Skyttuspjallið

Jæja. Kvöld fór í að þrífa og setja gler á græjurnar og eru Tikkurnar tvær þá komnar í endanlega mynd. Amk. þangað til næsta breyting er fullmótuð og fjármögnuð.

Ég ætla af því tilefni að fá að koma með einn svona mont-póst þar sem ég er orðinn svo ánægður með gripina

Nær er Tikka T3 Tactical í .223 með Sightron SIII 10-50x60 MRAD
Fjær er Tikka T3 Varmint í 6,5x55 með Vortex Viper PST 6-24x50 MRAD FFP

Væri ekki leiðinlegt ef fleiri hentu inn myndum og upplýsingum um þau verkfæri sem verið er að nota Megið nota þennan þráð í það ef ykkur hugnast það. Ég breyti þá fyrirsögninni.

Fallegir gripir en endilega máttu láta mig vita ef þú tekur gæs með 223 því mig dauðlangar að fá það á hreint hvort þetta cal sé nothæft á gæs þar að segja ef skotið er fyrir ofan skipið eða á hlið fyrir aftan bringuna.

Sæll Þorsteinn

Markmiðið er einmitt að gera .223 riffilinn að gæsa- og refaveiðigræju (ef ég kemst einhvertíman í tæri við rebba) þangað til hlaupið er búið og skoða þá að breyta um cal. Fara t.d. í 204 Ruger með þungu hlaupi og bæta svo við KKC skepti þegar fjárhagurinn leyfir.

En ég skal láta þig vita þegar fyrsta gæsin fellur fyrir .223

Þetta eru flottir rifflar hjá þér Tóti. Sérstaklega ánægður með þann aftari

Tek þátt í myndbirtingum.

Gísli, hvaða græjur eru þetta, sort og hlaupvídd

Sæll Siggi

Þetta eru Sako 85 í 270 Win sem ég hef nú komið með til þín tvisvar og einu sinni til Aðalsteins frænda þíns. Þá var hann reyndar með annan sjónauka - þetta er S&B Classic 3-12x50 en var áður með Burris XTR í sömu stækkun.

Svarti riffilinn er sá nýji - Tikka T3 Varmint í 260 Rem með Vortex Viper PST 6-245x50. Keyptur meira fyrir pappa og líka ref.


Hér höfum við stillt okkur upp með Sakoinn

Sæll Gísli Takk fyrir að deila.

Laglegar græjur hjá þér. Sérstaklega þessi Tikka!

Væri gaman að bera Tikkurnar saman við tækifæri. Ertu ekki að skjóta reglulega úti í Höfnum?

Hvet fleiri til þess að setja inn græjumyndir

Sæll Þórarinn, verður maður þá ekki að vera memm í leikfangasýningunni

Þetta er Weatherby vanguard varmint special í .223 með Hawke Nite-eye 6,5-20x50 Þessi er Howa talon thumbhole .270 með Leupold 3-9x50 Báðir sjónaukarnir verða svo uppfærðir með tíð og tíma
Svo má sjá gallabuxnaskálm fyllta af ösku úr jöklinum sem er í baksýn
en það var einhver umræða um slík "rest" hér fyrir nokkru.

Sæll Þorkell

Flott combo hjá þér! Verð að viðurkenna að ég var mjög heitur fyrir .270 þegar ég var að skoða mér stærri riffil. Sé núna svolítið eftir því að hafa ekki farið í .260 eins og Gísli.
Hvernig hefur þessi .223 verið að koma út hjá þér? Hvaða twist hefur hann og hvaða kúlur/hleðslu hefur þú verið að nota?

P.s. Myndbyggingin hjá þér er til fyrirmyndar Þarf að taka nýja mynd við tækifæri. Þessi símamynd mín var hálf slöpp

Sælir

Hérna er einn í 338 lapua.

SÆLL!! Eins og maðurinn sagði.

Hverra manna er þessi?

Sæll Þórarinn, Weatherby-inn hefur reynst mér ágætlega, hann grúppar fínt en gikkurinn hefur altaf verið frekar stífur, ég á eftir að láta einhvern byssusmiðinn fara yfir hann mér finnst hann nefnilega "hnökra" aðeins upp á síðkastið
En hvað um það, hann er með 12 í tvisti og tjútti og þar af leiðandi betri með léttari kúlum samkvæmt staðlinum. Þess vegna hef ég ekki prófað þyngri en 55gr hingað til en þegar ég fer sjálfur að hlaða þá á ég eftir að prófa hitt og þetta
Hlað hefur hlaðið fyrir mig eftirfarandi:
Sierra 52 MK
N-133 24gr

Sierra 55 BK
N-133 23gr

Nosler 55 BT
N-135 24gr

Sierra 52gr mk er frábær kúla og góðar grúppur en Noslerinn sló henni við núna síðast í ansi miklu roki á hlið. Það er kúla sem á eftir að gera góða hluti við alsaklausa refi
Við getum vonandi reynt hana í haust á gæs, Steini minn

Pálmi, hvad í ólukkan er tetta eins og færeyingurinn í Dominós myndi segja

Kveðja Keli

Sælir
Þessi ólukkan er sambland héðan og þaðan, Lawton lás með 40Moa reili, Xlr skepti úr áli,32"hlaup + breik og fl. Þetta samsett hét heima og virkar HRIKALEGA vel

Ég verða að vera hreinskilinn... ljótur er hann.þessi 338 Lapua .! en efast ekki um að hann virkar ábyggilega hrikalega.

Minn er nú ljótari Gylfi.

Loksins birtir Pálmi mynd af gripnum. Ég get nú ekki verið sammála því að hann sé ljótur - kannski fallega ljótur. Fékk að grípa í hann um daginn og get staðfest að þetta er GRÆJA. Langar mikið í svona skeftir. Pálmi fékkstu einakskilaboðin frá mér um daginn?

Þessi verkfæri eru þau sem ég er mest að handleika þessa dagana.
Efri riffillinn Valmet combi 12/222rem. tófybyssan mín sem ég er að nota á grenjunum þessa daga. Sjónglerið er Bushnell trophy, red dott sem stækkar 1x með 28 mm. linsu.
Neðri riffillinn er hreindýrariffillinn minn sem ég nota að vísu líka á tófu þegar ég þarf að skjóta á löngu færunum úti í 300 metrunum.
Mauser 98 lás úr þýskum Mauser sem var orginal 8x57 eftir viðkomu með 243 hlaup sem mér líkaði aldrei 243 hentar mínum veiðiskap afskaplega illa, setti Arnfinnur á hann hlaup í kaliberinu 6,5-284 árið 2005 og setti hann ofan í plastskefti.
Plastskeftinu skipti ég út á síðasta ári, Jói Vilhjálms setti hann ofan í límtrés skefti, Eletric blu Silhouette Traditional frá Richards Microfit Gunstocks.
Sjónglerið á honum, 30 ára Tasco 6-24x42 hefur dugað einstaklega vel öll þessi ár við mikla og ekki alltaf mjög nærfærna notkun.
Bendi þeim mönnum sem eru að velta fyrir sér hér á spjallinu hvernig sjónpípur þeir eigi að fá sér eins og oft ber við og eiga að endast á Tasco

Verður maður ekki að vera með þó svo að báðar myirnar hafi komið hérna inn áður í aðra þræði. Hérna er mauserinn minn i skeptinu fá rifle-stocks.com sem ég tók skotprófið með í dag:-)
Svo er hérna sako Vixen i cal 222 með síðasta fórnarlambinu

Sælir og takk fyrir að deila

Sé að þið, Árnmar og Sigurður, eruð með eins skepti undir ykkar rifflum og langar að spyrja. Hvernig líkar ykkur við þetta skepti?

Enn hvet ég menn til þess að deila myndum, jafnvel þó að þær hafi komið einhverstaðar hér inn áður. The more, the merrier sagði maðurinn víst