Endurheimtun votlendis
Posted: 09 Sep 2010 10:32
Mjög góða grein er að finna á ust.is um votlendi og endurheimt þess.
Tekið úr greininni:
Félagasamtök í Bandaríkjunum sem kallast Ducks Unlimited eru stór náttúruverndarsamtök veiðimanna sem fyrir mörgum Íslendingum kann að hljóma skringilega en veiðimenn eiga auðvitað að vera þekktir fyrir það að vera náttúruverndarsinnar, enda fáir nær náttúrinni en þeir sem stunda hana og nýta...
Ég vill sjá meiri áherslu lagða á baráttu okkur fyrir þessu málefni og meðvitund veiðimanna.
Tekið úr greininni:
Hvað er votlendi?
Votlendi er samheiti yfir fjölda vistgerða eða búsvæða sem eru á mörkum lands og vatns. Svæðin einkennast af því að vatn er mjög grunnt eða vatnsstaða mjög há og vatn er rétt undir yfirborðinu. Margar skilgreiningar finnast á votlendi en vanalega eru vötn, grunnsævi, mýrar og ár flokkuð sem votlendi á Íslandi. Eins eru landsvæði sem vatn flæðir yfir hluta úr ári flokkuð sem votlendi.
Á Íslandi eru þrjú Ramsarsvæði; Mývatn og Laxá (1977), Þjórsárver (1990) og Grunnafjörður (1996). Áður en svæðin voru sett á Ramsarskrána höfðu þau öll verið gerð að friðlöndum. Auk þessara þriggja svæða hafa tvö til viðbótar verið tilnefnd, Guðlaugstungur og Snæfells- og Eyjabakkasvæðið, og skrifað hefur verið undir viljayfirlýsingu um friðlýsingu votlendissvæðis við Hvanneyri og að tilnefna svæðið á lista Ramsarsamningsins. Auk þessara svæða er fjöldinn allur af votlendissvæðum á Íslandi sem eru mjög mikilvæg og fjölbreytt búsvæði þó að þau séu ekki á lista Ramsar yfir alþjóðlega mikilvæg votlendi.
Þetta er mikilvægt málefni fyrir okkur veiðimenn, að endurheimta votlendið því að þar eru útungunarstöðvar gæsa og anda meðal annars. Skotvís ætti að auka baráttunni fyrir þennan þátt. Æ fleirri jarðir eru ekki lengur nýttar til ræktunar sökum breytinga á búskap þeirra og væri ekki úr vegi að kanna með þann möguleika að endurheimta það land sem hefur verið þurkað upp.Endurheimt votlendis
Í kjölfar breytinga í landbúnaði og með komu stórvirkra vinnuvéla urðu miklar breytingar á nýtingu votlendis. Mikil framræsla mýrlendis hófst á þessu tímabili og var hún styrkt úr opinberum sjóðum. Mýrar voru ræstar fram til túngerðar og til að auka beitiland. Í sumum landshlutum, t.d. á Suðurlandi milli Markarfljóts og Þjórsár, eru aðeins um 3% votlendis óraskað. Vegna breyttra aðstæðna í þjóðfélaginu gefst nú tækifæri til að endurheimta eitthvað af því votlendi sem tapast hefur. Með endurheimt er reynt að færa land í átt til fyrra horfs og skapa lífsskilyrði fyrir fjölbreyttara gróður og dýralíf sem áður ríkti. Ýmsar aðrar framkvæmdir en aðgerðir í landbúnaði hafa raskað votlendissvæðum, t.d. vegagerð og sorpurðunarstaðir, en reynt hefur verið að bæta fyrir þá röskun með endurheimt votlendis í samvinnu við framkvæmdaraðila. Fjöldi einstaklinga hefur einnig lagt til land til að endurheimta votlendi og eru til mörg dæmi út um allt land þar sem endurheimt votlendis hefur tekist mjög vel og gróður og fuglalíf færst í átt til fyrra horfs. Endurheimt votlendis getur einnig aukið útivistargildi svæða, þau verða áhugaverðari til fuglaskoðunar og skilyrði geta skapast til veiða á fugli og fiski.
Félagasamtök í Bandaríkjunum sem kallast Ducks Unlimited eru stór náttúruverndarsamtök veiðimanna sem fyrir mörgum Íslendingum kann að hljóma skringilega en veiðimenn eiga auðvitað að vera þekktir fyrir það að vera náttúruverndarsinnar, enda fáir nær náttúrinni en þeir sem stunda hana og nýta...
Ég vill sjá meiri áherslu lagða á baráttu okkur fyrir þessu málefni og meðvitund veiðimanna.
