Skyttuspjallið

Kýr fundust við gangnakofann á Mel við Bruna á svæði 1, þar féllu 3 kýr á mínum snærum en alls veiddust 11 dýr úr þeim hópi þann daginn, undir leiðsögn 5 leiðsögumanna.
Gísli S. Ásgeirsson felldi 40. kílóa kollótta kú með 10 mm. bakfitu hann notaði veiðiriffil sinn Blaser R8 cal. 6.5x55 með 120 gr. Nosler ballistic Tip kúlu og færið var 70 metrar.
Gunnar Viðar felldi 40 kg. kú einnig með 5 mm. bakfitu, hann notaði veiðiriffil sinn Sako 75 cal. 6,5x55 með 120 gr. Ballestic Tip kúlu og færið var 156 metrar.
Hilmar Jónsson felldi 49 kg. kú einum hvelli með Gunnari eftir niðurtalningu hún var með 26 mm. bakfitu Hilmar notaði veiðiriffil sinn Sako 75 með Game King kúlu 130 gr. og færið það sama og hjá Gunnari 156 metrar.
Það er alltaf gott samstarf með leiðsögumönnunum ég skrapp og tók innan úr kú fyrir veiðimann sem var með Ólafi Gauta og smellti mynd í leiðinni.

Síðan var það þann 8. ágúst að Graham Downing Vænan tarf við Djúpavatn í Hölknárdrögum inn af Miðfirði.
Tarfurinn vóg 126 kíló sem er þyngsti tarfur sem veiðst hefur undir minni leiðsögn, hann var með 100 mm. bakfitu sem er nokkuð mikið.
Graham notaði Sauer take down veiðiriffil cal. 6,5x68 með 123 gr. Hornady SST kúlu og færið var rúmir 150 metrar.
Hornin eru þó ekki í gullflokki vegna þess að það vantar pinnan aftur úr annarri stönginni og síðan eru greinarnar uppi í krónunni frekar stuttar, en sverleikinn er góður, víddin fín og vöxturinn niðri, spaðinn og ennis greinarnar. mjög góðar, samt er hún sennilega bara laklega silfur.

Þegar allt hafði rekið saman hjá mér vegna bágs veðurs og veiðileysis, hjlóp Aðalsteinn frændi minn Hákaonarson undir bagga með mér og leiðsagði Ásdísi Gestsdóttir í tarf við Grjótöldu á svæði 2.
Ásdís felldi þar 104 kílóa tarf með 70 mm. bakfitu.
Hún notaði Remengton veiðiriffil sinn cal. 308 með 125 gr. Hornady SST kúlu og færið var um 160 metrar.

Alltaf jafn gaman, Siggi. Lika skemmtilegt ad fá myndir af nordursvædunum.

Eftir japl og jaml og fuður, rigningar, þokur og dýraleysi á svæði 1, frá því síðast, fór ég að sækja kú á svði 2 í dag 13. ágúst.
Krisján B. Purkhús veiddi þar kú við Kofaöldu á Eyvindafjallasvæðinu, eftir leit inn á Múla og í Múlahrauni, dýr sáust þó yfir á Þóriseyjum við Hálskofa, þau voru á þessu dæmalausa friðaða svæði þeirra náttúrulausu !!
Kýr Kristjáns vóg 40 kg. með 2mm. bakfitu hann notaði Sako 85 veiðiriffil cal. 243 með 100 gr. Sierrra Gameking kúlu og færið var 160 metrar.

Set hérna inn link á Instagram til gamans !

Instagram!! Nú ertu að toppa mig í tækniheimi

Eftir fjögurra daga leit að tarfi á svæði 1með dagshléi meðan ég fór á svæði 2 veiddi ég loksins tarf með dananum Lars Mikkelsen þann 15. ágúst en hann var þá á síðasta degi og þurfti afljúga heim á leið þá um kvöldið svo það var ekki seinna vænna.
Lars veiddi 103 kg. tarf með 70 mm. bakfitu á Mælifellsdal, hann notaðu Mauser veiðiriffil cal 6,5-284 með 100 gr Hornady A-Max kúlu og færið var 156 metrar.

Eftir leit með Purkhús genginu 14. ágúst sem ekki bar erindi sem erfiði og veiðar á svæði 2 þann 13. með einn út téðu gengi veiddist vel þann 15.
Ekki náðust myndir af öllum veiðmönnunum þennan daginn vegna þess að leiðsögumaðurinn hafði ýmsum hnöppum að hneppa.
Jákup Napoleon Purkhús veiddi 106 kg. tarf undir Kistufelli hafði sá 52 mm. í bakfitu, Jákup nnotaði Sako veiðriffil sinn cal. 243 með 100 gr. Sierra Game king kúlu og færið var 170 metrar.
Árni Stefán hilmarsson veiddi 48 kg mylka kú á brúnum Mælifellsdals hún hafði 32 mm. í bakfitu, hann notaði Sako veiðiriffil sinn cal. 243 með Norma Orix 100 gr. kúlu og færið var um 100 metrar.
Guðbjörn Ólsen Jónsson felldi 40 kg. mylka kú hann notaði veiðiriffilSako cal. 243 með 100 gr. Sierra Gameking kúlo og færið var um 150 metrar.
Daníel Poul Purkhús felldi 42 kg unga geldkú með 25 mm. bakfitu hann notaði Mauser 6,5-284 með 100 gr. A-Max kúlu og færið var 174 metrar.
Jón Hilmar Purkhús felldi 39 kg veturgamla geldkú með 10 mm. bakfitu hann notaði Sako 85 veiðiriffil cal. 243 með 100 gr. Sierra Gameking kkúlu og færið var 170metrar.

Eftir að hafa verið íllilega skúlaðir þann 16. ágúst af misvitrum sexhjóla veiðimönnum sem smöluðu hjörðinni 10 klukkutíma samfellt, frá Selsárvöllum við Mælifell inn og upp á Súlendur og náðu að virtist markmiðum sínum að ganga aldrei lengra en 50 metra frá hjólinu, urðum við dagðrota ásamt öðrum leiðsögumanni með einn veiðimann og urðum að hverfa heim undir kvöld, dagþrota og veiðilausir.
Ekki falleg saga, en svona gerast hlutir því miður stundum á hreindýraaveiðum.
Eftir að vera svona herfilega skúlaðir veiddu þeir bræður Böðvar Örn og Helgi Sigurjónssynir sína kúna hvor daginn eftir þann 17. ágúst uppi á Súlendum úr hjörðinni sem ekki hætti sér niður af fjallinu eftir smalamennskuna ógurlegu daginn áður.
Böðvar Örn veiddi 53 kg. rétt óborna kú með 24 mm. í bakfitu í efstu tindum Súlendna, hann notaði veiðiriffil sinn CZ cal. 308 með 150 gr. kúlu úr verksmiðjuhlöðnu Fedral skoti og færið var 140 metrar.
Helgi veiddi 42 kg. mylka kú með 22 mm. bakfitu hann notaði veiðiriffil sinn Savage cal. 308 með 150 gr. Hornady SST kúlu og færið var um 130 metrar.

Eftir rúmlega sólarhrings veru uppi á toppum Súlenda, hættu hreindýrin sér loks niður aftur eftir smölunina, þau fóru um Biskupsáfanga og suður undir há Þjóðfell, þar sem ekki tók betra við, en fjórhjóla fjöld með sexhjóla ívafi hringsólaði um hjörðina þar til það var stoppað af leiðsögumönnum.
Friðþjófur Adolf Ólason veiddi þó sína kú er aðeins rofaði milli hjólagnýsins.
Kýrin sú var 46 kg. mylk hann notaði veiðiriffil Sako 75 cal 6,5x55 með 120 gr. Sierra Pro Hunt kúlu og færið var 137 metrar.

Svona hlutir gerast, því miður !
Ég lét samt viðkomandi vita af mínu meðfædda lítillæti að svona veiðisiðferði væri ófyrirgefanlegt og allsendis óviðunandi, í alla staði og algerlega ólöglegt að sjálfsögðu.
En þeim virtist bara finnast þetta allt í lagi !

Þetta er nú ekki fallegt að heyra. Hver eru tilgangurinn með þessum viðstöðulausa akstri í hjörðina... var viljandi verið að smala hjörðinni eða var þetta bara fávitaskapur? voru þessir menn á veiðum eða í öðrum erindum?

Þetta snýst ekki um hver tilgangurinn er, hvort viljandi er verið að smala, eða hvort þeir voru á veiðum eða öðrum erindum, nú eða fávitaskapur !
Þetta snýst um veiðisiðferði eingöngu, auk þess sem þetta er algerlega kolólöglegt í alla staði !
Hvað sem öðru líður, lýsir þetta algerri siðblindu sem er óafsakanleg með öllu.
Hvað sem allri heimsku líður, en ætla má að þarna hafi mikið af henni safnast þarna á einn stað í einu, en mikið af heimsku þó samankomin sé á einum og sama staðnum, afsakar samt aldrei nokkurn skapaðan hlut !!!!!

Annasamur veiðidagur að baki, lagt af stað með þrjá veiðimenn í kýr í morgun þeir veiddu á Gestreiðastaðaöxlum.
Hallgrímur Hallsson veiddi 42 kg unga geldkú með 29 mm. bakfitu, hann notaði Sauer cal. 2506 til veiðanna með 100 gr. Nosler ballistic Tip kúlu og færið var um 175 metrar.
Hallur þór Hallgrímsson veiddi 52 kg. geldkú með 40 mm. bakfitu, hann notaði Sako cal. 6,5x55 veiðiriffil með 120 gr. Sierra Game King kúlu og færið var um 150 metrar.
Jóhann Ágúst Sigmundsson veiddi 40 kg. unga geldkú með 22 mm. bakfitu hann notaði Sako 85 veiðiriffil cal. 308 með 150 gr. Nosler Accubond kúlu og færið var 100 metrar.

Áfram var haldið seinnipartinn og felldar 2 kýr við Háreksstaði.
Jónas Bergsteinsson felldi 32 kg kú hann notaði Sako cal. 270 með 130 gr Sierra Game King kúlu og færið var 120 metrar.
Jóhann Már Þórisson felldi 46 kg. mylka kú með 30 mm. bakfitu hann notaði Sako cal. 270 með 130 gr. Sierra Game King kúlu og færið var 90 metrar.

Það er alltaf upplífgandi og lystaukandi þegar vel veiðist.

Sæll Veiðimeistari Sigurður og takk fyrir góða fréttaveitu frá hreindýraveiðum.
Mig langar að vita hvar þessi mynd er tekin.
Getur verið að þetta sé við Súlendur?

Já, mér sýnist það, uppi á Súlendunum líklega !

Þessi mynd var tekin téðan 16.ágúst og var viðkomandi með föður sínum. Báðir fóru austur til veiða með sitthvort sexhjólið. Er þarna hugsanlega á ferðinni hópurinn sem þú talar um sem elti hjörðina allann daginn á hjólunum og endaði í Súlendum?
Annað, hvað er gert í þessu? Eru menn sáttir við að svona menn fái dýri úthlutað næstu ár og leiki sama leikinn?
Hvað um leiðsögumanninn, hefði hann ekki átt að banna þetta? Hver er ábyrgð þeirra?

Við vitum allir að ýmislegt óvænt getur gerst á veiðunum og aðstæður geta kallað á sitthvað sem er ekki leyfilegt samkvæmt ströngustu reglum lagabókstafsins en var svo þarna?