Skyttuspjallið

Sælir,

Langar að deila með ykkur smá yfirliti yfir "dýptarmælingar" mínar á ýmsum haglaskotum. Mælingarnar fóru þannig fram að skotið var á símaskrá (höfð í sérstakri "hillu" með góðum bakstuðningi) af 40 yarda færi með improved modified þrengingu. Hverri tilraun var framkvæmd a.m.k. tvisvar. Talningar fóru þannig fram að höglum sem voru innan við eina tommu frá brún skrárinnar var sleppt en öll önnur högl voru talin (oftast á bilinu 15-25 högl per símaskrá, eftir haglastærð). Reiknað var meðaltal dýptar (í blaðsíðum) og reiknað staðalfrávik og hlutfallslegt staðalfrávik (RSD). RSD var yfirleitt einungis í kringum 10% og mun minni breytileiki var á milli tilrauna (þ.e.a.s. þegar samskonar skot var endurtekið) en ég bjóst við. Ég prófaði einnig að skjóta samtímis á tvær símaskrár þar sem ein skrá var í miðju mynstrinu en ein utarlega. Enginn munur var í meðaldýpt hagla við þær prófanir (ég hélt e.t.v. að höglin við jaðrana færu grynnra en svo var ekki).

Eins og búast mátti við þá er haglastærð sá þáttur sem mestu skiptir varðandi dýptina - stærri höglin fara dýpst. Líklega fara léttari hleðslur líka dýpra en þyngri - en ekki er jafn augljóst að sýna fram á þann mun, enda var ég f.o.f. að kanna skot frá mismunandi framleiðendum.

Skemmtilegast er svo að heimahleðslurnar mínar fóru dýpst af öllum skotunum - en nota bene þá eru þetta einu skotin í haglastærð 2 sem voru undir 50g hleðslu sem voru prófuð.



Gerð Haglastærð Þyngd Hylki Dýpt RSD
Hlaðið 3,8 mm 42 g 76 mm 492 bls 9%
Hlaðið 3,8 mm 46 g 76 mm 485 bls 12%
Keypt 3,8 mm 53 g 76 mm 415 bls 9%
Keypt 3,8 mm 50 g 76 mm 397 bls 12%
Keypt 3,6 mm 50 g 76 mm 395 bls 11%
Keypt 3,3 mm 36 g 70 mm 363 bls 11%
Keypt 3,3 mm 42 g 70 mm 355 bls 9%
Keypt 3,9 mm 55 g 76 mm 348 bls 9%
Keypt 3,5 mm 50 g 76 mm 348 bls 11%
Keypt 3,5 mm 42 g 70 mm 347 bls 11%
Keypt 3,3 mm 42 g 70 mm 346 bls 13%
Keypt 3,3 mm 42 g 70 mm 343 bls 11%
Keypt 3,1 mm 36 g 70 mm 338 bls 9%
Keypt 3,3 mm 42 g 70 mm 335 bls 8%
Keypt 3,3 mm 50 g 76 mm 317 bls 7%
Keypt 3,3 mm 42 g 70 mm 316 bls 11%
Keypt 3,5 mm 52 g 76 mm 312 bls 15%
Keypt 3,3 mm 50 g 76 mm 308 bls 16%
Keypt 3,3 mm 42 g 70 mm 291 bls 11%
Keypt 2,8 mm 36 g 70 mm 250 bls 13%

kveðja,

J ó n V

Gaman að sjá að menn eru að skoða þetta en ég er að spá í þessu RSD staðalfrávik skil ég það rétt? Eru það þá frávik í dýpt og gaman að sjá að þessi 50+ eru sennilega farin að aflaga höglin eða hraðinn verður ekki nægur fyrir þennan þunga af höglum

Sæll

RSD stendur fyrir relative standard deviation, eða hlutfallslegt staðalfrávik, og er einfaldlega staðalfrávikið deilt með meðaltalinu (RSD = St.dev / Mean) og gefið upp sem prósentutala.

Segja má (ef við gefum okkur að þetta sé normaldreift) að um 70% haglanna séu innan við eitt staðalfrávik frá meðaltali og 95% haglanna séu innan við tvö staðalfrávik. Ef við tökum fyrstu línuna sam dæmi, þá er meðaltalið 492, hlutfallslegt staðalfrávik er 9%, sem þýðir 44 (9% x 492 = 44) - svo að í þeirri tilraun voru 70% haglanna á milli blaðsíðina 448 (492 - 44) og 536 (492 + 44). 95% haglanna í sömu tilraun eru svo +/- tvö staðalfrávik, eða á milli blaðsíða 404 og 580.

Af hverju kemur þú þessu ekki frá þér á manna máli og segir okkur hvaða skot eru best, næstbest og lélegust og allt þar á milli.

það heitir fyrsta, annað og þriðja sæti á íþrótta máli

Góðu skotin mín voru best, lélegri skotin mín næst best, en ég vil ekki "nafngreina " önnur skot.

Sæll Jón "Freysgoði"
Þetta minnir mig að prófun sem Indriði "bowtech" Grétarsson gerði fyrir 2-3 árum síðan.
Gæti verið gaman fyrir ykkur að bera saman bækur ykkar við tækifæri

kv.

Guðmann

Es. Og svo að ég taki nú að mér verk veiðimeistarans, endilega kláraðu skráninguna þína hér inni svo að menn viti betur deili á þér

Sæll

Já þetta er sama prinsip og menn hafa notað áður. Þó er ég ekki viss um að menn hafi nennt að telja öll höglin í hverri skrá - enda leiðinlegt verk.

kveðja,

J ó n V a l g e i r s s o n

Frábært.
Ég gerði svipaðar prófanir fyrir yfir 20 árum
Tók einnig dreyfinguna fyrir. það er að segja patterns skaut, og taldi út og notaði mökk af bylgjupappír í það
Tók að vísu færri skot fyrir en þú. Skrifaði einhvað um það í fréttabréf Skotvís en birti ekki frekar

Sveinbjörn það er eginlega ekki hægt að segja hvaða skot eru best út frá svona það er fleirra sem spilar inní. Það er hægt að segja hvaða skot hafa mestan slagkraft og vantar orð yfir penetraciun. Sem er allt allt annað. TD dugar hal no 6 til að brjóta vængbein á grágæs á 30 metrum!

En þetta er flott pæling.