Stærð skotsára eftir aðstæðum

[Veiðimeistarinn]

Langar að sýna ykkur stærð skotsára á hreindyraveiðum eftir kaliberum, kúlustærðum og hvar ákoman er.
Ég byrja á kú skotinni með Cal. 308 Kúlan var 155 gr. soft point, veit ekki nánari gerð af kúlunni, bakvið hana var N-140 púður 43 gr.
Færið var 100 metrar og skotið hreint lungnaskot, vel aftan við bóg um mitt dýr á hæðina.

[iceboy]

Flott mynd hjá þér Siggi.

Nú bíð ég spenntur eftir að sjá mynd af skotsárum eftir plastoddskúlu.



P.s Þú mátt alls ekki hætta að skamma þá sem ekki skrifa undir með nafni, ég tel að þú eigir stóran þátt í því að hér er ekki skítkast og leiðindi með því að vera "Undirskrifta lögga"

[T.K.]

Ætli kúlugerðin skipti síður máli en caliber? Veit ekki en mér hefur fundist menn vilja nota óþarflega stór kaliber á þessar beljur. Ætli 243 sé ekki bara elegant kaliber? Hef nú ekki tekið myndir af skotsárum en ef Siggi á myndir af gati eftir 243, eða 7mm rem magnum væri gaman að sjá....

[Veiðimeistarinn]

Ég á bara eina mynd af skotsári eftir 243.
Það er eftir 100 gr. soft point kúlu á 220 metra færi.
Aðal einkennið á þessari mynd er hvað kúlan fer neðarlega neðst í bringukollinn, sárið og skemmdin hlutfallslega mikil.
Kúlan var að síga mikið, mig minnir að ég hafi látið hann miða efst á herðakambinn.
Kúlurnar eru að falla mikið úr þessum stuttu kaliberum svo sem 243 og til dæmis 308 með þungum kúlum.

[T.K.]

Úfff. Mikið sár. Held nú bara að þurfi í raun ekkert stærra en 243. Bara spurning um að hitta vel.

[konnari]

Usss....þetta er með ljótari sárum sem ég hef séð....ekki vel skotið ! Lá beljan í fyrsta skoti ?

[E.Har]

Þetta þykir ekki ljótt sár!
tekur neðan af bringukollinum.
Þetta dýr hefur ekki farið langt og engir merkilegir vöðvar að tapast

Kúlugerðin skiptir ekki minna máli en caliberið.
Hraðin skiptir líka máli þetta eru allt atriði sem spila saman.

[Veiðimeistarinn]

Ingvar, já hún stein lá!
Það þarf ekki stór vopn til að gera mikil sár, þarna fer kúlan í bringubeinið þess vegna verður sárið svo stórt.
Það sem ég er að segja er það að þessi stuttu kaliber sem ég nefndi dæmi um með þungar kúlur eru að falla of mikið, þessi kúla hefði ekki þurft að fara nema 3 sentimetrum neðar þá hefði kúin farið jafn góð ekki fengið skeinu á aðeins 220 metrum, þetta er því miður líka algengt með 308 þess vegna er ég ekkert stórkostlega hrifinn af þeim til hreindýraveiða.
Síðan var maður hjá mér í gær með 308 og 125 gr. kúlu sem hann kom á 3140 fet sem kom ekkert niður á nákvæmninni hjá honum, hann var að setja gat í gat og fallið ekki mikið, þá erum við að tala saman jafnvel þó um 308 sé að ræða
Menn eru allt of tregir til að prufa léttu kúlurnar 125 gr. 123 gr. og 110 gr. í 308 þær eru að koma ótrúlega vel út í návæmni og hafa fínan feril.
Það virðast hins vegar vera einhver trúabrögð í gangi um að 308 geti ekki skotið kúlum undir 150 gr. vel, menn virðast fastir í einhverjum erlendum ferilskúrfum, en erlendis er 308 nær einungis notaður með þungum kúlum og úti þar virðast menn ekki einu sinni að hafa fyrir því að gera statistikk fyrir léttu kúlurnar

[Veiðimeistarinn]

Hér koma myndir af skotsári á 80 kílóa tarfi skotnum með cal. 3006 hleðslan var 52 gr. af N-150 á bakvið 150 gr. Hornady Interlock sem er með plastoddi, er á um 2750-2800 fetum eftir töflu.
Hreint lungnaskot vel fyrir aftan bóg rét fyrir neðan mitt dýr.
Færið var um 130 metrar og kúlan var undir húðinni við útskotið.

[Veiðimeistarinn]

Svona leit kýrin með stóra sárið eftir 243 og 100 gr. kúluna út á blóðvellinum áður en hún var flegin.

[agustbm]

Sælir herramenn og kvinnur,

Rosalega er gaman að sjá þessar myndir - meira svona
Skemmtilegt að stúdera þetta og frábært að menn taki uppá að fara útí svona myndatökur.

Veiðikveðja,
Ágúst Bjarki Magnússon

[kúla]

Var þessi kýr skotin á bænda dögum menn í gallabuxum og alles

[johann]

Það er náungi á Nýja sjálandi sem safnar svona kúlu-og-sár upplýsingum. http://www.ballisticstudies.com - hellingur af upplýsingum um hinar ýmsustu kúlur og kalíber í veiðibráð hjá honum.

[Veiðimeistarinn]

Þá er best að halda aðeins áfram með skotsárin.
Þetta skotsár er eftir 7mm. Rem. Mag. með 120 gr. Nosler Ballistic tip hleðslan 65 gr. veit ekki hvaða púður. Færið var 270 metrar.
Tarfurinn var 106 kíló og lungnaskotinn þvert, hann ætlaði aldrei af fótunum, eftir mikinn slag fékk hann náðarskot aftan við banakringluna.

[Veiðimeistarinn]

Hér er skotsár eftir 308 hleðslan 43,5 gr. af N-140 á bakvið 150 gr. Sierra gameking. Þverskotið lungnaskot. Færið 130 metrar.

[Veiðimeistarinn]

Hér er skotsár eftir 6,5x65 hleðslan 55 gr. N-165 á bakvið Hornady interbond 129 gr.
Mjög snyrtilegt gegnum skot um lungu.

[Veiðimeistarinn]

Að lokum kom hér tvö mismunandi hálsskot.

[Veiðimeistarinn]

Hér er skotsár eftir 7 mm. Rem. Mag. Kúlan er Sako Hammerhead 170 gr. á 905 metrum á sekúndu samkvæmt töflu frá Sako, færið var 150 metrar.
Spekingar hvað eru 905 metrar mörg fet???
Þarna sést vel hvað höggið er mikið af svona þungri kúlu innsskotssíðan er öll blóðhlaupin þó skotið sé á hárréttum stað eins og sest á lungunum og innskotið auk þess milli rifja.

[Aflabrestur]

Sælir.
905 x 3.28083989501312 = 2969.160104986877 fps
sjá:
http://www.calculateme.com/Speed/Meters ... Second.htm

[Veiðimeistarinn]

Já sæll 2969 fet á sekúndu, það er dálítið hratt fyrir svona þunga kúlu, þar er skýringin á blóðhlaupnu hliðinni kring um innskotið.