Refaskyttan Gunnar á Bergskála.

[Jón Pálmason]

Sælir/ar.

Veit að margir af ykkur hafa áhuga á refaveiðum og öllu því sem tengjast þeim.
Langar því að mynnast á refaskyttu af gömlu kynslóðinni, sem að mínu mati mætti gera hærra undir höfði. Að minnsta kosti má minning hans ekki falla í dá.
Refaskyttan hét Gunnar Einarsson og kenndi sig við Bergskála á Skaga. Hann var fæddur árið 1901 og andast árið 1959. Lenti í tveimur alvarlegum slysum tengdum skotvopnum á lífsleiðinni, en hélt ótrauður áfram starfi refaskyttunnar.
Var heiðraður af Búnaðarfélagi Íslands árið 1956, en þá hafði hann fellt um 1800 refi og 300 minka.
Vil ekki segja þeim ykkar sem ekki þekkja sögu Gunnars, of mikið, en bendi ykkur á frásögn af honum í Skagfirðingabók-riti sögufélags skagfirðinga. Hefti nr. 18 sem kom út árið 1989.
Er sannfærður um að ykkur leiðist ekki að lesa um kappann.

[Spíri]

Eru frásagnir um Gunnar aðgengilegar á netinu? Mjög gaman að lesa frásagnir af veiðiköppum fortíðarinnar.

[Jón Pálmason]

Sæll Þórður.

Veit ekki hvort efnið er aðgengilegt rafrænt. Skal athuga það fyrir þig.
Geri ráð fyrir að þessar bækur séu til á öllum betri bókasöfnum landsins.

[Veiðimeistarinn]

Ég reyndi að fara inn á timarit.is og leita en fann bara ritfrétt úr Morgunblaðinu um 18 árgang Skagfirðingabókar þar sem sagt er frá frásögninni af Gunnari.


Það er ýmsan fróðleik að finna á timarit.is
Ég fór að gamni mínu eftir ábendingu frá Gunnari Þórarni Grettissyni, inn á timarit.is og sló inn leitarorðin ,,refaveiðar Jóhann Halldórsson", þá kom þessi síða upp með fullt af fróðleik um refaveiðar úr ýmsum tímaritum frá ýmsum tímum.

http://timarit.is/search_init.jsp?lang= ... ld%F3rsson
og ,,refaveiðar"
http://timarit.is/search_init.jsp?lang= ... avei%F0ar+

Þegar farið er að lesa ákveðnar greinar í tímaritunum, til dæmis, ANDVARI - 1900, þá kemur upp stika lengst til vinstri á skjánum þar sem stendur grein ýta á örina við Velja og smella á Um refaveiðar.
Síðan flettir maður í stikunni fyrir ofan þar sem stendur Blaðsíða smella á örina hægra megin við blaðsíðutalið 127 í þessu tilfelli.
Þarna er hafsjór af fróðleik um refaveiðar.

[Jón Pálmason]

Sæll Sigurður.

Takk fyrir þínar upplýsingar.
Varðandi Skagfirðingabók, þá er ég búinn að senda inn fyrirspurn og bíð eftir svari.
Hef þó grun um að ekki sé hægt að nálgast bókina rafrænt.
Þeir sem nenna á bókasafnið verða ekki fyrir vonbrigðum með þáttinn um Gunnar.

[Jón Pálmason]

Sælir/ar.

Var að fá póst varðandi það að ekki er hægt að nálgast þessar bækur rafrænt.
Þær eru ennþá fáanlegar og til sölu hjá Sögufélagi skagfirðinga.
Hef grun um að eldri bækurnar fáist á mjög lágu verði.

[hpþ]

Einhvern tímann var ég að leita að efni tengdu refaveiðum og rakst þá á síðu sem heitir ismus.is. Efst í horninu hægra megin er leitarvél, skrifið refaveiðar og þá koma upp þó nokkrar gamlar upptökur af viðtölum við gamla grenjakalla og aðra því tengdu allt aftur á miðja síðustu öld, lofa ykkur góðri skemmtun.

[Spíri]

Takk fyrir þetta Jón, mun hafa samband við sögufélagið

[Garpur]

Sælir, hérna er fín frásögn eftir Gunnar. Á þessum tíma var nánast árlega dýrbítur í Tindastól eða á Reykjaströndinni og eitt vorið, ég held að það sé vorið fyrir þessa frásögn, voru nánast allir vopnfærir menn fengnir til að leita í Stólnum. Eftir að Múkkinn fór að sjást minnkaði þessi barátta við dýrbýta, allavega þarna.

http://timarit.is/view_page_init.jsp?is ... FDrb%FDtur

[Veiðimeistarinn]

Takk fyrir þetta, þetta er frábær frásögn, virkilega gaman að lesa þetta.
Ég þekki vel tilfinninguna sem Gunnar lýsir undir lok frásagnarinna þegar rebbi var fallinn ,,Ég settist niður hjá hinumfallna lambabana og naut þess að hafa sigrað".
Þessi frásögn er ekta

[Spíri]

Var að panta mér eintak og kostar bókin 1500kr með sendingarkostnaði sem er gjöf en ekki gjald
Kærar þakkir fyrir að vekja áhuga minn á þessu Jón

[Jón Pálmason]

Sæll Þórður.

Ekkert að þakka, mín var ánægjan.
Við erum hérna jú til að miðla af fróðleik.