Refaveiðar úr skothúsi

[Aron Kr Jónsson]

Sælir félagar mér langar að fá upplýsingar um Refaveiðar úr skothúsi,það sem ég er að spá í nota menn riffil eða haglabyssu við þessar veiðar og kannski þá fjarlægð í ætið og hvaða æti er best að bera út.
(notast menn við ljós á ætinu ef það á að skjóta með riffli?)

Með fyrirfram þökk Aron

[Gisminn]

Ég hef notað bæði en ef þú ert með góða staðsetningu( stýringu) að ætinu og það sé ólíklegt að tófan laumist fyrir aftan húsið er haglarinn góður.
Síðasta vetur var ég með ætið í 18 metra fjarlægð og notaði haglarann. Það var ekkert mál nema í sunnanát þá hringaði hún húsið sem var auðvita ríkjandi síðasta vetur en náði 11 dýrum. Síðan var ég með annað æti 100 metrum frá minni staðsetningu og þar var ég með díóðuljós á staur tengt við rafgeymi og ég náði nokkrum þannig sem voru alltaf að hringa mig í skothúsinu En þú þarft kúlu með hraða opnun ég lenti í því að gegnum skjóta dýr með 120 nosler BT sem ekki opnuðust og fann dýrin allt að 400 metrum frá skotstað.
En ég hafði riffilætið í brekku svo hún tæki við kúlunni strax því það voru hross alltaf í nágrenninu

[E.Har]

hef ekki nægjanlega mikið figtað í þessu en staðsetningin er allt.
Sérstaklega ef kvikindin eru kvekkt! þá hringanga þau allt í ca 300 m fjarlægð.
Þarft því helst að geta séð víða

Síðan er góð njósnamyndavél myndavél frábær!

[Garpur]

Ég hef farið að nota riffilinn meira og meira og verið með díóðuljós, það hefur gengið heldur skár sérstaklega á stöðum þar sem dýrin eru vör um sig.
Þegar dregið er út fram til dala og fjarri byggð eru í raun notuð önnur viðmið heldur en í byggð.
Ég hef einbeitt meir heldur meira að þeim dýrum sem eru í byggð og þá nýtist myndavélin og ljósið vel,

[Rissi]

Sæll Aron
Ég er alltaf með riffil og hagalabyssu með mér í skothúsinu. Það er ekki öruggt að rebbi komi í ætið ef hann er tortrygginn og þá nær maður honum iðulega með rifflinum. Á fengitímanum á hann það líka til að vilja ekki koma í ætið en leitar að lykt af öðrum tófum í námunda við það, þá kemur riffilinn að góðum notum. Ætið hjá mér er yfirleitt hrossasíður og hrosshausar, kindahræ hafa reynst mér vel líka en það eru ekki allir landeigendur sem leyfa að ég beri þær út. Ætið staðset ég 30 metra frá skothúsinu, það finnst mér passleg fjarlægð fyrir haglabyssuna. Ég hef ekki verið að nota ljós en það stendur til í vetur að prófa það. Staðsetningin skiptir öllu máli þegar þú velur skothúsinu stað. Rebbi má ekki komast í vindlínu ef þess er nokkur kostur og ef hann getur komist að ætinu eftir lægð eða meðfram brúnum í landslaginu þá er hann öruggari með sig. Ég er alltaf kominn í skothúsið fyrir myrkur og þegar líður á veturinn þá fer ég ekki fyrr en bjart er orðið.

Með kveðju
Reynir

[Dr.Gæsavængur]

Skemmtileg umræða.. Ætlað setja hér inn eina pælingu frá mér sem á kanski betur heima hér en á öðrum þræði hérna á spjallinu..

—Hef lengi langað að prufa yfirlegu á ref en búsetan í bænum hefur gert það aðeins erfiðara fyrir. Ég vil ekki leggja út æti ef ég get ekki sinnt því.. Þeas. Skjóta kanski einn,tvo eða þrjá refi en fóðra aðra 10 með ókeypis hlaðborði.

Mínar pælingar eru semsagt þær: Ef ég færi í að leggja út æti hversu lengi er ætið látið liggja? Væri t.d. hægt að leggja út á segjum miðvikudegi og koma svo og liggja yfir helgina eftir? Fjarlægja svo hræið svo það verði ekki bara frítt fóður.. Bara pælingar..

[Gisminn]

ef þú ert á traffík svæði tófu ætti það að vera nóg en ég myndi kjósa að kynna beituna í hálfan mánuð eða svo áður en ég leggst út en ég hef stundum beitt óþverra brögðum til að lokka tófuna að ef ég hef ekki lagt út æti þar sem ég þarf að glíma við hana.
Vill helst ekki upplýsa þau svona á opnu spjalli en sendi þér póst.

[Veiðimeistarinn]

Það er líka hægt að ganga frá ætinu í kassa til dæmis fiskikassa eða litlu fiskikari og grafa niður eftir aðstæðum eða ekki, setja einfaldlega lok á ílátið, til dæmis þéttriðna grind, það gefur kost á að opna og loka fyrir ætið af vild.
Til dæmis er hægt að hafa grindina með þannig möskvastærð að tófan næði aðeins bragði af ætinu, eða svo fínriðna að hún fengi aðins liktina, síðan er hægt að opna dallin næturna sem legið er fyrir

[Konni Gylfa]

já þessu er ekki auð svarað. landlag, skurðir, girðingar, ár, mannabústaðir og fleira í umhverfinu hefur áhrif. oft er gott að vera þar sem reglulega fer fólk um, td á sveitabæjum sem búið er í þá er rebbi ekki eins stressaður yfir lyktinni. finnst alltaf meira bras að eiga við rebba því lengra sem maður fer frá byggð. og hvað æti varðar þá er fátt betra en að grafa gæsahræ, eða þessa stóru hvítu ég hef verið með æti í 20m og haglabyssu og einnig á 100m og riffil og ég er á þeirri skoðun að 50-70m sé lang besta færið fyrir þessa veiði og vera með riffil. en menn eru með misjafnar skoðanir og sumstaðar er bara ekki hægt að vera með riffil og svo öfugt.

en Gismin mig langar að forvitnast meira um þessa aðferð þína svo þú mátt alveg senda mér línu.

[Gisminn]

sendi þér línu

[E.Har]

Mátt smella línu á mig líka er altaf að reyna að læra
Tófan hefur vafist fyrir mér, tek altaf varlegt sýni af þeim stofni árvisst en vil meira
einarh@fastrik.is

[Aron Kr Jónsson]

Sæll Gisminn værir þú til í að senda á mig

(óþverra brögðum til að lokka tófuna að ef ég hef ekki lagt út æti )

Netfang aron72@simnet.is

Ég vill einnig þakka fyrir öll þessi góðu og gagnlegu svör sem ég hef fengið við spurningu minni