Skyttuspjallið

Hver hefur ekki lagt við hlustir þegar Bogi yfirfréttalesari á RÚV hefur máls á því að þessi eða hinn Erlendi sérfræðingurinn hafi sagt þetta eða hitt. Oftast er það nú þannig að við sem heima sitjum eru alveg jafn nær um þessa svo kölluðu sérfræðinga.

En nú er það svo að Bogi og RÚV eiga ekki einkaleyfi á þessum svokölluðu Erlendu sérfræðingum. Þeir eru allt í kringum okkur án þess að við veitum þeim athygli. Gott dæmi um það eru Erlendir sérfræðingar í samgöngumiðlun og sjá þeir um að koma fólki á milli staða. Fyrir skömmu var ég þess aðnjótandi að fá fyrsta flokks þjónustu hjá Erlendum sérfræðingum í samgöngumiðlun og átti það sér stað á leið í vinnu í íbúðarhverfi í Kópavogi. Ég var rétt búinn að koma mér fyrir í strætisvagninum þegar hann stoppaði og á móti kom annar stór gulur bíll. Hliðarrúður voru opnaðar og Erlendu sérfræðingarnir í samgöngumiðlun ræddu saman í rólegheitum á Pólsku. Ég og aðrir farþegar sátum lotningarfull og reyndum að átta okkur á því hvað var að gerast meðan Erlendu sérfræðingarnir ræddu saman. Meira að segja ökumenn bíla sem söfnuðust upp fyrir aftan slepptu því að nota flautur af ótta við að trufla Erlendu sérfræðingana. Skömmu seinna leystu svo Erlendu sérfræðingarnir í samgöngumiðlun sín mál og allir komust sína leið.

Svo gerðist það hjá mér í mínu starfi að Erlendur sérfræðingur frá Ameríkuhrepp tók mig tali og eins og stundum vill verða fórum við að tala um stjórnmál. Hann varð hræður þegar ég lýsti þeirri skoðun minni að Nixon hefði verið farsæll forseti þrátt fyrir minni háttar mistök heima fyrir. Svo vorum við báðir sammála um að þetta væri hvort eð er eðlilegt því að hann var jú stjórnmálmaður.Nixon lagði grunn að frið í Suðaustur Asíu og fór svo til Kína og seldi þeim Pepsi Cola.

Þessi velheppnaða gosdrykkja söluferð til Kína lagði svo grunn að opnu hagkerfi sem hefur skapað um það bil tvöhundruð miljónum Kínverja mjög góð lífskjör. Auk þess sem verkalýður í Kína er að upplifa hagsæld og er henni að vísu misskipt eins og gengur.

Enn nánari urðum við þegar ég upplýsti þá skoðun mína að Ronal Regan væri sá forseti sem hefði unnið hvað mesta sigur í stríðsögu Bandaríkjanna. Sá sigur fólst í því að vinna Kaldastríðið án þess að fórna mannslífum. Nú varð maðurinn frá Ameríkuhrepp hugsi og missti málið í skamma stund.

Það tók hann jú augnablik að ná því að það hafi verið hægt að leggja herveldi hins illa af velli með peningum einum saman án þess að nota til þess byssukúlur. Hann var á miðjum aldri eins og ég aðeins of ungur til að muna Kóeru, en Víetnam og kaldastríðið voru honum ofarlega í huga.

En upphafið að þessu spjalli okkar voru byssukúlur og var ég að klóra mér í kollinum yfir haug af byssukúlum og hvernig ég ætti nú að koma þeim fyrir. Erlendi sérfræðingurinn frá Ameríkuhrepp var undrandi á úrvali hjá Ellingsen og tjáði mér að í Florida væru hillur tómar.

Úr því að við vorum skoðanabræður trúði hann mér fyrir því að landsmenn væru flestir hræddir við Obama Forseta. Hann væri vís með að brjóta allar hefðir og sitja minnst fjögur kjörtímabil og láta svo kjósa sig til eilífðar í framhaldi af því.

Ég reyndi nú að draga úr þessu og taldi líklega að þetta væri eitt allsherjar samsæri til að auka kaupgleði og Bandaríkin hafa sýnt það í gegnum árin að þau séu fullfær um að framleiða gnótt af byssukúlum þegar það á við.
Reyndi svo að færa þau rök fyrir máli mínu að Obama hefði verið kosinn með meirihluta atkvæða. Auk þess hefðu strákarnir í Irak verið að klára upp gamlar byrgðir frá því að þeir voru að slást við andstæðinga í Vietnam.

Þá hvíslaði hann því að mér að opinberar stofnanir með skammstöfunum væru að hamstra Hollow Point kúlur.

En þessi erlendi sérfræðingur var búinn að byrgja sig vel upp af kúlum og taldi hann mig vera lánsaman að hafa fengið sendingu frá Hornady. Ekki kom honum það á óvart að ævinlega væri um það bil 25% sem færi á biðpöntun og skilaði sér svo seint og illa. Ekki hvað hann ástandið á byssupúðri betra í Florida og menn gripu það sem í boði væri með það í huga að býtta svo á tegundum við sína félaga.

Svo upp úr þuru benti hann á haus af Villisvíni sem hékk á vegg fyrir ofan mig sagðist skjóta mikið af þessu. Fór svo að tala um stóra skammbyssu sem hann hafði eignast en þorði ekki að skjóta af. Skammbyssa þessi er svo öflug að það mátti skilja á honum að ofumenni einn réðu við hana og því til sönnunar kallaði hann á son sinn. Sá hafði skotið einu skoti af henni og var lengi að ná sér í hendi eftir umtalsvert bakslag.

Svo sagði ég Erlenda sérfræðingnum að á Íslandi væri ekki skammbyssu hefð og það væru eingöngu tvær vinnandi stéttir sem hafa þörf fyrir svona græjur. Það væri annars vegar Löggæslumenn og Dópsalar.
Erlendi sérfræðingurinn gaf strax sérfæðiálit og hvað þetta gott fyrirkomulag sem kæmi í veg fyrir voðaskot á heimilum.