Skyttuspjallið

Mér líkar mjög vel við þetta skefti, það er úr límtré sem er uppbyggt líkt og krossviður, ekki mjög þungt er sterkt og vindst ekki til, svo það leggst ekki út í hlaupið.
Síðan er þumalholan og skammbyssuskeftið mikið þarfaþing. Þegar þumallinn er kominn á sinn stað í þumalholuna sem vinur minn Jói Vill lagaði til og mótaði eftir þumalfingrinum á mér er hann ekki fyrir neins staðar.
Síðan er skambyssugripið mjög gott, passar fyrir mína putta þökk sé Jóa Vill einnig, en með þetta grip kemur ekki vindingur á únliðinn þegar haldið er um skeftið með hægti hendi, auk þess sem þrír neðstu fingurnir nýtast betur til að halda skeftinu þétt að öxlinni með hjálp vinstri handarinnar undir skeftishælnum.
Framhandleggurinn liggur slakur niðri á jörð eða borði og höndin kemur rétt í gripið án beygju um únliðinn eins og á hefðbundnum skeftum, þannig verð ég allur afslappaðri í skotinu.
Vinstri handleggurinn er í góðri afslappaðri stöðu og hendin undir affrurskeftinu, höndin liggur á jörðinni eða borðinu undir hælnum og styður fullkomlega undir afturskeftið á móti fætinum á framskeftinu.
Mitt skefti er olíuborið, ég vildi ekki lakka það, þá sjást rispurnar betur. Ef olíuborið skefti rispast er ekkert mál að skafa með hnífnum sínum eða pússa rispuna með fínum sandpappír og olíubera sárið, rispan hverfur við svoleiðis lagfæringu.

Flottar myndir, hendi inn myndum við tækifæri en vill einnig benda mönnum á að ef búið er að setja myndina inn á spjallið áður mæli ég með því að menn noti "img" skipunina til að vísa í myndina frekar en að setja hana aftur inn, það sparar pláss á svæðinu og kemur í veg fyrir að sama myndin sé vistuð oft.

Þetta passar vel að sem Siggi segir þó svo að ég beiti vinstri hendinni öðruvísi en Siggi þegar ég skít en ég held um framskeptið.

Það að það sé tekið svona úr afturskeptinu er algjör snilld og virkar mjög vel.
Eini munurinn á þessum skeptum hjá okkur er að hanns er olíuborið en mitt er lakkað.

Siggi með rispurnar sem ég reikna með að komi með tímanum þá bara pússa ég létt yfir skeptið og lakka yfir það aftur. Það var lakkað 3 umferðir með kraftlakki til að láta viðinn draga vel í sig lakkið og svo var settar 4 umferðir af bílaglæru yfir það alltsaman svo að ég get pússað svoltið niður til að losna við rispurnar

Sælir félagar
Ég er með Tikka t3 243
Hann er með kkc skepti og beddað af finna
Tikka t3 sporter picatinny rail
harris tvífót
sako festingar
stærra boltahandfang
Zos 10-40 x60 kíkir





Ja ég veit að festinganar snúa vittlaust enda er hann bara tiltur á á þessum myndum

Nú tel ég líklegt að með auknum fjölda á þessari síðu hljóti að leynast hér menn sem eiga myndir af sínum verkfærum og langar mig að biðja þá um að deila endilega með okkur dýrðinni

Hjá mér sjálfum hafa orðið örlitlar breytingar og lofa ég að koma bráðlega með uppfærslu-mynd.

Stiller Predator í 6,5 x 47 Lapua
GRS longrange skepti
Nightforce 12-42x56
Harris tvífótur
Krieger hlaup 1:8,5 twist

Kimber 8400 í 300 WSM

Sako 75 338WM


Sako 85 300WM


Sako 85 260Rem


Sauer 202 9.3x62


Sauer 202 30-06


CZ Brno 458 Lott


Ruger 308win


CZ Brno 452 22LR


CZ Brno 527 .223rem Varmint

Mig vantar aftur like hnapp
Fallegt safn og snirtilegar myndir

Best að athuga hvort maður geti sett inn mynd. Byssusafnið er nú ekki stórt og ekki til neinar myndir nema af þessum.

Sako 85 Hunter, cal. 25-06.
Leupold VX-3, 3,5 - 14 x 50 (Varmint Hunters Reticle)
Harris tvífótur
Accu-Shot monopod (að aftan)
http://www.accu-shot.com/catalog/images ... fsl3vpb7e1

Jæja jæja, get ekki stillt mig um að vera með, þó svo að mín sé miklu ljótari en ykkar. En ég fékk loksins hana Hófý mína (Howa) í hendurnar í dag, eftir tæplega ársfjórðungs aðskilnað eins og sumir lásu um. Þetta er bara léleg farsímamynd, en mér finnst hún samt fallegust af öllum og ég hlakka til að eyða fyrstu nóttinni með henni...að ég tali nú ekki um að taka aðeins á henni um helgina...



Svo er hérna hann Brúnó (Brno) eldri bróðir hennar Hófýar, búinn að þjóna vel og lengi, hann saknar þess að sjá ekki fleiri haglabræður sína hér. Hann er fullþrengdur báðum megin og drepur allt í 50 metra radíus án þess að blikka auga...

Flottir hjá þér rifflarinr Ingvar,ekki amalegt safn þetta.
þú slærð ekki slöku við

Sako Riihimaki cal 222 rem. Hart hlaup. Sjónauki, Meopta 7x50

Og svo er það þessi, hann lofar góðu. Sako Forester L579 með Lothar Walther hlaupi í cal 260 Rem.

Jæja verður meður ekki að vera með í þessum þræði.
Það er reyndar smá saga á bakvið það hvernig ég komst yfir þennan riffil, þannig er málið að í lok árs 2006 þá fór ég í Ellingsen og pantaði mér Sauer 202 örvhentan í cal.6.5x55, mér var sagt að það væri ca. 3ja mánaða bið eftir honum sem var bara í góðu lagi mínvegna.

Þrír mánuðir liðu og þá fór ég aftur í Ellingsen en þá var komið smá babb í bátinn, því að verksmiðjan úti hafði flutt og allar pantanir voru í einhverju rugli, þannig að þeir voru engu nær hvenær byssan myndi koma til landsins, ég hafð boðist til að borga inn á byssuna þegar ég pantaði hana en sá sem afgreiddi mig sagði að það væri óþarfi því hann þekkti til mín í gegnum starfsmann Ellingsen sem ég þekki. Mér var sagt að þetta myndi á endanum skila sér en enginn tíma setning var á því, þannig að ég kom reglulega í búðina til að taka stöðuna á málunum.

Svo fékk ég úthlutað hreindýri 2007 og þegar líða tók að tímabili þá bólaði ekkert á rifflinum, en þeir í Ellingsen lánuðu mér riffil og fór ég með hann á veiðar.

Árið leið og enn hafði riffillinn ekki skilað sér og var ég ekki sá eini í stöðunni því það höfðu verið pantaðir 5 örvhentir rifflar í hinum ýmsu calíberum og ég held að það hafi verið 2-3 í cal.6.5x55.

Árið 2008 var byssan ekki enn komin, ég fékk úthlutað öðru hreindýri og þurfti þá að leita annað með að fá lánaðan riffil, svo kom kreppa, ég missti vinnuna í lok ársins og þá var ekki lengur í myndinni að fara fjárfesta í riffli.

Í mars/aríl 2009 þá var ég að mæla göturnar og staulaðist inn í Ellingsen og viti menn þá var riffilinn kominn og var upp í hillu tilbúinn fyrir "mig" ég talaði við sölumanninn og spurði um þennan riffil og þá sagði hann að þetta væri sá síðasti, ég náttúrulega varð alveg veikur og starði bara í gegnum glerið og þurfti svo að bíta í það súra epli að ég var ekki að fara að eignast þennan riffil þarna á þessum tímapunkti. Og svo til að strá salti í sárin þá vandi ég komur mínar í Ellingsen næstu mánuðina bara svona til að tékka hvort hann væri ekki alveg örugglega enn til, en svo komu vonbrigðin í lok árs 2009, þá var búið að selja hann.

Þar með var þessari þrautargöngu lokið og ég gat hætt að spá í þessu.... þangað til í fyrra (2012), þá hringir hann Tóti Óla í mig og tjáir mér það að riffillinn "minn" sé auglýstur til sölu á annari sambærilegri netsíðu (þar sem menn koma yfirleitt ekki fram undir nafni).

Ég var nú ekki alveg að fara að kaupa mér riffil þá stundina en ég hef samt sem áður samband við manninn eftir að hafa hugsað málið í nokkra daga og hann var enn til sölu.
Ég spurði manninn hvenær hann hafði keypt riffilinn og hann sagði að henn hefði keypt hann nýjan í lok árs 2009, þannig að hér var riffillinn "minn" kominn og með mun betri sjónauka en ég hafði nokkurntíma ætlað mér að setja á hann.

Við sömdum um verð og ég lét slag standa, þannig að nú er riffillinn komin "heim" og fer líklega aldrei aftur úr mínum höndum. En sem komið er hef ég ekki fellt neina bráð með honum, bara verið að skjóta uppá svæði í Höfnum, en ég gæti ekki verið sáttari með gripinn

Jæja nóg komið af rausi... læt hér 2 myndir fylgja með
Sauer 202 Classic, örvhentur
cal. 6,5x55
með Zeiss Victory Diavari 3-12 x 56 T*

Til lukku
Skemtileg saga og gerir hólkin mun mun skemtilrgri , eigulegri og persónulegri

Til lukku
Skemtileg saga og gerir hólkin mun mun skemtilrgri , eigulegri og persónulegri

Það er líka best ég verði með, fyrst ég gerði eins og flestir fyrir jólin... tók myndir af byssunum til þess að senda í jólakortin...

Hér er settið mitt... á myndina vantar Winchester 1200 pumpu sem konan mín á og Feinwerkbau keppnisriffilinn minn í .22LR.

Í röð að ofan
Custom 6,5 x 47
Tikka 6,5 x 284 Endurrýmaður úr 6,5 x 55
Sako Finnfire P94 .22LR
CZ 452 .22LR
Benelli M2 12GA algjörlega yndisleg byssa.
Þetta er 6,5 x 47 riffilinn minn. Hér er gamla góða Tikkan, sem verður sennilega fljótlega til sölu... 6,5 x 284 BRNO CZ 452-2E ZKM .22LR Verðlaunagripur í Silhouette mótaröð SFK 2007 sem ég keypti af sigurveigaranum... SAKO P94 Finnfire .22LR

Og hylkin fylgja líka með...

er hylkið turnað alveg niður á axlinar hjá þér? eða lítur það bara þannig út? annars flottir rifflar og endilega komdu með típuna á 22lr keppnisriflinum hjá þér