Veiði dagsins 2014

[Aflabrestur]

Sælir.
Takk fyrir meiriháttar flotta veiðisögu Björn R, meira svona strákar. & Siggi takk fyrir þráðin átt hrós skiliðfyrir að nenna þessu.

[Veiðimeistarinn]

Í dag fór ég að veiða tarf á svæði 1 með Andras Mester frá Ungverjalandi.
Hann veiddi 107 kg. tarf við Stórhólmavatn, sá var með 70 mm. bakfitu.
Veiðiriffill Andras er Blazer R 93 cal. 300 Wetherby Mag. með Night force sjónauka, hann notaði Nosler Partition kúlu 200 gr.
Færið var 196 metrar.

[Veiðimeistarinn]

Margrét systir mín fór á veiðar í dag, maðurinn hennar Vigfús H. Jónsson var leiðsögumaðurinn hennar.
Gréta eins og hún er alltaf kölluð felldi væna mylka kú í Skjöldólfsstaðahnjúk sú vóg 46 kg. og var með 15 mm. bakfitu.
Veiðiriffill Grétu er Russler cal. 6,5-284 hún notaði 120 gr. Nosler Ballistic tip kúlu og færið var um 70 metrar.

[Veiðimeistarinn]

Það var bara hálf fjölskildan á hreindýraveiðum í dag.
Aðalsteinn (Steini) og Ingibjörg (Inga) systkyni mín og mágar mínir Vigfús H. Jónsson (Fúsi) og Úlfar Svavarsson voru öllað veiða í Skjöldólfsstaðahnjúk eftir hádegi í dag.
Fúsi leiðsagði Steina, Úlfari og Ingu en Snæbjörn Ólason á Hauksstöðum leiðsagði Fúsa, Steini bróðir var með tarf en hin þrjú með kýr.
Steini og Fúsi veiddu með sama riffli, Russler cal 6,5-284 sem er orðið nokkurskonar ættarkaliber hérna á Vaðbrekku.
Mér telst til að það séu til að minnsta kosti 5 rifflar með þessu cal. í eigu okkar systkynanna og systkynabarna.
Inga systir veiddi með Sauer 202 cal. 6,5-284, öll voru þau með 120 gr. Nosler ballistic tip kúlu.
Síðan er Úlfar með sinn Mauser 300 Win Mag.
Tarfur Steina var 90 kg. með 75 mm. bakfitu.
Kýr Úlfars geld 62 kg. með 50 mm. bakfitu, sem er algert met hvað þunga og bakfitu á kú varðar.
Kýr Fúsa 43 kg. með 20 mm. bakfitu. Kýr Ingu var 45 kg.

[Veiðimeistarinn]

Ég fór með 3 veiðimenn á svæði 1 í dag, einn í tarf og tvo í kýr, við lentum út að Hnjúksvatni við Laxárdalshnjúk á Smjörvatnsheiði.
Halldór Jónsson felldi 114 kg. tarf með 75 mm. bakfitu, veiðiriffill hans er Brno ZKK600 cal. 3006, hann notaði 150 gr. Sierra Gameking kúlu og færið var 109 metrar.
Sveinn Aðalsteinsson felldi 55 kg. gelda kú með 34 mm. bakfitu , veiðiriffill Sveins er Tikka cal. 6,5x55 hann notaði 120 gr. Nosler ballistic tip kúlu og færið var um 100 metrar.
Andrés Ívarsson felldi 46 kg. mylka kú með 25 mm. bakfitu veiðiriffill Andrésar er Steyr Mannlicher cal. 308 hann notaði 150 gr. Sierra Gameking veiðikúlu og færið rúmir 100 metrar.

[gylfisig]

Hvernig er það Siggi,,, ertu bara hættur með "léttu " kúlurnar i 6,5x284 ?

[E.Har]

Flott dýr. Er þetta úr hjörðunum þarna vestur frá?
Var mikið af góðum dýrum þarna

Annars er lítið eftir hjá mér
Einhvað klór á 7. Svo spurning um hvað biðlýsta menn gera.

[jon_m]

Ég var að heyra að Íslandsmetið hafi verið slegið á svæði 1 í vikunni, er einhver með staðfestar fréttir af því ? Var ekki þyngsti tarfurinn til þessa 134 kg ?

kveðja
Jón Magnús

[Veiðimeistarinn]

Já Einar, þetta er úr hjörðunim á svæði 1 þessi voru veidd úti við Laxárdalshnjúk sem er yst á Jökuldalsbrúnunum. Þau voru búin að hlaupa innan úr Skjöldólfsstaðahnjúk og eru nú komin inn fyrir Háreksstaði aftur.
Jón það eru einhverjar kviksögur um met tarf á svæði 2 en það eru tölur sem ég tek ekki trúanlegar, hann var sagður svo og svo þungur eftir reiknikúnstir!
Hef ekki heyrt um mettarf á svæði 1.
Ég hélt til veiða með þrjá heiðursmenn í dag á svæði 1, við hittum á dýrin við Háreksstaði.
Birgir Þór Þórsteinnson veiddi 112 kg. tarf með 75 mm. bakfitu, veiðriffill Birgis er Mauser 03 cal. 6,5x65 hann notaði 130 gr. Barnes TSX kúlu og færið var 130 metrar.
Ólafur Ingólfsson veiddi 102 kg. tarf með 68 mm. bakfitu, veiðiriffill hans er Sauer 202 cal. 6,5x55 hann notaði 140 gr. Hornady SST kúlu og færið var 160 metrar.
Hafsteinn Númason veiddi 45 kg. mylka kú, veðiriffill Hafsteins er Sauer Take down cal. 300 Win. Mag. hann notaði 150 gr. Scirocco swift kúlu og færið var 210 metrar.

[Veiðimeistarinn]

Pabbi, Aðalsteinn Aðalsteinsson fór með Tékkneskan veiðimann á svæði 2 í dag til að veiða tarf, hann fann dýrin innan við Eyjakofa.
Þar felldi Fratisék Strnad 105 kg. tarf með 70 mm. bakfitu, þetta þykir býsna góður tarfur á svæði 2.
Veiðiriffill Fratisék er Russler Titan 6 cal. 270 hann notaði 135 gr. Sierra Gameking kúlu og færið var 275 mertar.

[Veiðimeistarinn]

Axel Kristjánsson veiðihöfðingi kom í sína árlegu veiðiferð ásamt syni sínum og dóttursonum, sannkölluð fjölskylduferð!
Þess má geta að 51 ár eru síðan Axel fór fyrst til hreinaveiða austur hér, nú hefur hann útbreitt fagnaðarerindið og smitað ættina.
Daði og Axel Sigurðarsynir héldu uppi merkinu í þetta sinn og felldu sinn tarfinn hvor á Kollseirudal við Einbúa.
Daði veiddi 105 kg. tarf með 67 mm. bakfitu, veiðiriffill hans var ættargripurinn sem gengur undir nafninu Tékkinn, vegna þess að þetta er tékkneskur Mauser cal. 6,5x57. Hann notaði Hornady SST 123 gr. kúlu og færið var 126 metrar.
Nafni veiddi 96 kílóa tarf með 61 mm. bakfitu, veiðiriffill hans ekki síður ættargripur, Hollandinn sem er Remington M721 cal. 300 Holand & Holand, hann notaði Hornady SST kúlu einnig 150 gr. og færið var 170 metrar.

[Guðni Einars]

Sigurður veiðimeistari á Vaðbrekku á mikið hrós skilið fyrir frábæra fréttaþjónustu af hreindýraveiðum. Það er gaman að sjá að Axel Kristjánsson og hans menn á hreindýraveiðum. Heilt yfir virðast tarfarnir sem hafa veiðst verið vænir að ekki sé nú talað um risakúna.

[Veiðimeistarinn]

Já ég var að taka saman þungann á törfunum sem hafa verið veiddir hjá mér, þeir eru mun vænni á svæði 1.
Þar er sá þyngsti 114 kg. og sá léttasti 95 kg.
Meðaltalið af 13 törfum hjá mér á svæði 1 í ár hingað til er 105 kg. sem er býsna gott.
Á svæði 2 er sá þyngsti 105 kg. og sá léttasti 70 kg. og meðaltalið af 5 törfum þar er 89 kg.
Kýrnar hjá mér eru líka vænar í ár þyngsta kýrin hjá mér er 55 kg. risakúin 62 kg var hjá Fúsa mági mínum.
Sú léttasta hjá mér er 43 kg. og hún er af svæði 2 og meðaltalið er 46 kg. sem er líka gott en það er bara ein þeirra á svæði 2 hinar eru á svæði 1.

[krossdal]

Betra seint en aldrei. Fórum á veiðar síðasta miðvikudag og hripuðum niður smá veiðisögu í gestabókina sem var í skálanum sem við gistum í að Leirási í Múladal.

Eyþór vinstramegin og Kristján hægramegin.

Hér er sagan úr gestabókinni:
Lögðum af stað í hreindýraleiðangur aðfaranótt miðvikudagsins 27. ágúst og gistum.
Skúli Ben ræsti út mannskapinn með orðunum: „Drullið ykkur á fætur, ég er búinn að finna dýrin“.
Það var kl, 05:40. Veiðimaðurinn Kristján Krossdal, Krossi, Berufjarðarströnd og gordrengurinn Eyþór Stefánsson, Hnefilsdal, Jökuldal máttu hafa sig alla við svo að Skúli skildi þá ekki eftir.
Dýrin voru efst uppi, innan við Sunnutind. Hófst þá ganga sem tók um 90mín upp brattann.
Felldur var fallegur tarfur úr 50 dýra hjörð.
Allt gekk eins og í sögu. Kristján og Eyþór drógu dýrið niður með töfrateppi og Skúli stýrði með bandi að aftan og var með hreindýrshausinn á herðunum.
Þegar gegnið var fram á brattasta hjallann var ákveðið að sleppa dýrinu. Skúli öskraði sleppið og dýr og dýrið rann niður brekkuna. Það gekk þó ekki betur en svo að Skúli flæktist í spottanum og kútveltist með dýrinu niður með hausinn á herðunum.
Hann slasaðist og blæddi úr hausnum og síðunni þar sem hreindýrshornið stakkst í hann. Kallað var á hjálp í talstöð og Eiður Gísli frá Lindarbrekku kom og ferjaði Skúla til byggða. Þar sem hann er nú meðan þetta er skrifað og við bjálfarnir vorum skildir einir eftir.
Við höfðum það af að lokum að koma dýrinu niður og í bílinn.
Það sem verst var að Skúli hafði fundið merkilegan grjóthnullung (jaspis) sem hann hafði troðið í bakpokann sinn og neyddist ég (gordrengurinn) til að koma honum niður. Enda ekki annað hægt svo Skúli fái einhverjar jákvæðar minningar úr ferðinni.

Skúli með hausinn á herðunum.

skuli.jpg (203.86KiB)Skoðað 7097 sinnum

Skúli með hausinn á herðunum.

skuli.jpg (203.86KiB)Skoðað 7097 sinnum

Riffill: Baikal IZH18 cal 270 einsskota með lamarlás.
Kúla: 110gr Sierra Pro Hunter
Tarfurinn var 105kg og 65mm bakfita.
Færið var 140m og lungnaskot.

Skúli er sem betur fer ekki verr farinn en svo að hann er farinn að veiða aftur!

[E.Har]

Frábærar sögur og gríðarlega gaman að þessu.
Sit í bænum þessa helgina og hugsa austur

Þetta eru flott dýr á 1. Stærðin er svna " fjarðarleg "
En hinnsvegar er svæðið orðið rosaæega stórt og mikil vinna að finna.
Eins gott að hafa færan gæd.
Til lukku Siggi með flottan þrað og flott dýr.

[Veiðimeistarinn]

Jæja ég er eitthvað latur við að setja hérna inn, fór í gær í tarf á svæði 1, í slagtogi með pabba sem var líka að leiðsegja í tarf.
Sæmundur Ingvarsson veiddi 105 kg tarf við Arnarvatn í Hauksstaðaheiðinni, tarfurinn var með 55 mm. í bakfitu sem telst ekki mikið á svona þungum tarfi.
Veiðiriffill Sæmundar er Sauer 202 cal. 6,5x55 hann notaði 120 gr. Sierra Prohunt kúlu og færið var 126 metrar.

[Veiðimeistarinn]

Pabbi var að leiðsegja Stefáni frænda mínum í gær.
Hann veiddi vænan tarf við Arnarvatn í Hauksstaðaheiði, veiðiriffill hans var Mauser 98 cal. 6,5-284 hann var með 100 gr. Hornady A-Max kúlu og færið var 130 metrar.

[Veiðimeistarinn]

Ég fór í dag enn á svæði 1 nú í tvær kýr með Manúalsgengið, þó Manúal sé nú farinn á hinar eilífu veiðilendur, lifir minning hans meðal okkar veiðifélaga hans, blessuð sé minning hans.
Ég fann dýrin á Sauðárdalnum í Háreksstaðalandi 300 til 400 dýra blönduð hjörð með risatörfum meðal annars.
Hallúr Þór Hallgrímsson veiddi 43 kg. mylka kú við Sauðafell, veiðiriffill hans er Sauer 202 cal. 2506 hann notaði 100 gr. Nosler ballistic tip kúlu og færið var 15 metrar.
Jónas Bergsteinsson veiddi 55 kg. mylka kú, niður við Háreksstaðakvísl hún var með 25 mm. bakfitu sem er gott á mylkri kú, veiðiriffill hans er Sako 75 cal. 6,5x55 hann notaði 130 gr. Berger HPT kúlu og færið var 136 metrar.

[Veiðimeistarinn]

Ég fór til veiða á svæði 7 í dag, við fórum upp Fossárdal inn á Vatnaskil, Lönguhlíð og niður á útsýnisstað þar og sáum dýr yst á Bótarbrúnunum í Hamarsdal.
Þar felldi Guðmundur Ólafsson 40 kg. mylka kú veiðiriffill hans er Sauer 202 cal. 2506 með 100 gr. kúlu og færið var 130 metrar.
Síðan fórum við út Lönguhlíðina, yfir Leirdalinn og niður á Öxi, sáum 18 tarfa á Leirdalsbrúnunum þeir stefndu á Ódáðavötnin, stóran kúahóp sáum við líklega um 100 dýr sem stefndu út á Fossárfell.
Að endingu sáum við utarlega í Kjalfjallinu 6 risa tarfa, alla 100+ sem stefndu inneftir, inn á Öxi.

[Árni]

15 metra færi?

Hvernig fara svoleiðis ósköp fram?