Skyttuspjallið

Var að fá nýjan Sightron sjónauka í hendurnar sem lengi hefur staðið til að kaupa. Maður er í sjöunda himni yfir þessu. Þetta er Sightron SIII 8-32x56 LRMD/CM með mrad turnum.

Ég er bara búin að setja hann á riffillinn og fikta aðeins og það verður spennandi að fara og prófa hann. Hann er virkilega skýr og turnarnir eru virkilega skemmtilegir. Það er létt að snúa þeim en jafnframt eru þeir mjög öruggir og það er eins og að aðeins tölurnar á turninum snúist en ekki strikin því hann færist alltaf jafn mikið í hverju klikki.

Ég tók mrad turn þar sem þá hef ég sömu einingu og í krossinum sem er mildot. Það þýðir að eitt klikk er 0.1 mrad eða 1 cm á 100 metrum. Einn hringur á turninum er 5 mrad sem samsvarar um 20 MOA. Turnin er merktur í 0.1 mrad þannig að það eru 50 einingar í einum hring. Þetta er þægilegt að reikna þar sem maður notar tugakerfið en ekki 1/4 reikning eða tommureikning.



Ég var með Nightforce NXS 5.5-22x56 á rifflinum og það er erfitt að sjá mun þegar maður horfir í gegnum þá en ég er ekki frá því að litir séu skarpari í Sightroninum og einhvernvegin stærri mynd líka. Á eftir að bera þá betur saman á skotsvæði með testskífur. Sightronin er örlítið léttari en þeir eru sambærilegir að stærð að öðru leyti. 30 mm túpa og svipað langir.

Sightronin er með 70 MOA elevation stillingu og þar sem ég er með Ken Farrel basa með 20 MOA halla ætti ég að ná 55 MOA færslu upp sem kemur mér út í nálægt 1200 m færi, og þá á ég eftir 5 MIL í viðbót í krossinum eða um 20 MOA.

Ástæðan fyrir því að ég valdi Sightron er sú að þeir eru með mjög áræðanlega turna, semsagt eiga að tracka sérstaklega vel, mjög góð gler og mjög hagstæðir.

Verður gaman að sjá hvernig hann kemur út á vellinum en svakalega er gaman að fá nýjar græjur



Þeir hjá Skyttan.is klikka ekki og verður maður að benda á frábæra þjónustu þar á bæ eins og alltaf

Til hamingju með græjuna, Sightron eru flottir sjónaukar.

Hvað ætlarðu að gera við Nightforceinn?

Til hamingju með þetta, vonandi reynist hann vel.

kv Garðar

Takk fyrir það. Ég verð víst að skila Nightforceinum en hann er í eigu bróðir míns og fer hann þar á SwissArms SHR970 riffill.

Ég kem með einhvern pistil um þennan sjónauka þegar ég er búin að "reynsluaka" honum

Til hamingju þú verður bara ánægðari og ánægðari og til frekari upplýsinga þá var ég að skjóta um dagin í glampandi sól og undirlagið var frekar dökkt og með mér var vinur minn og er hann með Zeiss divari með 24x stækkun og það var svakalega mikill truflun í hanns vegna hillinga og bara vont að greina kúlugat á 100 metrum en þetta veður hafði nánast engin áhrif á sightroninn

Til hamingju með þetta. Er með Bushnell Elite 4200 4-16x50 og langar í meiri stækkun. Hef verið að spá í Elite 6500 eða Sightron, sýnist að þessi sé spennandi svo ég bíð spenntur eftir að heyra frekar af þessu!

Til hamingju með þetta nýja sjóngler Magnús, alltaf gaman þegar menn láta draumana rætast og fá sér eitthvað sem þá langar í og hentar þeim.
Ég veit ekki hvort ég á að þora tíunda hvaða sjónpípur ég hef á minum byssum?
En læt bara vaða.
Tasco 6-24x42 á "stóra" rifflinum sem heitir Eyþór og er 6,5-284
Red dot sem stækkar 1x á Combi grenjavopninu sem heitir Halli og er 12/222
Gatasigti á "litla"rifflinum sem heitir Húnbogi og er 22 cal.

Glæsilegur sjónauki. Er hann keyptur í geggnum Skyttuna? Mætti ég spyrja um verð á svona sjónauka.

Til hamingju með gripinn það verður fróðlegt að sjá hvernig hann kemur út í action.

Styttist í report. Kemst vonandi um helgina í prufur með hann Þessi sjónauki er á 159.900 kr. hjá Skyttan.is

Fór og stillti sjónaukan inn. Þurfti aðeins 4 skot til að stillan hann frá því að ég setti sjónaukan á.

Mjög gott að horfa í gegnum hann og virkilega skýr. Líka á 32 x stækkun.

Tók eina mynd í gegnum hann á 32x þar sem prufublað sést á 200 metrum. Það verður ekki vandamál að sjá kúlugöt á 200 metrum. Minnstu línurna á blaðinu eru 2 mm en þetta er staðlað 1951 USAF resulution test chart sem ég prentaði út til að prófa skerpu sjónaukans. Hafði engan sjónauka til að bera saman og var bara stutt þar sem það var stífur vindur og ekkert voðalega skemmtilegar aðstæður til að skjóta.
Fer aftur í betra veðri og geri "vísindalegar prófanir"

Jahá... hann er heldur betur skýr og það á 32x...

Líst vel á þetta. Er loksins að fá Vortex Viper PST sem ég er löngu búinn að panta (reyndar að fá 2 stk). Bíð spenntur að prufa hann - vonandi í næstu eða þar næstu viku.

Til hamingju með sjónaukann Maggi!

Flottar myndir og gaman að fylgjast með

Kveðja
Skyttan.is

Takk takk

Gísli, hvaða týpu af PST ertu að fá?

Þessa - eftir LANGA bið

http://www.vortexoptics.com/product/vor ... le/reticle

Þetta er flott týpa með FFP sem er stór kostur Verður gaman að heyra af því hvernig hann kemur út...

Bíð spenntur - hálf nakinn riffill inni í skáp sem bíður. Ætla samt að selja annan sjónaukann.

Hver er munurinn á FFP og SFP ?

Sæll og til hamingju með gripinn, flott græja, var sjálfur að fá minn Sightron og er ekki minna spenntur að komast í land og fara að prufa.
kv Árni