Skyttuspjallið

Samt ekki þessi hammerhead kúla opnast ekkert hratt og ætti ekki að gera svona mikinn óskunda.
Hef verið að skjóta 150 og 165 gr kúlum úr 300wm og 300wsm á ca 3300-3400 fetum og sjaldan fengið svona, en samt séð þetta gerast. það verður auðvitað vökvasprenging við höggið og eins og handbolti eða fótbolti myndist þarna við inngatið. Sennilega bara verið óheppinn. Það skeður.

Hérna er skotsár eftir 6,5x55 með 130 gr. Accubond kúlu með hleðslunni 47 gr. af N-160 sem er í kringum 2700 fet á sekúndu samkv töflu.
Þetta er klára lungnaskot en aðeins á ská, innskotið alveg aftur við þinden það sleppur engu að síður við gor, það hefði hins vegar ekki sloppið ef kúlan hefði farið hina leiðina út aftur við þind þá hefðu einhver brot farið aftur í vömb.
Á þessum myndum sést vel hvað hægt er að skjóta lungnaskotunum aftarlega án þess að skemma neitt.
Það sést líka á þessum myndum að Accubond kúlan er ekki að skemma neitt ef hún er sett á síðuna þar sem hún er þynnst, ef þessi kúla hefði hins vegar farið í bógbein hefðu orðið verulegar skemmdir á kjöti.

Hér er skotsár eftir 3006 með 150 gr. Sierra gameking kúlu með hleðslunni 54 gr. af N-150 sem gera rétt innan við 2800 fet á sekúndu samkvæmt töflu.
Þetta sleppur nú furðu vel miðað við hvar kúlan lendir, inn fyrir framan bóginn og út um herðablaðið.
Það er tvímælalaust kúlugerðinni að þakka þessi kúla sveppast, ef þetta hefði verið Accubond, Ballistic tip eða eitthvað sambærilegt hefði þetta verið mun ljótara og framparturinn mikið skemmdur sérstaklega útskots megin.

Hér er skotsár á stórum tarfi eftir cal. 243 með Norma verksmiðjuhlöðnu skoti og 100 gr. Orix kúlu.
Takið þið eftir einhverju óvenjulegu við myndirnar?

Ertu þá að tala um fjölda skotgata?

Mér sýnist kúlan hafa farið í amk. tvo parta ef ekki fleiri.

Já, það eru tvö skotgöt á tarfinum með örfárra sentimetra millibili. Handvöm leiðsögumannsins, var ekki alveg með á nótunum um hvaða tarf hann væri að skjóta, sá að hann hitti ekki tafrinn sem ég hélt að ég væri að benda honum á að skjóta á svo ég sagði honum að skjóta aftur og þetta var árangurinn.
Seinna skotið skemmdi miklu minna vegna þess að þá var blóðþrýstingurinn fallinn svo mikið í dýrinu að marið er miklu minna eins og sjá má af myndunum.

Tja ekki sá eini sem hefur tvískotið, ég þrískaut tarf eitt árið með oryx kúlu. Hætti að nota þær eftir þá tilraun. Það var bara eitt útgat samt sem áður og engar extra skemmdir sem heitið geta.

Hér sést 105 kg. tarfur skotinn aftast í hálsinn með 100 gr. Norma Orix kúlu cal. 243, kjötskemmdir í lágmarki, kúlan stoppaði í hálsliðunum og kom ekki í gegn.

Hér er 105 kg. tarfur skotinn með 6,5x55 Hornady A-Max 123 gr. kúlu, hreint lungnaskot og kjötskemmdir litlar sem engar.

Það var verið að spurja um skotsárið eftir kúluna hjá Viktor Mester úr Blazernum 375 H&H Mag. rifflinum með 300 gr. kúlunni.
Hér koma myndir af skotsárinu.
Skotið var neðarlega í herðakambinn nálægt hryggsúlunni og tarfurinn sem var 110 kíló datt eins og hann hefði verið skotinn í hausinn, það helgast nú mest af högginu sem er svakalegt og nálægð kúlunnar við hrygginn.
Annar bógurinn er nánast ónýtur sá sem gékk innskotið og hinn mikið skemmdur, svona frekar samt snyrtilegt gat á honum.

Sigurður Aðalsteinsson. Hefurðu tekið saman skotsár/caliper-hylki/kúlutegund + myndir? Það yrði efni í vinsæla bók!!

Já ég er að safna þessu smásaman saman og held einhverju til haga og mynda á hverju ári.
Ég á orðið álitlegt safn af svona myndum.

Ég smellti einni svona mynd í sumar. Þessi kýr var skotin af ca. 80 m færi með .243. Sierra SBT 100 grain. Kúlan lenti á rifbeini á leiðinni inn og rifnaði og fór ekki út hinumegin. Hef ekki séð þetta áður með þessari kúlu. Þetta verður ekki gert mikið betur.