samt á styttri færum.
er meira að skjóta á stuttri færum og prófaði 15 - 25 metra ef ég man rétt.

[maggragg]

Erum með 25 metra bana, 50 og 100 metrarnir eru ekki klárir. Væri hægt að setja þetta upp á 25 metra bananum?

[Björn R.]

Hvernig fór þetta hjá ykkur. Er komin patter/ákomu/haglafreifings aðstaða. Ég á stundum leið í Gunnarsholtið Rangárvöllum og þá gæti verið gaman að renna við hjá ykkur

[maggragg]

Sæll.

Þetta er nú ekki komið upp ennþá, en það er á stefnuskránni. Það eina sem eftir var, er að ákveða á hvaða færum og af hvaða stærð skífan á að vera. Einhverjar fleirri hugmyndir. Helst eitthvað staðlað ef það er til um þetta...

[Sveinbjörn V]

Mér finnst ágætt að skoða skot nr 2-3 til gæsaveiða á 35-40metrum, en rjúpan er yfirleitt tekin á styttri færum með fleiri högl í hverju skoti. Er þetta ekki bara misjafnt eftir hvað er verið að fara að gera.

[Kristmundur]

Til að geta borið saman skot af einhverju viti er best að nota sömu aðferðir og framleiðendur nota við að
reikna út þrengingar í haglbyssum,skotið er af 40 yarda færi og síðan fundin miðjan á dreifinni, 30" hringur dreginn utanum miðjuna og höglin talin inni í hringnum, síðan eru höglin talin í skotinu,með því fæst prósentutalan á skotinu, full choke er 70% óþrengt er 40%.
Set hérna með grein úr gömlu American shotgunner vona að það verði læsilegt.

[Ultralight]

Bendi á ágæta grein Jóns Valgeirssonar á vef SKOTVÍS, þar sem hann fjallar um bókina "Sporting Shotgun Performance", og farið er fagmannlega yfir ýmsar algengar fullyrðingar um "ákomu" (e. pattern)

http://skotvis.is/latest/sporting-shotgun-performance

Kveðja,
Arne Sólmundsson

[maggragg]

Hvernig væri ef skotfélögin myndu í samvinnu við Skotvís hanna skífur og kerfi til þess að mæla og bera saman haglaskot. Þá væri eitthvað staðlað kerfi í metrakerfinu sem hægt væri að prófa á skotsvæðunum um landið allt og menn gætu skipst á upplýsingum. Ég tel mikilvægt að menn haldi sig við eitt kerfi þannig að hægt sé að gera samanburð á mill prófana. Þessar skífur tæku þá mið af þeirri bráð sem finnst á Íslandi og þeim færum sem algengust eru á þeim veiðum.

[E.Har]

Byssur fara bara svo mismunandi með skot!
Þannig að ég sé ekki tilganginn. Það sem remminn minn með lengdum cone, portaður með 21 tommu hlaupi fer vel með er ekki vís að nokkur annar geti notað