500+ metra skotfimi - Kúluþyngd

[kakkalakki]

Kúluþyngd.
Í 500 metra móti hjá Skotd. Kef. á dögunum voru það mjög léttar kúlur sem voru í 3 efstu sætunum (123 & 130 grs). Eru menn almennt að nota léttar kúlur þegar skotið er á löngum færum, eða voru það einfaldlega skytturnar sem voru betri?

[Veiðimeistarinn]

Já, hef ég alltaf sagt að léttari kúlur séu betri en þungar

[konnari]

Eg myndi nú ekki segja að 123gr. Kúla i 6.5mm væri létt kúla, bara svona milli þung !

[Stebbi Sniper]

Sæll Andreas

Ekki er allt sem sýnist... þessar kúlur sem þú vísar í geta alls ekki talist léttar og því síður mjög léttar. Í 6.5 mm eru algengustu kúlu þyngdir frá 95 grs upp í 142 grs. Svo 123 grs kúla flokkast sem milli þung kúla og 130 grs kúlan sem ég er að nota er farin að vera í þyngri kantinum.

Í .308 erum við að tala um svona 125 grs - 180 grs sem optimal kúlu þyngd... getur að sjálfsögðu farið í enn léttari að sama skapi eru líka til þyngri kúlur í 30 cal.

105 grs kúlan sem Hjölli var að skjóta er til dæmis orðin frekar þung 6 mm kúla þar sem ekki er um mikið þyngri 6mm kúlur að ræða... þær geta hins vegar farið alveg niður í 55 grs jafnvel neðar.

Þannig að ég myndi ekki segja að menn hafi verið að skjóta mjög léttum kúlum í þessu móti. 500 metrar eru líka ekkert rosalega obboslega langt, en eftir því sem færið lengist þá hafa þyngri Match/Target kúlur alltaf vinninginn gegn léttu kúlunum.

[kakkalakki]

Takk fyrir þetta Stefán, skal hér með viðurkennast að ég horfði eingöngu á raunþyngd, ekki á þyngd miðað við kalíber.
Þótti 500 metrarnir reyndar ansi langir um daginn.

Hef verið að grúska aðeins á veraldarvefnum því þar eru spekingar á hverju strái, en einn spekingur sagðist sjaldan þrífa byssuna sína:

Shoot Dirty
“Snipers prefer to shoot dirty guns. In other words, we will not clean our rifles for 200 to 300 rounds. Leave that rifle dirty for the whole season!”

Ég hef nú alltaf haft það fyrir reglu að þrífa öll mín tól eftir notkun, hvaða skoðun hafa menn á þennan óþrifnað?

[Hjörtur S]

Ég held að við getum nú ekki valið okkur kúlur útfrá árangri manna á einu móti. Eins og hefur komið fram hér að ofan er bæði betra þ.e. létt og þung en líklega er best að velja hæfilega þunga kúlu fyrir þitt hylki þannig þú haldir bæði í þokkalegan flugstuðul og hraða. Hvað varðar úrslit í einu móti þá eigum við alltaf misjafna daga og við eigum alls ekki að afskrifa 338, 6mm Dasher eða 300 WSM þó þeim hafi ekki gengið vel þennan daginn.
Þetta var skemmtilegt mót og við þurfum allir að æfa okkur betur, já og bæta einhverju nýju í dótakassann

[kakkalakki]

Þetta var skemmtilegt mót og við þurfum allir að æfa okkur betur, já og bæta einhverju nýju í dótakassann

Sammála, æfingar eru þegar hafnar og ég á von á einhverju dóti að utan á næstu dögum og vikum. Bið spenntur eftir næsta móti þar sem ég get bara bætt mig.

[Magnus]

Eitt það fyrsta sem ég gerði eftir mótið var að panta mér nýjan tvífót. Var með einhverja ódýra Harris eftirlíkingu, sem var ekki mjög stabíl. Lýst mjög vel á Sinclear tactical, þar sem hægt er að læsa fótunum. https://www.youtube.com/watch?v=7zDXYviKnFg

[Gísli Snæ]

Mjög ánægður með tvífótinn sem ég notaði á þessu móti - þó svo að hann hafi ekki reddað mér ofar

En síðan er Atlas líka mjög góður - nota hann líka ennþá.