Veiði dagsins 2013

[Veiðimeistarinn]

Það er rétt hjá þér Gylfi, þarna var 308n á heimavelli

[gylfisig]

Já... alltaf öruggur.. á öllum færum!

[pgests]

[/

Sæll Pálmi,

Þú er sjálfsagt þegar búinn að reyna þetta en framgangurinn er eftirfarandi:
- Fara í "stillingarnar mínar" í vinstra horninu á síðunni, undir "Forsíða"
- Velja "Prófíll" flipann
- Velja "Breyta smámynd"
- Smella á "Browse" til að finna myndina á tölvunni þinni og velja hana
- Smella á "Senda" til að uppfæra prófílinn

Það eru takmörk á stærð myndarinnar:

Hámarksstærðir; breidd: 100 punktar, hæð: 90 punktar, skráarstærð: 53kB.

Veit ekki hvort þetta hjálpar en sakar ekki að reyna.

[pgests]

Takk fyrir þetta gkristjánsson, en það er eftirfarandi sem ég hnýt alltaf um og á erfitt með að möndla einhvernveginn.

"Hámarksstærðir; breidd: 100 punktar, hæð: 90 punktar, skráarstærð: 53kB."


Virðist vera einfalt, en kostar handavinnu (sem ég virðist ekki ná, kannski er ég alltaf með of stórar myndir) Var satt að segja að hún (síðan myndi sjá sjálf um að aðlagana að sínum forsendum.

kannski ég geri fleiri tilraunir.

[gkristjansson]

Sæll Pálmi,

Ef myndin er of stór þá er þér velkomið að senda mér hana í tölvupósti og ég gæti síðan möndlað hana í rétta stærð og sent til baka til þín (gkristj@gkr2004.com).

[gylfisig]

Ég var alltaf með sama vandamál og Pálmi, þ.e. myndirnar alltaf of stórar.
Ég einfaldlega minnkaði þær beint, með því að:
Hægri klikka á viðk. mynd, og velja síðan OPEN WITH..
velja þar MICROSOFT OFFICE forritið, sem flestar tölvur eru með, til að opna myndina...
þar er valið, i flipa uppi: EDIT PICTURE
Siðan er valið: RESIZE
AÐ lokum valið þar: PERCENTAGE OF ORIGINAL HEIGHT...
þar er hægt að skrolla upp eða niður, hvað myndin minnkar mikið í %
Muna bara að gera SAVE i restina.

[gkristjansson]

Sælir,

Ég geri það sama og Gylfi nema að ég fer fyrst í "compress" og vel "document" valkostinn. Þetta minnkar dýptina á litum í myndinni og þar með stærðina á myndinn.

Síðan, eins og Gylfi, þá fer ég í "resize" valkostinn og reyni að nálgast upplausnina sem þarf að vera (100 x 90), síðan vel ég venjulega "save as" svo að forritið yfirskrifi ekki upprunalegu myndina....

[pgests]

Bingó! Kærar þakkir fyrir hjálpina félagar, tókst loksins að klóra mig fram úr þessu.

[gylfisig]

Víð fáum þá vonandi eins og eina mynd... því til sönnunar

[pgests]

Þið sjáið prófílmyndina, er það ekki?

[gylfisig]

Jú,, en það er bara mynd af einhverjum Spaugstofukalli

[Gisminn]

Jú kallinn flottur með alvöru útiskegg og tilbúinn í veiði

[Ingvi]

þetta forrit er gott til að minka myndir
http://www.irfanview.com/

[Veiðimeistarinn]

Jæja þá er timi til kominn að setja inn fleiri veiðimyndir, það hefur verið mikið að gera og langir dagar, hérna kemur afrakstur síðustu daga og uppsóp.
Páll Arnarson veiddi tarf á svæði 2 í Múlahrauni. Hann var 55 kg. tvævetur, veiðiriffill Páls er Tikka T3 cal. 308 kúla 150 gr Nosler b.t. færið 122 metrar.

[Veiðimeistarinn]

Anna Borgþórsdóttir Ólsen veiddi tarf á svæði 1 við Sandhnjúka hann vóg 86 kíló og hafði bakfitu 61 mm. Veiðriffill Önnu er Tikka T3 cal. 6,5x55 kúlan 125 gr. Nosler partition. Færið var 160 metrar.

[Veiðimeistarinn]

Ingvar Júlíus Guðmundsson veiddi 90 kg. tarf á svæði 1 við Austari símakofa hann var með 50 mm í bakfitu, veiðriffillinn Sako 75 cal. 7mm. Rem. Mag. kúlan 140 gr Norma Orix og færið 170 metrar.

[Veiðimeistarinn]

Jóhann Þór Arnarson veiddi 85 kílóa tarf með 50 mm. bakfitu í Austari brekku á svæði 1. Veiðriffill Jóhanns er Sako Forrester cal. 243 kúlan 100 gr. Norma Orix og færið var 126 metrar.
Annað hornið á tarfinum var miklu minna og knýtt, hefur orðið fyrir einhveju hnjaski snemma á vaxtartímanum.

[Veiðimeistarinn]

Guðni Einarsson veiddi vænan tarf á svæði 1 í Austari brekku á Haugsöræfum 3. sept. Tarfurinn vóg 115 kíló með 90 mm. bakfitu og fallegt trophy.
Þetta er með stærstu törfum sem hafa veiðst með mér, hef veitt annan 115 kg. einn 116. kg tvo 117 kg. og sá þyngst hjá mér hingað til var 118 kg.
Get svo sem ekki hælt mér af þessu á neinn hátt vegna þess að Guðni valdi tarfinn sjálfur.
Veiðriffill Guðna er Winchester Model 70 cal. 270 Win. hann notaði 130 gr. Barnes TTSX kúlu og kvartar yfir hvað þær opnist illa. Færið var 200 metrar.

[Veiðimeistarinn]

Það er skammt stórra högga á milli í gær veiddi Jóhann Vilhjálmsson byssusmiður 117 kg tarf á svæði 1 við Sandhnjúka, hafði sá 75 mm. í bakfitu sem ekki er mikið miðað við svona stóran tarf.
Eins og ég sagði hér ofan er þetta næst þyngsti tarfur sem hefur veiðst með mér ásamt öðrum sömu þyngdar.
Veiðriffill Jóhanns er Sauer cal. 2506, hann notaði Barnes TSX kúlu 100 gr. og færið var 230 metrar.

[Veiðimeistarinn]

Þorsteinn Birgisson veiddi einnig í gær 104 kg. tarf með 72 mm. bakfitu, veiðstaðurinn Urðir sunnan Mælifells á svæði 1.
Veiðriffill Þorsteins er Mauser 03 cal. 6,5x65 hann notaði 129 gr. Hornady Interbond kúlu og færið var 125 metrar.
Ekkert veiddist hjá mér í dag, ég tók því rólega, veiðmennirnir mættu ekki fyrr en um kaffileitið og við kíktum aðeins í Eiríkstaða og Hákonarstaða heiðarnar.