Skyttuspjallið

Árleg byssusýning Veiðisafnsins á Stokkseyri í samvinnu við verslunina Vesturröst verður haldinn laugardaginn 1. og sunnudaginn 2. mars 2014 frá kl. 11–18 í húsakynnum Veiðisafnsins, Eyrarbraut 49 Stokkseyri.
Verður þar fjölbreytt úrval skotvopna til sýnis svo sem haglabyssur, rifflar, skammbyssur, herrifflar ásamt ýmsu frá landskunnum söfnurum m.a úr einkasöfnum frá Sverri Scheving Thorsteinssyni, Sigurði Ásgeirssyni, Einari frá Þverá og Drífu-haglabyssur frá Jóni Björnssyni heitnum frá Dalvík.
Félagsmenn frá Skotfélaginu Ósmann á Sauðárkróki verða á staðnum og kynna sína starfsemi og sýna úrval af byssum frá sínum félagsmönnum.
Skotfélagið Ósmann var stofnað á Sauðárkróki þann 8. maí 1991 og er mikill fengur í því að fá þá norðanmenn í heimsókn. http://www.osmann.is
Allt áhugafólk um skotvopn og veiðar er velkomið, aðgangseyrir er kr.1250 fl. og 650 kr. börn 6-12 ára.
Nánari upplýsingar á http://www.veidisafnid.is og http://www.vesturrost.is

Maður verður að kíkja á þetta og hitta félaga frá Skotfélaginu Ósmann. Og líka glæsilega byssusýningu.

Takk fyrir spjallið á sýningunni í dag, þetta var mjög gaman

Takk fyrir okkur, gaman að hitta menn ì eigin persónu.

Já það er það.

Takk aftur fyrir spjallið , þetta var mjög fróðlegt

Kíkti á drengina í gær þegar ég kom með riffil á sýninguna alltaf jafn ljúfir drengir hvort sem sóttir eru heim eða eru að heiman kíki svo kannski aftur í dag var á hraðferð í gær...

Fór á sýninguna í dag, mjög flott sýning. Takk Ósmenn fyrir skemtilegt og fróðlegt spjall, er ennþá brosandi út að eyrum.

Gaman að hitta Skagfirðingana og skemmtileg sýning.

Er einhver séns á myndum fyrir okkur ræflana sem ekki gátum komið ???? það væri sætt.

Ég skrönglaðist á syninguna í Veðisafnina á Stokkseyri á sunnudaginn með dóttur minni syni og tengdadóttur, já og stelpurnar höfðu líka virkilega gaman af þessu.
Átti gott spjall við Ósmenn, Aflabrest og Bowtek, takk fyrir spjallið ágætu Ósmenn virkilega gaman að sjá ykkur, sýnilega þéttir á velli og þéttir í lund.
Hitti líka Vesturrastarmenn, allt var þetta jafn fróðlegt og skemmtilegt, skotvopn af öllum gerðum og stærðum, nýtt gamalt, afgamalt og eldra allt jafn áhugavert, takk fyrir þetta krlega.
Síðan hittum við höfðingjan sjálfan, Pál veiðikóng.