ÓE. Byssuskáp

[Padrone]

Sælir félagar.

Ég er að leita mér að byssuskáp fyrir 3-5 byssur. Verður helst að vera mjög ódýr eða ódýr (kannski 10-20 þúsund).

Endilega sendið mér línu ef þið hafið eitthvað á lausu eða að losna.

[iceboy]

Á facebook er síða sem heitir skotveiðispjallið og þar er verið að auglýsa skáp til sölu, 3 byssu skáp

[Padrone]

Takk fyrir ábendinguna. Ég var að skrá mig í þennan hóp og ætla að ath málið.

Endilega sendið fleiri ábendingar.
Svo man ég ekki aðrar búðir en

Vesturröst
Hlað
Veiðimaðurinn
Ellingsen

Fleiri búðir sem þið getið bent mér á?

[iceboy]

Byko og Bauhaus selja líka skápa

[Dui Sigurdsson]

Vélar og verkfæri eru líka með byssu skápa.

[Padrone]

Takk fyrir þetta.

En þekkir einhver reglugerðina um byssuskápa? Hversu þykkir, smíði þeirra og efni, lás og allt það?

[Dui Sigurdsson]

Mig sterklega minnir að það sé engin opinber reglugerð, bara einhver vinnuregla sem lögreglan hefur sett sér.

Og ef mig minnir rétt.
þykkt: lágmark 4mm (gæti hafa verið 3mm)
efni: stál
lamir: ekki aðgengilegar utan frá
lás: lágmark 3 boltar/öxlar er ganga út úr hurð.

En eins og ég segi þá er þetta hvergi opinberlega ritað niður og gæti þetta því verið misminni hjá mér, langt best er að hringja í Jónas inni í Kópavogi og spyrja hann út í þetta.
Ég hef mikið spá í því sjálfur að búa til skáp sem hentar mér og mínum aðstæðum.

[iceboy]

Ég var hjá Snorra í síðustu viku og spurði hann akkurat út í þetta.
Það er til einhver reglugerð um hverng byssuskápar þurfa að vera, og það er eins með byssuskápa sem fluttir eru til landsins og svo ef maður ætlar að smíða sjálfur, hann ætlaði að prenta hana út fyrir mig en svo gleymdist það.

Annars hefði ég skellt henni inn hérna núna

[johann]

Þetta fann ég hjá löggunni:
http://www.logreglan.is/upload/files/Re ... 6ra(1).pdf

[johann]

Sýnist reyndar þetta eiga bara við í umdæmi Lögrelustjórans á Suðurnesjum, svo væntanlega er þetta skilgreint í hverju umdæmi fyrir sig.

[Dui Sigurdsson]

Mig grunar sterklega að Snorri gæti verið að tala um þessa "reglugerð"

[Dui Sigurdsson]

Soldið gömul frétt en... http://www.mbl.is/greinasafn/grein/7877 ... 2004-03-19

[Dui Sigurdsson]

Var að tala við Jónas út af öðru máli og spurði hann einmitt út í þetta.
Þetta er að stærstu leiti eins og á Suðurnesjunum, en þetta eru bara vinnureglur en ekki reglugerð.

Skotvopnaskápur skal þannig útbúinn:
· Skápurinn skal gerður úr stáli og þykkt hliða, gafls og hurðar skal vera að lágmarki 3 mm.
· Hurð og dyrakarmur skulu útbúin þannig að ekki sé unnt að opna skápinn með auðveldum hætti þó svo að lamir hafi verið fjarlægðar **
· Hann skal búinn minnst einum lykla- og eða talnalási sem skal vera innfeldur í hurð.
Hengilásar eru ekki leyfðir.
· Hann skal vera boltaður og/eða steyptur í vegg eða gólf ef eigin þyngd er minni en 150 kg.
· Hann skal vera með a.m.k. þriggja punkta læsingu (pinnar/boltar), þar af skal einn ganga í
hurðarkarm lásmegin

** Þetta var áður "Lamir skulu vera innfelldar"

[Padrone]

Sælir og frábært að sjá svona upplýsingaflæði milli manna hér og þakka ég þér kærlega fyrir alla aðstoðina Dúi, aðeins ef allir væru svona hjálplegir þegar stórum spurningum er fleygt fram.

Hver veit ef maður geti endurgoldið þennan velvilja einhvern daginn, bjóði þér með á gæs eða úrbeini eitthvað fyrir þig.

[skepnan]

Sæll Árni, Verkfærasalan í Síðumúla er með byssuskápa, einnig Verkfæralagerinn og Intersport svo eitthvað sé nefnt.

Kveðja Keli

[Padrone]

Fór eitthvað á stúfana og eru Byko og Bauhaus með skápa en þeir eru í kringum 40.000 ... Reyndar sá ég skápa í Bauhaus sem voru voðalega þunnir og boltarnir sem ganga úr hurðinni fara bara (2 stk með 5 cm bili) í hurðakarminn ... Fannst það ekki alveg standast löggjöf/reglugerð

[Dui Sigurdsson]

Ég man með Byko skápana þá fengu þeir lögregluna til að útvega þeim sérstakt plagg sem sagði til að skáparnir væru í raun samkvæmt reglugerð/vinnureglum.
Ég skoðaði sjálfur Bauhaus skápana í vor og ég er á sama máli og þú, mér fannst þeir þynnri en ættu að vera og læsingin hálf viðvaningsleg.

[Magnus]

Ég var að skoða skápa um daginn líka. Í Bauhaus eru til aðrir skápar á 70.000 (minnir mig) sem virðast nokkuð traustir og rúmgóðir. Þeir voru annars staðar í búðinni en þessir litlu ódýru. Veiðihornið var með ódýrustu skápana, Vesturröst var með stærstu skápana miðað við verð og Hlað var með flottasta skápinn.
Ég keypti skáp í Vesturröst.

[Padrone]

Nú rakst ég á þennan á netinu
http://www.vesturrost.is/?p=7152
er þessi að standast reglugerðina?

[johann]

Ef þú átt bara þrjár byssur þá máttu nota þennan fyrir þær, því reglugerðin um skápa er fyrir þá sem eiga fleiri en þrjár. Mættir hins vegar ekki nota tvo svona fyrir 6 byssur, kólfarnir ganga bara í karminn á einni hlið.

þ.e. þú mátt nota læstan skáp fyrir 3 en þarft þess ekki.