Skyttuspjallið

Sælir ég vildi bara koma því á framfæri að UST hefur svarað mér og heitir hann Einar Guðmann sem varð fyrir svörum.
Og hér er smá bútur úr svarinu frá honum.
Prófið er staðlað í framkvæmd og tímamælt var hversu langan tíma það tekur að jafnaði að framkvæma próf og klára þá tölvuvinnu sem þeim fylgir. Í heildina eru prófdómarar á bilinu 30-50 mínútur að sinna hverjum próftaka þegar allt er talið og þessum 4.000,- krónum sem fellur í hlut framkvæmdaraðila er ætlað að greiða fyrir þá vinnu. Við ákvörðun gjaldskrár er ekki hægt að gera ráð fyrir öðru en að menn vilji fá greitt fyrir þann tíma sem þeir vinna fyrir aðra

Varðandi hina spurninguna þína þá er ekki allskostar rétt að ekki hafi verið haft samráð við framkvæmdaraðila varðandi ákvörðun gjaldsins. Snemma í ferlinu var rætt við forsvarsmenn stærstu félagana hér á landi og rökstuðningur fyrir gjaldinu borinn undir þá.

Og svona til að æra óstöðugan þá klikkir hann út með þessu og hvort sem það er rétt aða rangt þá er þetta talað út úr munni skotfélagana
hér er niðurlagið.

Gjaldinu var ætlað að standa undir þeim kostnaði sem fylgir framkvæmdinni og undirrituðum þykir gjaldið uppfylla það skilyrði enda ekki annað sanngjarnt en að vinna þeirra sem fórna tíma sínum í þetta sé metin. Það hefði líklega einhver kvartað ef lagt hefði verið til að prófið yrði byggt á sjálfboðavinnu framkvæmdaraðila.

kv.

Einar Guðmann
Umhverfisstofnun

Og þá er það komið á hreint eins og ég hafði óttast.
Gjaldið er launatengt og Það var ekki satt að ekki hafi verið haft samráð við skotfélög.
Svo því skal haldið til haga þá lagðist ég ekki á móti gjaldi og var gjörsamlega samþykkur leið Magnúsar að hafa brautargjald og skráningargjald til dæmis.Sjálfboðaliðinn hefði þá þénað fyrir félagið með því að vera á staðnum og sjá um braut og skrá.
En ég er gjörsamlega á móti því að það sé búið að launagera sjálfboðaliðann því það er í nafninu! Hann er ekki launaður starfsmaður.
Ég þakka pent og held að þetta þurfi ekkert að ræða.

Svona á að gera þetta.

Grafa ofan í hlutina og deila þeim niðurstöðum með hinum (lötu sem nenntu því ekki) ((eins og mér)) *hóst*

Mundu bara að prenta tölvupóstinn út til að eiga hann.

Heill og sæll Þorsteinn

Ertu ekki til í að birta allt bréfið í stað þess að sleppa litlum en mikilvægum hluta þess? - svona fyrst þú birtir bréfið hér á annað borð.

kv.

Einar Guðmann

jú það skal ég gera með glöðu geði og það mun ég gera.En ég sé ekki litla mikilvæga hlutan nema að hann sé að þú sért handbendi skotfélags. En svona lítur bréfið út í heild.

Heill og sæll Þorsteinn

Það fellur undir hlutverk Umhverfisstofnunar í þessu samhengi að leggja til gjaldskrá skotprófa. Endanleg tillaga að gjaldinu var ákveðin þegar búið var að reikna efniskostnað og tímamæla vinnu við framkvæmdina. Prófið er staðlað í framkvæmd og tímamælt var hversu langan tíma það tekur að jafnaði að framkvæma próf og klára þá tölvuvinnu sem þeim fylgir. Í heildina eru prófdómarar á bilinu 30-50 mínútur að sinna hverjum próftaka þegar allt er talið og þessum 4.000,- krónum sem fellur í hlut framkvæmdaraðila er ætlað að greiða fyrir þá vinnu. Við ákvörðun gjaldskrár er ekki hægt að gera ráð fyrir öðru en að menn vilji fá greitt fyrir þann tíma sem þeir vinna fyrir aðra.

Varðandi hina spurninguna þína þá er ekki allskostar rétt að ekki hafi verið haft samráð við framkvæmdaraðila varðandi ákvörðun gjaldsins. Snemma í ferlinu var rætt við forsvarsmenn stærstu félagana hér á landi og rökstuðningur fyrir gjaldinu borinn undir þá. Vissulega var ekki talað við alla enda voru ekki allir búnir að sækja um að taka þátt í prófunum á þeim tímapunkti. Umhverfisstofnun bar ekki beinlínis að fá samþykki framkvæmdaraðila en að sjálfsögðu var kannað hjá lykilaðilum hvort fallist yrði á rökin fyrir gjaldinu.

Gjaldinu var ætlað að standa undir þeim kostnaði sem fylgir framkvæmdinni og undirrituðum þykir gjaldið uppfylla það skilyrði enda ekki annað sanngjarnt en að vinna þeirra sem fórna tíma sínum í þetta sé metin. Það hefði líklega einhver kvartað ef lagt hefði verið til að prófið yrði byggt á sjálfboðavinnu framkvæmdaraðila.

kv.

Einar Guðmann
Umhverfisstofnun

Fæ ekki betur séð en að þarna sé um launað starf að ræða!!

Já,

En launin renna til skotfélagsins. Tími = peningar. Ef einhver vinnur fyrir skotfélag, til dæmis við að búa til skotbraut, er hann þá ekki að leggja til peninga (tíma) til skotfélagsins? Af hverju þá ekki að geta lagt peninga til skotfélagsins í beinu formi með því að vera prófdómari í skotprófinu? Það að vera prófdómari skilar ekki öðru til félagsins, þannig að hvað er að því að félagið fái þennan pening?

Það er sjálfsagt hægt að ræða það til lengri tíma hvort þetta sé ásættanlegt / rétt tímakaup, það get ég ekki dæmt um en samkvæmt ofangreindu þá er reiknað með að 30 mínútur fari í að sinna þessu skotprófi sem gerir tímakaup upp á 8.000 klukkustundin. Er það eitthvað langt frá því sem iðnaðarmaður rukkar fyrir sinn tíma?

Heill og sæll Einar Guðmann frábært að fá þig hér inn, ég vona að þú sért fáanlegur til þess að svara spurningum sem upp koma hér á spjallinu er snerta þitt svið og kunnáttu. Það að geta fengið svör milliliðalaust frá veiðistjórnunarsviði er ómetanlegt og gerir bestasta spjallborðið langlangbeztast

Svo fylgir náttúrulega spurning með skjallinu

Ég hef reynt að fá svör um það afhverju hreindýraveiðileyfin hækkuðu svona mikið á "ódýrari" svæðunum og urðu jafnhá hinum. Hvað var það í stjórnsýslunni sem að hækkaði svona mikið til að réttlæta þetta verð?
Samanber: Veiðar á hreindýrum eru heimilar öllum er til þess hafa leyfi samkvæmt lögum þessum og reglum settum samkvæmt þeim. Af hverju felldu hreindýri skal greiða til Umhverfisstofnunar sérstakt leyfisgjald sem ráðherra ákveður árlega að fengnum tillögum stofnunarinnar. Við ákvörðun gjaldsins skal taka mið af kostnaði við vöktun hreindýrastofnsins og eftirlit og stjórn hreindýraveiða. Gjaldið skal þó ekki vera hærra en sem nemur þeim kostnaði. Þetta er 14 grein laga um vernd,friðun og veiðar á villtum fuglum og villtum spendýrum.

Með von um góð svör og fyrirfram þökkum Keli

Sæll Guðfinnur málið er ekki upphæðin heldur það að launakostnaður á sjálfboða er enginn og þá er gjaldtakan fallinn um sjálft sig því þú getur enganveginn rökstutt sjálfboðavinnu sem útlagðan kostnað það er prinsipið í þessu.

Jæja keli ekki svara þeir með að rökstyðja blessaða hækkuna frekar en fyrridaginn hjá UST finnst stundum skrýtið hvernig þetta blessaða bákn fær að koma fram við okkur sem borgum þeim blessuð launin, eeen vonum að þetta fari að koma enda ekki nema 11 dagar síðan þú skrifaðir þetta þeir taka sér alltaf amsk 1-3 mán að koma frá sér svörum sýnist mér

Kveðja Bergþór