Skyttuspjallið

Datt í hug og sýna ykkur hvað ég hef verið að dunda mér við síðustu daga, smíðaði tvær svona gildrur. Þær eru aðallega fyrir ref og gaupu en virka líka fyrir greifingja.

Hvernig helst þessi lokuð eftir að dýrið er komið inn ?

Kv
Guðmundur

Sæll Guðmundur.
Þegar lokið fellur niður dergst rörboginn fram og heldur lokinu föstu.

Gleðilegt árið.

Er þetta smíðað eftir fyrirmynd eða uppdiktað? Ég er að velta fyrir mér hversu snöggt skúrinn lokast og hvort upptrektir rebbar geti hoppað út. Það er nú ekki eins og þeir séu óhvuppnir.

kv.

Sæll Sindri.
Hún er smíðuð eftir teikningum samþykktum af Naturvårdsverket. Hér í ríki Karls konungs smíðar maður ekki gildrur uppúr eigin hugmyndum það er of mikið í húfi td. byssur, leyfi, fangelsi og eða sektir. En þessi gildra lokast á augnabliki og það hoppar ekkert dýr út þegar það er búið að stíga á plötuna lengst inni.

Flott smíði hjá þér Einar.
Ég set hérna inn til gamans mynd af refagildru sem ég sá egnda á Grænlandi af Stefáni bónda í Isortoq.
Einfalt og virkar víst, ég veit ekki hvort hún er samþykkt af Naturvårdsverket á Grænlandi, annars held ég að vísu að grænlendingar séu blessunarlega lausir við allt þannig ,,bírókrat".