6mm284

[Spíri]

Ekki vill svo til að einhver hér lumi á góðri hleðslu fyrir 6mm284 fyrir 100grs hornady INTERLOCK kúlu. Þigg einnig með þökkum hleðslur fyrir þetta cal. Hef verið að nota eina ríkishleðslu í minn riffil en það er nosler bst 70 grs og langar að prufa einhverjar nýjar kúlur í hann.

[Veiðimeistarinn]

Ég mundi nú fara varlega í að skjóta 100 gr. kúlum úr þessum riffli.
Ég veit dæmi þess að reynt var að skjóta svona þungum kúlum úr svona riffli, það átti að massa hreindýraveiðarnar en eftir nokkur skot var hann orðinn svo fullur af kopar sem ekki var hægt að ná úr honum að það þurfti að skrúfa af honum hlaupip og leggja það í sýru til að hreinsa það.
Ég held að tvistið í þeim riffli hafi verið 1:14 eða 1:16.

[Garpur]

Sæll, ég tek undir með meistarnum, þú verður að skoða hvaða twist þú ert með.
Ég hef prófað 95 grs í minn en það var ekkert spes.

kv

[Spíri]

Já þakka ykkur fyrir þetta herramenn, held að ég haldi mig bara við nosler 70 grs hún er að gera það gott hjá mér 4090fps og gatneglir

[konnari]

14 twist í 6mm hlaupi stabiliserar max í kringum 70gr. kúlur ! Svo hægt twist mun aldrei höndla 100gr. kúlu.

Þórður ! þú verður að kanna twistið hjá þér áður en þú slærð þessum möguleika út af borðinu

[gylfisig]

Ég þekki litið til 6-284.
Veit þó að amk 10 twist verður að vera, til að skjóta 100 grs kúlu úr 6 mm.
Margir 243 rifflar eru vandræðagripir með 100 grs kúlum. Lýsir sér einkum í yfirþrýstingi þó svo ekki sé verið að hlaða heitt skv. manual.
Gallinn er sá að sumir taka út hleðslu fyrir tiltekna 100 grs kúlu í bókinni, en hlaða svo allt aðra gerð af kúlu, þó hún sé sömu þyngdar. Nægir þar að nefna Norma Oryx 100 grs. Hún er ekki oddmjó og viðnámsflötur hennar er nánast enda á milli. Þessa kúlu hef ég þurft að hlaða talsvert undir upp gefnum stöðlum í bók.
Buínn að sjá allmörg dæmi um yfirþrýsting af verstu gerð með þessari kúlu, og reyndar fleiri gerðum líka.
Þetta var kannski aðeins út fyrir efnið, en ég er viss um að fleiri hafi orðið varir við þetta, einkum með tilliti til þess að ásókn í hreindýr hefur vaxið mikið síðustu ár. Ég mæli þá með því að menn noti annað kal en 243. þar sem það hylki er varla að ráða við þessa kúlu.

Ég myndi nú ekkert vera að leita að nýjum hleðslum ef góð er til staðar með 70 grs kúlunni

[johann]

Tek undir þetta hjá Gylfa, t.d. nota ég 37gr af N550 undir Oryx 100gr í 243 en 41gr af sama púðri á Sierra Gameking 100gr. Með tvist rate þarf að skoða kúluformið, lengri kúlur þurfa meiri snúning en styttri.

[Gisminn]

Þarna bættiru aðeins í vitneskjuna mína Jóhann en er samasem merki milli hraða og snúnings eða ræður twistið alfarið för þar?
Á ég þá við að ef ég herði á kúlu herði ég þá líka á snúningnum ?

[GBF]

Með auknum hraða herðist á snúningnum miðað við tíma þó sami snúningur sé á kúlunni miðað við vegalengd. Þessvegna er hægt að stabilisera kúlu sem annars sættir sig ekki við tvist hlaupsins, með auknum hraða.
Tvist per se er ekki útilokandi þáttur í stabiliseringu á kúlum

[johann]

Það er til módel (the Miller Twist Rule) sem reiknar úr gyróskópískan stöðuleikastuðul (úff). Svo er spurningin að reyna að halda stuðlinum á ákveðnum stað. Um þetta má lesa t.d. hjá Berger: http://www.bergerbullets.com/litz/TwistRuleAlt.php

Þetta módel er einföldun, því boat tail form og hverslags ogive prófíll skiptir líka máli - og það eru til reiknivélar fyrir svoleiðis líka, ef menn eiga nákvæm mál af kúlunum sínum.