Skyttuspjallið

Ég spurði félaga minn, sem þekkir ágætlega inn á evrópurétt, hvaða áhrif aðild að ESB hefði á veiðar hér heima. Miðað við þær upplýsingar sem ég fekk frá honum og svo því sem ég hef lesið um þetta þá verður hægt að veiða áfram það sem veitt er út í Evrópu allavega, eins og t.d. hreindýr.

Það sem gerir málin flóknari er að innan ESB er gerð krafa um jafnræðið. Þ.e.a.s. að það má ekki mismuna fólki eftir þjóðerni né öðru innan ESB. Þetta myndi gilda jafnt um veiðar eins og annað.

Hvaða áhrif myndi það hafa á útdrátt hreindýraleyfa ef allt ESB svæðið getur sótt um, sem yrði nánast öruggt?

Hitt er að ekki væri hægt að meina ESB búum að veiða í almenningi, en í dag er aðeins íslenskum ríkisborgurum heimilt að veiða í almenningi. Þetta gæti haft áhrif á rjúpna og heiðagæsastofna líka eða hvað?

Ef þetta er svona, þá er hætta á því að þetta muni draga úr eða koma í veg fyrir möguleika Íslendinga til veiða á okkar landi, þar sem veiðistofnarnir myndu sennilega bera mikið meiri veiði.

Hvaða áhrif myndi þetta fyrirkomulag hafa á verðið til veiða, eða möguleika Íslendinga til veiðana?

Ef ég er að fara með rangt mál þá má leiðrétta það.

Ég held þetta sé rétt hjá þér en eins og ég svaraði með friðun ESB á ref og svo á öðrum stofnum sem eru ESB þóknanlegir að friða og þar sem við eru með aðrar tegundu nú þegar friðaðar svo sem Spóa, Álft og Lóu þá eru veiðar úr söguni á Íslandi þar sem það er skýrt tekið fram að stofnar sem nú þegar eru friðaðir verða það áfram nema með sérstöku leyfi ESB. Og verð á hreindýraleifunum verðu bara fyrir aðalinn ytra. Meðaljón og undir mun bara enganvegin hafa efin á leyfunum né geta réttlætt það fyrir fjölskylduni.

Held að við ættum aðeins að anda með nefinu í þessum fullyrðingum. Það er nú einu sinni þannig að hvert aðildarland setur sínar eigin reglur þegar kemur að veiði í hverju landi fyrir sig. Á þessu eru nokkrar undantekningar, en heilt yfir er þetta svona.
T.d refur er veiddur í flestum þessara landa og er talsverður munur á milli þjóða og ef tekið er Bretland þá er ekki óalgengt að sjá menn standandi á palli pallbíla með ljós og dýr skotin af palli ef því er að skipta. Þannig að takmaranir á veiði er nú bara ein enn grýlan sem andstæðingar ESB hafa komið með.
Hvað varðar hreindýrin þá geta allir með gild réttindi innlendir sem erlendir sótt um hhreindýr núna, þannig að þar verður ekki mikil breting. Ef maður ætlar að skjóta erlendis þá verður maður að vera með gilt veiðikort í viðkomandi landi rétt eins og hér.
Sem sagt anda með nefinu
Það má samt ekki skilja það sem svo að ég vilji inní ESB, EN ég vill sjá hvað þetta kostar til að geta tekið upplýsta ákvörðun um kosti og galla samningins.

Ég held að það sé alveg á hreinu að innganga í ESB hefur engin áhrif á veiðar íbúa á ESB svæðinu hér á landi frá því sem nú er.
Skilyrðin fyrir veiðum útlendinga hér á landi eru harðari en ef íslendingar fara að veiða víðst hvar erlendis, í Evrópu þar meðtalinni.
Nú eru sett skilyrði fyrir að erlendir veiðimenn sem sækja um hreindýraleyfi hér á landi hafi gilt veiðikort og byssuleyfi í sínu heimalandi, það á reyndar við ef erlendur aðili sækir um veiðikort til að stunda veiðar á öllu sem á annað borð er veitt hér á landi, enda stendur skírt í lögum að allir sem stunda veiðar á íslandi skuli hafa veiðikort.
Hins vegar þegar ég fer að veiða erlendis er víða aðeins spurt um byssuleyfið mitt og þá aðeins vegna flutnings byssunar til þess lands sem ég veiði í. Veit ekki hvernig þetta er á Norðurlöndunum.
Ef ég fæ hins vegar léða byssu úti þar, er ekki spurt um neina pappíra.