Skotpróf UST 2015

[TotiOla]

Ekki það að það skipti neinu máli. 48 stig er frábær árangur.

Til hamingju með þetta Jón Ég læt mig dreyma um að ná svona skori.

Frábær árangur

Capture.JPG (62.83 KiB) Viewed 5254 times

[Stebbi Sniper]

Ég tek hatt minn ofan fyrir þér Jón, þetta er mjög vel gert... eftir að hafa verið að tuða stuttu áður um að þú hefðir betur fengið þér .243...

Það er verst að þú ert líklega búinn að eyðileggja þráðinn með þessu innleggi, nú þorir örugglega enginn annar að setja skífuna sína hérna inn...

Svo er þetta er klárlega 10... kærufrestur er hálftími eftir að skotmóti líkur og enginn gerði athugasemd innan þess tíma, þannig að skorið stendur... enda sýnist mér að þetta sé rétt dæmt hjá Jónasi... get ómögulega lesið undirskriftina hans, en býst við að það hafi verið hann sem tók þig í prófið!

6 mm kúlan kemst varla inn í 9una án þess að snerta annaðhvort 9una eða 10una... þannig að þetta er potþétt inni fyrst hún snertir ekki 9una...

Þar að auki á skotmaðurinn alltaf að njóta vafans!

[Veiðimeistarinn]

Sælir spjallverjar.
Það er alveg á hreinu að það eru allar kúlur sem þenjast í bráð leyfðar til hreindýraveiða, samkvæmt lögum og reglugerðum þar að lútandi, alveg sama hvað þær heita og hverju framleiðendur erlendis mæla með.
Allar kúlur með blýoddi, plastoddum í mismunadi litum og HP (Hollow Point) þenjast í bráð, sumar meira en aðrar, það má segja að sumar hreinlega springi, þar á ég við varmint kúlur og flestar HP kúlur einnig.
En vel á minnst, leiðbeiningar framleiðenda varða oftar en ekki markaðssetningu frekar en notagildi kúlna.
Það er því í besta falli grátlegt að starsmaður umhverfisstofnunar sem sér um þessi mál, skuli ekki hafa betri þekkingu, hvað þá reynslu, í þessum málum að hann skuli þurfa að senda fyrirspurnir heimshorna á milli til einhverra sölu og markaðsstjóra varðandi þessi mál.
Það væri affararsælla að menn hefðu þekkingu og í það allra minnsta einhverja reynslu, á þeim málaflokkum sem þeir eru með á sinni könnu, að ég tali nú ekki um á lögum og reglum það varðandi.

[Stebbi Sniper]

Sæll Siggi

Hefur einhver veiðimaður bógskotið hreindýr með Lapua Scenar hjá þér? Ég er svolítið forvitinn vegna þess að ég hef skotið og séð aðra skjóta hreindýr með bæði Lapua Scenar og Berger Hunting VLD og ég efast um að Berger kúlan sé að skila meiri höggþunga eftir í hreindýrinu en Scenar. Þá á ég við í 6,5 mm með 120 til 130 grs kúlum.

Mínar Berger Hunting kúlur hafa flogið í gegn um hreindýrin og þau hlaupið upp í 50 - 70 metra áður en þau detta steindauð niður. Þó sum hafi líka dottið nánast á staðnum.

168 grs Berger Hunting úr 7 mm steindrepur dýr sem hún hittir sæmilega á lungna svæðið.

Mér finnst nú personulega allt í lagi hjá UST að senda fyrirspurn á framleiðanda kúlunar, sýnir kannski smá vilja til að leita sér upplýsinga ef menn hafa ekki reynsluna, enda litu menn svo á að þessi kúla væri ekki æskileg til veiða, frekar en aðrar markkúlur svo það er vandræðum háð að verða sér úti um reynslu í notkun hennar til hreindýraveiða.

Ég er sjálfur svolítið á báðum áttum í þessum kúlumálum.

Ljótasta út sár (ef sár skildi kalla) sem ég hef séð var eftir Ballistic Tip úr 300 WM. Það vantaði út hliðina nánast á dýrið og það var blóðhlaupið aftur á læri... Helmingurinn af frampartinum var gjörsamlega ónýtur.

[Haglari]

Ég og mágur minn erum báðir að fara að veiða hreindýr í sumar. Við erum báðir að nota Lapua Scenar. Ég með 6.5x55 en hann með 6XC. Ég notaði Lapua Scenar doldið í gæs (sem er augljóslega ekki hreindýr) síðasta haust með mjög góðum árangri, eiginlega betri en ég átti von á. Litlar skemmdir en steindauðir fuglar.
Við prófuðum af gamni í vor að skjóta ballistic gel með Scenar og einhverri veiðikúlu til sambandurðar (ég eiginlega hélt ekki alveg nógu vel utan um þetta, þurfum eiginlega að endurtaka þetta einhverntíman) Það sem við sáum er að Scenar opnaðist örlítið seinna en um leið og hún byrjar að opnast er hún að gera ágætis hluti. Hérna er mynd ad kuppinum sem var skotinn með Lapua Scenar L 136 úr 6,5x55 á 100m. Kuppurinn hallaði óvart örlítið og þessvegna fór kúlan út um hliðina.

[TotiOla]

Jæja

Það hafðist og ég er þokkalega sáttur með skorið en þó svekktur út í sjálfan mig þar sem ég fann þegar ég dró/togaði skot 3 niður og út og lækkaði mig þar um ca. 2 stig.

Ég veit amk. að riffillinn getur gert betur þó skyttan sé mistæk

Grófmælt

Hafnir - Skotpróf 2015

Hafnir-Skotpróf2015.jpg (274.21 KiB) Viewed 4888 times

[Sveinn]

Vel gert, Tóti!

Hafnir voru í sparibúningi í dag, hægur vindur sem beindi skotunum til vinstri, of lítið til að gera eitthvað í því. Fjórða skot hjá mér er alltaf flyer á þessum prófum, maður heldur að maður sé með'etta eftir þrjú skot og missir einbeitinguna og fer svo, eftir að hafa verið laminn utanundir, að einbeita sér að fimmta skotinu Bara hausinn á mér, sem ég þarf að vinna í. En stressmóment farið

skotprof SA 2015.jpg (36.43 KiB) Viewed 4870 times

[TotiOla]

Þakka þér Sveinn og sömuleiðis.

Ég fékk svipað veður þann 24. Svona "hægt logn", en frá vinstri til hægri. Klikkaði tvö til vinstri eftir 5 prufuskot (sem höfðu reyndar verið aðeins hægra megin í logni) en eins og sést á skífunni þá hefði það allt eins mátt vera eitt klikk.

Fjórða skot hjá mér er alltaf flyer á þessum prófum, maður heldur að maður sé með'etta eftir þrjú skot og missir einbeitinguna og fer svo, eftir að hafa verið laminn utanundir, að einbeita sér að fimmta skotinu Bara hausinn á mér, sem ég þarf að vinna í.

Góð lýsing Hjá mér var það þriðja skotið sem ég tók allt of langan tíma í að klára og var farinn að hugsa um eitthvað allt annað en það sem skiptir máli. Tók mig svo saman í andlitinu og setti fjórða í "Bullseye" og fimmta neðst til hægri. Mig minnir svo að ég hafi klárað á 3:40, sem er lengsti tíminn minn á þremur skotprófum.

[maggragg]

https://vimeo.com/132215820

Þar sem ég tek ekki skotpróf í ár ákvað ég bara að taka skemmtilega æfingu. Ákvað að skjóta eins hratt og ég gat með hleðslu sem ég er að prófa. Hefði viljað vera búin að zeroa riffillinn almennilega inn en er mjög sáttur engu að síður. Það er svosem ekki hægt að bera þetta saman þar sem ekkert stress er að flækjast fyrir

[Sveinn]

Veit einhver stöðuna á biðlistum eftir að skotprófsfrestur rann út? Mikið um skil á leyfum? Þekki menn á biðlistum

[Veiðimeistarinn]

Það á eftir að gera þetta upp, en já ég held að það komi inn eitthvað af leyfum, kannski þau nálgist hundrað.
Ég hef ekkert heyrt um hvernig þau skiptast eftir svæðum.