HRAÐAMÆLIR

[T.K.]

Er hraðamælir "bullet chronohraph" eitthvað sem menn mæla með - og ef svarið er JÁ væri gaman að heyra hvers vegna?


Ég hef notast við hleðslubækur til að fá ca út hraða kúlunnar. Svo eru til ýmiss forrit (app) til að reikna út ferilinn fyrir lengri færin, 400m + og hafa þessi forrit oft bara BC1 stuðulinn, ekki allt hitt gúmulaðið. Í stuttu máli þá passar ferill kúlunnar við forritin sæmilega út á 300m með ca 1-2 cm skekkju en mèr hefur fundist vindrekið vera ofreiknað í tölvunni 5-10 cm skekkja miðað við raunveruleikann.
Væri gaman að vita hvort hraðamælir er að gefa mönnum mikið svona í raun og veru í tilraunum kringum þessar ferilpælingar.

Takk fyrir

[Benni]

Það er annað sem hraðamælir gefur þér en það er mismun hraða milli skota sem hefur mjög mikið að segja þegar er verið að eltast við nákvæmni á lengri færum.
Flestir sem eru að skjóta á mjög löngum færum leitast eftir hleðslum sem skila minnstum hraðamun jafnvel frekar en topp hraða og það er ekki hægt að finna það öðruvísi en með hraðamæli.
Yfirleitt talað um Extreme spread (ES) fyrir mesta hraðamun og Standard deviation (SD) fyrir meðalhraðamun.
Hraði sem er gefinn upp í hleðslubókum er bara til viðmiðunar og raunhraði í hverjum riffli fyrir sig getur verið töluvert langt frá uppgefnum hraða.

[T.K.]

Þetta er merkilegt. Mundirðu segja að hraðamælir komi manni vel áleiðis í svona útreikningum jafnvel þó maður hafi bara einfaldar grunnupplýsingar um BC1 stuðul?

[maggragg]

Því betri upplýsingar sem maður hefur, því betri feril fær maður reiknaðan út. Ef þú ert með hraðan réttann færðu betri upplýsingar en ef bæði hraði og BC er ágiskun. Það er ekki spurning að það er alltaf skemmtilegra og betra að hafa mældan hraða. Hraði úr hleðslubókum eða QL er oft nokkuð frá réttum hraða. Það eru svo margir þættir sem hafa áhrif á hraðan að það er erfitt að áætla hann.

Hinsvegar eru komnar mjög góðar upplýsingar um flestar kúlur þegar kemur að BC stuðli, hvort sem það er G1 eða G7 formfactor. Það er líka annað ef maður er með réttan hraða er auðvelt að reikna út BC stuðulinn. Það þarf líka að huga að því að aðrir þættir séu réttir.
Eru turnarnir að virka rétt, er 1/4 moa akkurat 1/4 moa á turninum, eða munar einhverju þar? trakkar turninn akkurat lóðrétt eða er skekkja þar, er verið að skjóta þannig að kross og turn eru akkurat lóðrétt, er miðja sjónaukans rétt mæld frá hlaupi? Þetta eru þættir sem er vert að eyða svolitlum tíma í til að útiloka allar skekkjur.

Já og svo má ekki gleyma að hafa loftþrysting og hitastig með ef allt á að passa en því fleirri þættir sem eru í lagi, því betri verður útkoman.

[E.Har]

Ef ég skita bara verksmiðjuskotu eða skotum hlöðnum eftir aðra þá myndi eg sennilega ekki nota hraðamæli. Ef ég flakkaði mikið milli kúlna þá skipti hann engu máli.
Ég vil eiga góðar hleðslur fyrir ca 3 mismunandi kúlur í hvert hlaup.
Við hleðslu leitast ég við að ná nákvæmni. Margir mun betri í því en ég
Til að ná nákvæmni þá þarf 2 atriði. 1 að kúlan fari alltaf jafn hratt. 2 að hún yfirgefi hlaupið þannig að hlaupið sé rétt miðað við egin titring.
Ég er ekki lengur að leita að mesta hraða miðað við gefið hylki. Ef mig vantar meiri hraða þá má bara ve
ja enn stærri bauk ( er enn með spræk hylki, 300 wsm og 6,5-284 )
Hef t.d komið 125 gr btipp í 300 wsm í 3700 fet . grúppar samt best á um 3450. svo það er hleðslan mín. Jafn hraði vel stabileruð kúla. Næst er auðvitað að setja hraðan inn í forrit og prófa, Skakkar venjulega einhhverju smá sem ég leiðrétti fyrir og geri svo cheet sheet út á 500, sem er aðallega hugasað til gamans.
Þetta er í raun einfalt, þú getur skotið ad 50 m bili 5 skota gruppum og verið nokkuð safe. Svo prófarðu adra hleðslu og byrjar upp á nýtt.

Hitt er svo annað mál að eftir að allt er klárt þá nota ég hann lítið.
Mynduð þið fara a veiðar an fjarlægðarmælis?
Sama hjá mér vil mæla allar þær hleðslur sem mér líkar.

[MB1]

Fróðlegt það sem bent er á hér.

1. Ánægjulegt að sjá að T.K. finst kúluvindrek í raunveruleikanum minna en útreikningar á tölvu. Ég hef haldið lengi fram að formúlurnar um vindrek séu rangar en hinir stóru ballistikfræðingar úti í heimi telja slíkar skoðanir álíka og að halda fram að jörðin sé kringlótt en ekki flöt eins og rétttrúaðir fullyrða. Eru fleiri á því að vindreksútreikningar standist ekki?

2. Er einhver sem hefur prófað að stilla upp 2-3 hraðamælum hverjum á eftir öðrum og skjóta sömu kúlunni yfir þá alla til að sjá hvað ber mikið á milli? Það gefur augaleið að hraðamælir sem seldur er á 200 $ er ekki eins nákvæmur og milljón dollara tæki hjá t.d. NASA. Ég hef haft grun um að hraðamælir sem ég fékk einu sinni lánaðan hafi haft talsverða ónákvðmni í mælingu sem ég þá af þekkingarleysi kendi skotunum um, en var í raun líklega bara skekkja mælitækisins upp og niður, stundum nokkur prósent of hratt eða of hægt.

3. Ég veit að það er leiðinlegt að vera nafnlaus á spjallborði, en það gengur ekki að auglýsa á veraldarvefnum hver eigi skotvopn og hvar.

Kveðja, MB1.

[Veiðimeistarinn]

MB1, fyrst þér finnst svona leiðinlegt að vera nafnlaus hérna á spjallinu skaltu gera okkur, sem her komum fram undir fyllu nafni og auglýsum á veraldarvefnum að við eigum skotvopn og hvar, þann greiða að vera ekki hérna á spjallinu !!!!!!!!!!!

[maggragg]

MB1

Svo það sé á hreinu þá er jörðin kringlótt og þú veður í villu. Formúlur fyrir vindrek byggja á lögmál eðlisfræðinnar og eru yfir aldar gamlar. Formúlurnar eru réttar og hafa verið staðfestar í öflugust tölvum. Fyrsta tölvan var smíðuð til þess að reikna kúluferla og vindrek. Þetta hefur margoft verið staðfest með m.a ofurtölvum NASA þar sem þeir vinna með samskonar eðlisfræði. Það er búið að raða "ódýr" hraðamælum margoft saman og prófa þá. Niðurstaðan hefur verið sú að skekkjan í mælingum er það lítil að hún breytir litlu upp að 1000 metrum eða svo.

Ástæðan fyrir því að skot eru yfir eða undir reiknuðu vindreki liggur í skyttunni. Annarsvegar getur verid ad skyttan setji ekki allt rett inn í jöfnuna, og svo hitt sem er og verður alltaf erfitt að fást við, hvernig mælirðu vind á leið sem er kannski 300 metrar og ferill kúlunnar mishátt yfir jörðu. Vindur hjá skyttu er ekki endilega sá sami og á miðri leið. Þessvegna krefs það mikillar kunnátt og æfingu að lesa vind en formúlurnar eru réttar.

MB1, svo skaltu koma undir nafni ef þú ætlar að fulltrða um kenningar. Annars verður þetta túlkað sem TROLL postur og honum eytt.

[Spíri]

Það eina sem mér finnst vanta á þetta stórfína spjallborð er LIKE takkinn. Hvað mig hefur oft langað að lika póstana hjá Sigurði Veiðimeistara þegar hann lætur menn heyra það fyrir að skrifa ekki undir nafni.
En að hraðamælum, var ekki einhver hér um daginn að tala um einhverskonar apparat sem tengist við spjallsíma til þess að mæla hraða eða var mig bara að dreyma um svoleiðis græju?

[Gisminn]

Kæri Þórður þú hefur verið með hausin yfir eymingartækinu þá
En að öllu gamni slepptu þá ættla ég að fá mér mæli en ég tók eftir umræðu um að sum tækin virkuðu bara við rétt birtuskilyrði og hvað þarf maður að að fara hátt í fjármagni til að geta notað þetta í venjulegri dagsbirtu ?

[maggragg]

Þessir hefðbundnu hraðamælar kallast chronograph á ensku og virka þannig. Þeir eru með tvo ljósnema með ákveðnu millibili og taka tíman frá því að fyrri ljósnemin mælir skugga af kúlunni þar til að seinni ljósneminn nemur skuggann. Út frá þekktri fjarlægð milli nema og svo tímanum má reikna út hraðan. Þessi gerð af hraðamælum hefur verið sú eina í boði fyrir hinn almenna notanda hingað til. Nokkrar týpur eru til, og er flestir sammála um að Oheler 35 sé toppurinn í þessum bransa enda með þrjá skynjara og því getur hann skynjað ranga mælingu. Aðrir mælar á markaðnum eru bara með tvo skynjara.

Ég er með CED M2 sem ég er mjög sáttur við. Shooting Chrony er mjög vinsæll og svo er til mælir frá PACT ásamt einhverjum sem ég er að gleyma.

Helsti veikleiki þessara mæla er sá að þar sem þeir nota ljósskynjara þá skiptir máli að skilyrðin séu rétt. Að skynjarinn geti numið skuggan af kúlunni. Það er fínt að nota þessa mæla þegar það er skýjað, eða sólkin, en gæti verið erfitt þegar sól er lágt á lofti, eða snjór á jörðu sem endurkasta ljósi upp, ég hef þó ekki prófað sjálfur við þessar aðstæður. Hægt er að fá innrautt ljósakerfi á bæði CED og chrony og þá er hægt að skjóta í gegnum þá óháð ljósaskylirðum, og held ég að þá sé græjan fullkomnuð.

Næsta fyrir ofan þetta er doppler radar en það er aðeins á færi stærstu fyrirtækja að mæla skot með þannig mælum. Lapua mældi sem dæmi sínar kúlur nýlega þannig og hefur gefið út frítt forrit, eða útgáfu af QuickTarget með þessum ferlum ásamt forriti í snjallsíma. Þá er ekki notast við G1 eða G7. Það sem kom á óvart var að mælingar Bryan Litz á kúlum sem hann mældi með chronograph tækni var gríðarlega nálægt þeim mælingum. Það sem fæst útúr dopler er hárnákvæmur ferill, en með okkar hefðbundu forritum og venjulegum mælum erum við samt að tala aðeins um mjög litla skekkju.

Núna er svo komin byltingakennd gerð af hraðamælum sem er festir á hlaup og notar segulskynjara til að mæla kúluhraðann. Þessi mælir hefur marga kosti framyfir hefðbundu mælana hvað þægindi við uppsetningu varðar og er óháður veðri. Þetta er hinsvegar nýkomið á markað og verður gaman að sjá hvernig þetta mun reynast. Hentar reyndar ekki rifflum með hlaupbremsu því miður.
Sjá: http://www.magnetospeed.com/

Til að svara þér Þorsteinn þá keyptum við fjórir saman svona CED M2 frá sinclairint.com og var mælirinn kominn heim fyrir 41 þ kr. Hægt er að bæta við hann innrauðu kitti ef við lendum í vandræðum með ljós, en það hefur ekki reynt á það ennþá. Það kit á á einhverja 90 dollara út minnir mig. Það er hægt að fara frá Chrony sem er ódýrastur upp í Oheler eða bara prófa þessa nýju græju og segja svo okkur hvernig reynist

[T.K.]

Hvað finnst ykkur um þennan strákar?

http://www.midwayusa.com/product/531741 ... hronograph

Örugglega basic græja, en kostar ekki mikið og fær flotta dóma.
Kveðja

[E.Har]

Ég á þennan og átti forvera hanns líka.

basic græja

[T.K.]

Virkar?

[maggragg]

Þórir, ég held að þetta virkar allveg og geti gefið þér góða mynd af því sem er að gerast. Þessi er helmingi ódýrari en CEDinn, en það sem ég sá helsta ókostinn við chrony er að tölvan er innbyggð í mælinum og ef maður óvart skýtur í tækið er allt ónýtt en á CED þá eru skynjararnir sér og útskiptanlegir. Einnig er lengra bil á milli skynjara og hraðari tölva en hvað það gerir get ég ekki fullyrt um en fræðilega ætti það að skila meiri nákvæmni. Hinsvegar er þetta nógu nákæmt til að maður viti þokkalega hvað er að gerast í skotunum.