Meiddur tarfur felldur

[Veiðimeistarinn]

Við leiðsögumenn erum stundum kallaðir til þegar til hreindýra sést sem er eitthvað athugavert við svo sem meiðsli og annað viðlíka.
Svo var nýlega að ég var kallaður til, til þess að líta á tarf sem hökti á þremur fótum við Grænanes í Norðfirði.
Eftir að hafa kíkt á tarfinn sem ekki tippti í vinstri framfót, ákvað ég að fella hann, það leit út eins og hann væri bógbrotinn.
Við skoðun kom í ljós að bógliðurinn var stokkbóginn og liðurinn orðnn krepptur og fóturinn þar af leiðandi of stuttur til að dýrið gæti stigið í hann.
Skrokkurinn var fleginn og liðurinn úrbeinaður og sagaður úr og komið til Náttúrustofu Austurlands sem rannsakar hann betur, ásamt lifrinni og kjálkunum.
Tarfurinn reyndist samkvæmt áætlun minni vera 7 til 8 vetra, liðhoraður og það vantaði í hann fremsta jaxlinn í neðri góm hægra megin.
Við nánari skoðun kom einnig í ljós gamalt skotsár á hrygg tarfsins, kúla hafði tekið ofan af einu háþorni á hryggnum, svo skarð sást eftir.

[Veiðimeistarinn]

Hérna sést kúlufarið í hryggnum á tarfinum.

[Veiðimeistarinn]

Að endingu, svona til fróðleiks, kúlufarið mitt gegn um skrokkinn.
6,5-284 Nosler ballistic tip 100 gr. á um 3500 feta hraða.
Uppfært 16. feb.

[karlguðna]

sælir veiðimeistari ,ef ég má gerast svo djarfurað spyrja, hvaða riffil ertu með, heldur þú að tönnin hafi verið skotin úr dýrinu??
svo verður þú að láta okkur vita hver er ástæðan fyrir "fötlun" dýrsinns þegar rannsókn er lokið.

e.þ. va ekki hraðinn "bara" rétt rúmlega 3300 fet.

[Gisminn]

miðað við þetta allt þá er þetta hið besta mál og er að mínu mati flokkað undir líknar dráp

[Veiðimeistarinn]

Karl, nei ég hef enga trú á að tönnin hafi verið skotin úr honum, það sést ekkert á kjálkunum eða kinninni á honum, svo mér finnst það frekar langsótt og ósennilegt.
Adrei að vita samt, meiri grísinn ef hann hefur verið með opinn munninn og kúlan eða kúlubrotið hefur smellhitt tönnina.
Nei þetta eru 3500 fet á sekúndu mælt með hraðamæli sem þeir eiga Maggi og félagar á Hvolsvelli.

[karlguðna]

Nei það er satt , dálítið langsótt, annars virðist hafa verið skotið ærið oft á greyið .
flott skot.

[heimirsh]

Reynslubolti þessi tarfur...viðeigandi að annar slíkur hafi að lokum fellt hann.