Veiði dagsins 2013

[Veiðimeistarinn]

Ég er nú hálf heppinn í dag, hvað þá veiðimennirnir sem hefðu lent í því, þarf ekki að fara til veiða enda hálf hryssingslegt veður úti við og gott að kúra bara inni við.
Það er slidduhríð og grátt í rót og hvasst, sennilega hálfgerð bylritja á fjöllum og engar fréttir að hafa af veiðum í dag ekkert komið um það á hreindyr.is
Set hérna inn nokkrar myndir frá veiðitímabilinu sem tengjast kannski ekki beint veiðum en hafa orðið til á fjölmörgum veiðiferðum tímabilsins.
Andstæðurnar geta verið miklar, ekki gott að átta sig á hvort ég er í suðrænum löndum eða Sahara.

[Veiðimeistarinn]

Það stefni bara í rólegheit í dag, sama leiðindveðrið út, samt eru mættir hjá mér tveir grjótharðir veiðimenn með gormann með sér og ætla að veiða 2 kýr á svæði 1.
Ekkert veðurútlit í dag til að það megi takast, erum að bíða eftir að rofi eitthvað upp, förum kannski á rúntinn seinnipartinn að skoða stöðuna.
Hér eru myndir af ástandinu hér útivið á Vaðbrekku klukkan 12 á hádegi.

[Gisminn]

Ja allavega ertu með félagsskap þarna í óbyggðum

[Veiðimeistarinn]

Jæja það var haldið aftur til veiða í dag og útlitið í morgun þokkalegt og vitað hvar dýrin voru.
Haldið var rakleitt út í Gestreiðastaðaaxlir og voru dýrin norðan í þeim við Kollsseyruna (sem er á).
Þar náði Sigurgeir Hrafnkelsson að fella eina mylka kú, hún viktaði 45 kg. með bakfitu 17 mm.
Veiðriffill Sigurgeirs var Mauser 98 cal 6,5-284 kúlan A-Max 100 gr. og færið 90 metrar.
Ólafur Óskar Ólafsson og Halldór Ingvason löbbuðu hins vegar með undirrituðum á eftir hópnum inn Gestreiðastaðaaxlir og norður þaðan í átt að Kollsseyrudal, þá fór hins vegar að bæta í veðrið og á hálsinum austan Kollsseyrudalsins var hins vega varla stætt og grenjandi snjókóf, menn orðnir sárir í andliti og nokkuð seilaðir undan veðrinu, var þá ákveðið að snúa frá og reyna aftur á morgun.

[sindrisig]

Já það var nú svona umhorfs við smalamensku í Jökuldalnum á laugardaginn. Fljótt skipast veður í lofti, verst að nú eru menn í vandræðum neðar í dalnum enda ekki beint sama blíðan og á laugardag.

Smalamennska í fullum gangi

me-me.jpg (44.43KiB)Skoðað 2844 sinnum

Smalamennska í fullum gangi

me-me.jpg (44.43KiB)Skoðað 2844 sinnum

Og hér er mynd frá í hitteðfyrra frá svipuðum tíma:

Skagafellið við "eðlilegar" aðstæður

Hreindyr 2011.jpg (40.4KiB)Skoðað 2844 sinnum

Skagafellið við "eðlilegar" aðstæður

Hreindyr 2011.jpg (40.4KiB)Skoðað 2844 sinnum

[Veiðimeistarinn]

Jæja, jæja, þá er ballið loksins búið, í dag fór ég með síðustu veiðimennina á tímabilinu, þó tveir dagar séu eftir verður hér látið staðar numið.
Á morgun legg ég land undir fót og áfangastaðurinn Ameríka til afslöppunar, það dugir ekki minna.
Í dag veiddu Ólafur Óskar Ólafsson og Halldór Helgi Ingvason hjá mér sína kúna hvor á Kollseyrudalnum á svæði 1.
Kýr Halldórs var geld tvævetla 38 kg. Veiðiriffill hans er Tikka T3 cal 25-06 kúlan 117 gr. Sierra gamehead ú verksmiðjuhlöðnu Sako skoti og færið um 150 metrar.
Kýr Ólafs var mylk 42 kg. Veiðriffill hans Sako 75 cal. 6,5x55 kúlan 120 gr Nosler Ballistic tip. og færið 190 metrar.
Þeir voru vel búnir með Tóta gormann og snjóþotu til að draga bráðina á í bílinn eins og mönnum sæmir, sem koma westan um Kaldbak.

Takk kærlega fyrir veiðitímabilið veiðimenn og allir sem hafa verið með mér í andanum gegn um þennan, Veiði dagsins þráð. Vona að einhverjir hafi haft gagn og gaman af!

[gylfisig]

Jæja Sigurður. Góða ferð til Ameríku. Láttu ekki ruglhausana þar drepa þig.

Hafðu bestu þakkir fyrir að hafa haldið uppi þessum fréttaþræði af hreindýraveiðinni.
Búið að vera gaman að fylgjast með öllum þessum ferðum, og sjá allar myndirnar.

[egill_masson]

Tek undir með Gylfa - kærar þakkir fyrir stórskemmtilegan þráð.

[lurkur]

Þakka skemmtilegan þráð og góða ferð í hreppinn.

[marin]

Tekur undir hjá með Gylfa og fleirum, takk fyrir skemmtilegan og fróðlegan þráð og góða skemmtun í Ameríku.

[KarlJ]

Takk fyrir Siggi, það hefur verið gaman og fróðlegt að fylgjast með þessum þræði.
Hafðu bestu þakkir fyrir að gefa þér tima í þetta.
Kv Kalli

[E.Har]

Frábær þráður og hafðu það sem best í Ameríkuhrepp
Kveðja

[Garpur]

Takk fyrir góðan þráð, og hafðu það sem best.

kv.

[skepnan]

Þakka þér fremur Sigurður.
Þetta var frábær túr sem ég fékk að fara með þér og þessi þráður var búinn að vekja eftirvæntinguna all mikið áður
Hafðu það gott í fríinu og ekki versla of mikið í Cabelas

Kveðja Keli

[karlguðna]

takk veiðimeistari fyrir frábæran þráð , myndir og skemmtilegt spjall, njóttu hvíldarinnar.

[Veiðimeistarinn]

Þetta er svona viðbót við veiði dagsins, ég rakst á þetta á facebook!

[Árni More Arason]

Ég ætla eins og margir aðrir að þakka kærlega fyrir þráðinn! Þetta er búin að vera skemmtileg lestning og ég vona að þú heldir svipuðu efni úti á næsta ári! Góða ferð í Ameríkuhrepp!

[reynirh]

Fór og sótti mína kú núna 1 Nov. Frekar létt veiði innan girðinga í Flatey sv.9
Fór og sótti leiðsögumannin rúmlega 8, farnir af stað um 0845 ca 20 km á veiðislóð,
Komnir þangað um kl 0900 og kusa féll 0930 færi 204 metrar dágóður hliðarvindur.
Riffill Howa 1500 308 kúla 165 sierra gameking.
Þurfti náttúrulega að miða ca eina Hreinkú yfir svo að 308 réði við verkið og kúlan fór inn á milli rifja í hjarta og út á milli rifja, mjög snirtilegt og engar kjötskemdir.
Heimleiðin var skemmtileg líka því að um kl 10 hljóp lagfóta yfir veginn og lá hún líka fyrir 308 á ca 200m og miðað ca 4 tófur yfir svo að 308 réði við verkið.
Búinn að flá um kl 11 og komin upp að Skálafellsjökli kl 1230 í rjúpu.

[Morri]

Glæsilegt Reynir

Fanta góður veiðitúr þetta!

.308 náttúrulega ætti ekki að vera framleitt.....

Rjupna-aflabrögð fréttnæm á þessum slóðum?

[reynirh]

Nei Morri rjúpnaveiði er frekar slök þarna, en ég elti 9 rjúpna hóp á laugardag í 3 tíma á laugardag og komst aldrei í færi, færði mig svo yfir í næsta dal og náði þar 2 af 3.
Var að heira tölur frá 0 og upp í 6,
En heirði svo af einum með 40+ í Hamarsdal, (veit ekki um sanleikgildi þeirrar tölu).