Veiði dagsins 2013

[Veiðimeistarinn]

Jæja, í gær gekk mjög vel eftir veiðilausan dag í fyrradag. Fór með fjóra heiðursmenn á veiðar með 1 tarf og 3 kýr á svæði 1.
Fundum dýrin ásamt Snæbirni leiðsögumanni í Heljardal inn af Stakfelli, dýrin runnu upp úr Heljardalnum innst upp og austur á Heljardalsfjöllin.
Mínir menn keifuðu á eftir þeim upp snarbratta hlíðina (mishratt þó), þegar upp var komið lögðust dýrin til að hvíla sig og sumir mennirnir líka!
Síðan var gengið í málið menn stilltu sér upp allir fjórir tilbúnir hver með sitt dýr í sigti, síðan taldi leiðsögumaðurinn í, einn hvellur bergmálaði í öræfakyrrðinni og fjögur dýr hnigu til jarðar færin frá 100 m til 250 m.
Þorkell D. Eiríksson veiddi 48 kg. mylka kú með 30 mm. bakfitu, færið var 240 metrar veiðiriffillinn Howa Talon Thumbholer cal. 270 Win. kúlan Nosler Ballistic tip 130 gr.
Þorsteinn Hafþórsson veiddi 49 kg. steingelda kú, (að vísu svolítið vel hyrnda en það eru mistök leiðsögumannsins) hún var með 21 mm bakfitu, færið var 200 metrar veiðiriffillinn Sako 85 hunter 6,5x55 kúlan 120 gr. Nosler Ballistic tip.
Þórir Jónsson veiddi 46 kg. mylka kú með bakfitu 15 mm. færið var 160 metrar Veiðiriffillinn var Sako 75 cal. 270 Win. kúlan 130 gr. Nosler Ballistic tip.
Hallgrímur Hallsson Veiddi 90 kg tarf með 62 mm. bakfitu, færið var 200 metrar veiðiriffillinn Sauer 202 cal. 2506 kúlan 100 gr. Nosler Ballistic tip.

[Veiðimeistarinn]

Framhald.......ekki framhjáhald....hehehe...

[Veiðimeistarinn]

Í dag var veidd ein hreinkú við Grímsstaðakerlinguna þar var 500 dýra hópurinn á leið inneftir, eftir talningu í fljótheitum virðast vera milli 30 og 40 vænir tarfar í hópnum.
Tryggvi Jónsson veiddi 47 kílóa kú með 8 mm. bakfitu. veiðiriffillinn var Sako Forrester cal. 243 já einn af þessum gömlu óbilandi góðu. Kúlan V-Max af hæfilegri stærð kýrin lungnaskotin vel aftan við bóg kjötskemmdir 0 kúlan fór ekki í gegn þó hún færi á milli rifja kúlubrotin sátu í lungunum úti við rifjahylkið, sem voru í mauki. Færið var 150 metrar.

[Gisminn]

Takk fyrir mig þetta var ótrúlega gaman

[Tf-Óli]

Flottur þráður hjá þér Veiðimeistari og fínar myndir. Uppstillingarnar til fyrirmyndar.
Gangi þér vel á lokasprettinum.

[konnari]

.

[konnari]

Siggi Veiðimeistari !

Varstu eitthvað búinn að taka saman hjá þér kaliberin sem verið er að nota í ár ? Þú settir inn einhverntímann í fyrra helvíti góða töflu þar sem þú hafðir skráð hjá þér (ég finn það ekki lengur hér á spjallinu) ! Það væri fróðlegt að sjá þetta hjá þér ef þú átt þetta til

Kv.

Ingvar K.

[karlguðna]

Takk fyrir þetta ,,,það gerist nú ekki flottara en þetta , og gaman að fá að fá að heyra veiðisöguna og hvaða verkfæri og cal menn eru að nota + fjarlægðir og fl. og ekki skemma myndirnar fyrir. tær snylld .

[gkristjansson]

Siggi er sjálfsagt á veiðum eins og er þannig að ég tek mér það bessaleyfi að setja eftirfarandi inn:

Caliber notuð

Caliber.JPG (58.05KiB)Skoðað 1988 sinnum

Caliber notuð

Caliber.JPG (58.05KiB)Skoðað 1988 sinnum

[konnari]

Glæsilegt ! Takk fyrir það......það vantar að sjálfsögðu mikið inn í 2013 tölurnar þar sem tímabilið er rétt hálfnað...gaman að fá lokatölur fyrir 2013 þegar veiðitímabilinu lýkur.

Kv.
Ingvar K.

[Veiðimeistarinn]

Það gekk vel á veiðum í dag, fundum dýr fyrir utan Grímsstaðakerlinguna við Krummaskarðið.
Sveinn Aðalsteinsson félagi okkar hérna veiddi væna mylka kú sem viktaði 44 kg. Veiðriffill Sveins er Tikka T3 með nýju skefti cal. 6,5x55 kúlan var 120 gr. Ballistic tip og færið 130 metrar.
Andrés Ívarsson veiddi gelda 42 kg. kú veiðiriffill Andrésar er Steyr Mannlicher cal 308 færið var 200 metrar og kúlan 150 gr. Sierra Gameking.

[gylfisig]

Hva... 200 m. hvernig var hægt að hitta eitthvað með svo þungri kúlu úr 308?

[gylfisig]

Hva... 200 m. hvernig var hægt að hitta eitthvað með svo þungri kúlu úr 308?

[Veiðimeistarinn]

Sumir eru bara meðetta.....svo var það mikið upp á móti brekkunni!

[Morri]

Andrés helvíti góður


Og Gylfi með puttan á púlsinum hehe... .308 getur margt

[Veiðimeistarinn]

Veiðarnar eru farnar að ganga betur, það veiðist á hverjum degi þessa dagana (sjö-níu-þrettán).
Sindri Sigurðsson félagi okkar hér og Hermann Leifsson félagi hans komu aftur eftir að hafa farið veiðilausir heim í byrjun mánaðarins, þeir veiddu sína kúna hvor í dag með einum hvelli.
Félagi Sindri Sig. veiddi 46 kg. mylka kú með 15 mm bakfitu í Mórilludal á Hólsfjöllum. Færið var 124 metrar veiðiriffillinn var Mauser FR8 cal. 7mm. Rem. Mag. Kúlan var Nosler Accobond 140 gr.
Hermann veiddi 37 kg. mylka kú með 2 mm bakfitu í Mórilludal einnig eins og gefur að skilja.
Veiðriffill hans er Mauser Otterup cal. 6,5x55 og kúlan Berger VLD Hunt 130 gr.

[gylfisig]

Ehemm,,,,, held að maðurinn á næstneðstu mynd, ætti nú að passa puttana sína

[Morri]

Kvöldið

Mér finnst alveg magnað að það séu dýr á þessum slóðum núna,Hólsfjöllunum og nærsvæðum.

Eru mörg dýr þarna á ferðinni?

Maður sækir líklegast bara um á svæði 1 næst, stutt að fara og gaman að veiða í sinni heima heiði líka þegar maður er búinn að fara töluvert um hins svæðin. Var í veiðitúr á Sv 1 í byrjun tímabils, veiddum í Sunnudal þá.

Gaman af svona fréttum

[Veiðimeistarinn]

Gylfi, engin hætta þessi var tvítékkaður eins og yfirleitt er gert hjá mér!
Þetta var um 500 dýra blandaður hópur sem við vorum í í dag, vænir tarfar innan um, síðan er annar 150 dýra hópur þarna einhvernsstaðar sem við sáum ekki í dag, hann var við Krummaskarðið í gær en sá stóri var við Grímsstaðakerlinguna í fyrradag, þetta virðist heldur a leið úteftir ef eitthvað er.

[skepnan]

Sæll Sigurður, enn og aftur mestu þakkir fyrir frábæran túr. Þarna lærði ég, óvanur maðurinn, ótrúlega margt og þessi hópur sem að við vorum svo heppnir að fá að veiða með var einstaklega skemmtilegur. Allir að segja okkur til og fræða okkur á því sem verið var að gera og af hverju osfrv...
Nú erum við stútfullir af fróðleik og þykjumst kunna allt sem að hreindýraveiðum viðkemur (næstum því )
Láglendisbóndanum af Suðurlandsundirlendinu gekk aðeins hægar að "renna" upp snarbratta hlíðina en hinum fjallageitunum enda var haft á orði að ekki væri vitað hvort lýsti meira af andliti mínu eða tungunni, þegar upp var komið, enda bæði jafn stórt
Hvað er þessi hlíð há Sigurður? Það virkaði töluverður spotti neðan frá séð, hvað þá þegar litið var niður
Mikið vildi ég óska þess að til væri myndband af þessari ferð og þessu samskoti okkar og gleðivímu leiðsögumannsinns sem var manna kátastur með þetta allt
Þessi ferð og eltingaleikur okkar við þessa 500 dýra hjörð verður sögð oft hér eftir í góðra vina hópi og á endanum verður fjallið orðið 2500 metra hátt og hjörðin 5 eða 6000 dýr
Með kærum þökkum fyrir túrinn, hafragrautinn og skyrhræringinn og gestrisnina að Vaðbrekku.
Kveðja Keli