Verða veiðar 2015

[gkristjansson]

Sælir félagar,

Hefur einhver heyrt eitthvað um hvort eða hvenær kvótinn fyrir 2015 verður gefinn út og hvenær verður opnað fyrir umsóknir?

Ég man að í fyrra þá var þetta í enda Janúar með bara nokkurra vikna umsóknartíma, verður það sama uppi á teningnum í ár?

Bara forvitinn.

[Sveinbjörn V]

Þetta hefur verið svona undanfarin ár, svo þú mátt búast við svipuðum tíma.

[Veiðimeistarinn]

Já, Guðfinnur mínar heimildir segja það sama, opnað fyrir umsóknir seint í janúar og umsóknarfrestur til 15. febrúar
Þetta hljómar allt svona ,,copy paist" frá síðasta ári, hvað sem öllu regluverki líður

Fjöldi veiðleyfa svipaður og undanfarin ár, ívið fleiri kýrleyfi en í fyrra samt og aðeins fleiri leyfi í nóvemberveiði en þá, spái ég

En hafa ber í huga ,,enginn er spámaður í sínu eigin föðurlandi", eins og þar stendur

[Sveinbjörn]

það er nokkuð ljóst að einhverjir ætla að sækja um veiðileyfi og eru menn farinir að spá í búnað og annað sem við á.

Auk þess hef ég verið inntur eftir því hvort að Veiðimeistarinn sé væntalegur á svæði 101 Reykjavík til þess að mæla með vörum.

það er ekki ólíklegt að það verði 6-hjól í camo til sýnis með hækkandi sól alveg sérstaklega fyrir Veiðimeistara.

[valdur]

Vegna þess að síðasti ræðumaður minntist á sexhjól. Nú velti ég því fyrir mér hvers vegna enginn fer á venjulegu fjórhjóli til að sækja fellt hreindýr. Hvergi í reglugerðinni sem leyfir sókningu á vélknúnu ökutæki er tekið fram að hjólin sex, sem skylt er að séu undir slíkum grip, skuli vera á þremur öxlum. Nú er til dæmis alkunna að vörubílar eru gjarnan á sex hjólum en þau eru jafnan á tveimur öxlum og þykir eðlilegt.
Nú fyndist mér með öllu eðlilegt að einhverjir þeir sem hagsmuna ættu að gæta í þessum málum létu á það reyna enda alkunna hversu tveggja öxla dvergjeppar eru ódýrari en þriggja öxla og lítið kapítal í því að tvöfalda hjólin að aftan og jafnvel framan líka.
Mér datt þetta svona í hug.