Bakfita - hvernig mælt

[Björn R.]

Jæja, Sigurður Aðalsteinsson hefur óafvitandi kennt mér nýtt hugtak. (hafi hann þökk fyrir þráðinn, "Veiði dagsins"). Ekki gefið að menn nenni að setja inn slíkan þráð og haldi honum við.
Þá er það bakfitan. Nú stefni ég á tarf nr tvö í næstu viku. Eftir næstu viku hef ég sem sagt vonandi skotð tvo tarfa og séð fjóra aðra skotna. Reynslan er því ekki að þvælast fyrir á þessum bæ.

Hvernig get ég mælt bakfituna og hvar nákvæmlega er það gert. Einnig, hvað segir hún mér?

Ef einhver nennir, með fyrirfram Þökk

p.s er einhver hér sem getur gefið mér upplýsingar hvernig gangurinn hefur verið á svæði 3?

Björn

[Veiðimeistarinn]

Sæll Björn.
Héna á myndinni fyrir neðan sérðu 3 tarfskkrokka, þeir eru til gamans 103 kg. 108 kg. og 117 kg. allir skotnir sama daginn með mér á hálfri klukkustund á Háumýrum á Brúardölum.
Neðri myndin er klippt út úr þeirri efri, þú tekur hníf og rekur gegn um fituskjöldin ofan á miðjum mölunum á skrokknum 2 til 3 tommum fyrir neðan rassopið eins og það sést á myndinni, þar sem fituskjöldurinn er þykkastur, þar til hnífurinn stendur á beini sem er rófubeinið og mælir svo hvað hnífurinn gekk langt inn í fituna, þá færðu fituþykktina inn að beini, svokallaða bakfitu.

[Björn R.]

Kærar þakkir Sigurður.

Ég prófa þetta í næstu viku