Skyttuspjallið

Sæl/ir
Er að hlaða skot í 308 og er með sierra spitzer kúlu 150gr og er að setja á bak við hana 48 gr af N-150
í VW bókinni stendur að mest megi setja 49,9gr en mér finnst patrónan alls ekki taka mikið meira en 48gr, er þetta of mikið púður hjá mér?

Sæl María

Þetta er líklega í lagi, þú getur látið púðrið raðast betur í hylkið með því að notast við droptúpu.

Ég hlóð einu sinni 58 grs af N-165 á bak við 108 grs Lapua Scenar kúlu og hefði varla komið korni í viðbót í hylkið. Samt er uppgefið hámark 63 grs samkvæmt lapua. Hylkið sem ég var að hlaða í er 6,5 x 284.

Athugaðu samt að byrja neðar og vinna þig upp og fylgjast vel með þrýstingsmerkjum. Ef þú ert ekki alveg viss um að þetta sé í lagi skaltu fá eitthvern reynslumeiri til þess að kíkja á þetta með þér!

Sæl María.
Sammála Stebba, byrja með létta hleðslu og fikra sig rólega upp. Max hleðsla er ekki endilega besta hleðslan.
Ef Vw bókin segir þetta í lagi, þá er það í lagi. (N-150 - Max 48,4gr ) á bakvið þessa kúluþyngd.
Þér finnst þetta kanski mikið þegar þú ert að hlaða en svo á þetta eftir að "hristast/þéttast" betur í hylkið.
Gangi þér vel.

Takk fyrir þetta, piltar

Sæl María. Kannski María B sem var á Hlad.is ?
Ég hef hlaðið talsvert í 308 um dagana.
Kúlur frá 150 grs. og upp úr.
Mér finnst N- 150 púðrið vera mjög hentugt fyrir kúlur sem eru þyngri en 150 grs.
'Ég hef verið að hlaða mest með 150 grs Nosler bt. og nota þá N-140.
Púðurmagn 44,0 - 45,0 grs MAX !

Einnig hleð ég talsvert með 155 grs Hornady A max og þá með N-150.
Mér finnst þetta mjög mikið magn af púðri sem þú setur með þessari 150 grs kúlu.
Ég get ekki sett meira en 45,0 grs af N-150 við þessa 155 grs A max.
Hef sett hana í nokkra riffla, og 45,0 grs er algjört MAX hvað við kemur þrýstingi.
Ég setti sierra kúluna, og þetta puður inn i Q.L. en veit ekki nákvæmlega hvaða nr er á þessari kúlu.
Sierra 150 grs #2135 á að þola um 50 grs. með N -150 MAX.
Fylling hylkisins er um 107 % og hraðinn tæp 2900 ft.
En þetta veltur auðvitað á kúlugerðinni.
Mér finnst þetta samt mjög hátt, og myndi byrja svolitið neðar en bókin segir til um.
það væri gaman að fá að vita hvaða nr er á kúlupakkanum hjá þér, ásamt Oal. og hvaða riffill

Fór að skjóta um helgina og var þá með hleðslu 47 gr af N-150 og Sierra - .30 Cal. 150 grain SBT
og var með góðar grúppur, svo ég ætla að halda mig við það svona að sinni.
Gylfi já ég er María B

Kúlurnar eru númer 2125 og ég er með Sako Varmit 75.

Sæl María, og gaman að fá þig á þetta spjall.
Hleðslan þín með þessari kúlu 2125 er fullkomlega örugg samkvæmt Quickload, og auðvitað hárrétt hjá þér að nota hana, fyrst þú ert ánægð með hana. Ég fór með fleipur, varðandi að þetta væri frekar "heitt" hjá þér en kúlan segir reyndar heilmikið til um pressuna. Hún er alls ekki í efri mörkum þér, eða 48173 psi en max pressa er 60191 psi og hraðinn 2750 ft.
Bruni púðursins 99,11 % og fyllingin í hylkinu 104,4 % svo við förum nú út í smáatriðin

Sæll Gylfi
Fínt að heyra þetta, fer á hreindýr í haust og vil vera í góðum gír.

Sæl María.

Ég er með 85 Sako 308 og hef verið að hlaða í hann 125gr Nosler BT með góðum árangri hef reyndar ekki prófað þessa kúlu á hreindýr en hún er að grúppa vel rétt um 1/2 MOA á 100 m
Caliber 308
Púður Vihtavuori N133 Vigt:46 gr
Kúla Nosler Ballastic tip Vigt:125 gr
Hvelletta Lapua
Hylkislengd 51,00 mm
Heildarlengd 72,90 mm
Hraði kúlu Mældur hraði á einni kúlu 3160 fps

Sæll Jenni
Ég hef bara verið með N-133 í sako 222 hjá mér, en heyrði af einum á Skaganum sem er að nota þetta púður og er hann mjög ánægður með það í stærri rifflana.