Skyttuspjallið

Tekið af http://ust.is/einstaklingar/frettir/fre ... eidileyfa/

Útdráttur hreindýraveiðileyfa

Hreindýr
Frestur til að sækja um hreindýraveiðileyfi rann út á miðnætti 15. febrúar og er verið að fara yfir umóknir. Þegar fjöldi umsókna og fjöldi þeirra sem eru á fimm skipta reglunni liggur fyrir verður það birt hér á síðunni.
Dregið verður úr hreindýraveiðileyfum á laugardaginn 22. febrúar kl. 14:00 í húsakynnum Þekkingarnets Austurlands á Egilsstöðum. Útdrátturinn verður sýndur beint á vefsíðu Umhverfisstofnunar. Niðurstöður útdráttar verða sendar á mánudegi til umsækjenda.

Þeir umsækjendur sem fá dýr þurfa að greiða staðfestingargjald fyrir 1. apríl hyggist þeir taka leyfið. Staðfestingargjald er fjórðungur af verði leyfisins og fæst ekki endurgreitt. Þá vill Umhverfisstofnun minna á skotprófið fyrir þá sem fá dýr.

Þeir umsækjendur sem fá leyfi úthlutað en hyggjast ekki nýta leyfið eru hvattir til að tilkynna þá ákvörðun sem fyrst.

Veit einhver hve margir sóttu um þettað árið ???

Kringum 3400 sirka bát.....kannski....!

Heyrði í kringum 3500 en Siggi kannski ekki langt frá því

Hér er linkur á útsendinguna.
http://www.ust.is/einstaklingar/frettir ... utsending/

Var vel yfir 200 á biðlista en var að fá póst um að staðfesta að ég tæki dýr ef ég fengi séns á og þegar komið verður að enda tímabils þá mun UST ekki fara niður biðlistan eins og áður heldur fara á þá sem staðfesta viljann á dýri með stuttum fyrirvara.
Kannski er smá von

Já þessi vinnureglubreyting er til mikilla bóta!

Pósturinn sem fylgir þessari breytingu hljóðar svona!
"Kæri veiðmaður
Í því skyni að auka skilvirkni úthlutunar veiðileyfa hefur Umhverfisstofnun gert breytingu á vinnureglum varðandi biðlistaúthlutun.
Breytingin er á þann veg að eftir 5.september hvað tarfa varðar og10. September hvað kýr varðar áskilur stofnunin sér rétt til hafa aðeins samband við þá á biðlista sem hafa sérstaklega tilkynnt að þeir væru tilbúnir að fara til veiða fái þeir úthlutað eftir þann tíma.
Á undanförnum árum hefur verið erfitt að úthluta innskiluðum veiðileyfum síðustu daga veiðitímabilsins þar sem Umhverfisstofnun hefur verið bundin að því að fara eftir biðlistum fram á síðasta dag. Oft hefur farið mikill tími í að ná í veiðimenn sem voru svo löngu búnir að gefa frá sér hugmyndina að fara til hreindýraveiða. Vegna þessa hafa jafnvel verið brögð að því að ekki hafi tekist að koma öllum veiðileyfum út.
Það er því ósk okkar að þú kæri veiðimaður látir okkur vita sjáir þú fram á að þiggja leyfi síðustu daga verði þér boðið það.
Hér er að neðan er slóðin til að fara inn á til að skrá sig á listann. Farið verður eftir þeim slembitölum sem umsækjandi fékk í útdrættinum í febrúar".