Skyttuspjallið

Hér eru uppáhalds leikföng barnanna minna - um þessar mundir. Sumt er keypt, annað smíðuðu þeir sjálfir. Þetta er sú kynslóð sem mun erfa landið og vonandi skila góðu af sér. Og já, þetta eru strákar.

Þetta eru greinilega föðurbetrungar
Endilega settu inn mynd hérna af uppákaldsleikföngunum þínum til samanburðar, þá getur verið að ég endurskoði ofanritað
Mjög sjálfbjarga krakkar, þau eru heppin og þurfa greinilega ekki til byssusmiðs í framtíðnni (eins og þjónustan virðist vera hjá þeirri stétt)

Er þetta AK-47 þarna efst á myndinni til hægri... Veit Ögmundur af þessu?

Hef meiri áhyggjur af frúnni, þegar hún sér hvernig farið er með gúmmí hanskana.

Já það er satt... það borgar sig ekki að kalla yfir sig reiði frúarinnar! Við bræður pössuðum okkur alltaf á því að taka hægri hanskann frá gömlu. Þetta réttlættum við með því að það þyrfti ekki hanska á hendina sem heldur á uppþvottaburstanum. Hún lék á okkur með því að kaupa næst svona fóðraða uppþvottahanska sem tegjast ekki eins vel.

Við reyndar kölluðum svo aftur yfir okkur reiði föður okkar þegar við urðum okkur út um skotfæri sem var aðeins meira púður í en hálfbaunum... Fiktið slapp þó stórslysa laust hjá okkur en það var ekki alltaf okkur að þakka...

Þennan veturinn geng ég til rjúpna með syni mínum.
Hann fær leiðbeiningar og kennslu hjá mér alveg eins og pabbi minn og afar mínir leiðbeindu mér.
Ekki leiðinlegt að veiða með stráknum get ég sagt ykkur.

Flottir feðgar.

Hvenær kemur hann með þér á hreindýraveiðarnar Óli?
Verða kannski þrír ættliðir næst, það hefur einu sinni gerst hjá mér áður.

Það væri gaman að koma allir þrír næst Sigurður. Sá litli er sterkur göngumaður svo að ég held að hann myndi ráða við það.
Verð að senda á þig myndir af rifflinum eftir breytingar. Jói vinur okkar beddaði hann í varmint skefti og ég var að setja á hann Meopta 6-18x50. Lúkkar helvíti vel og fyrstu prufur lofa góðu.

Sælir/sælar

gaman af þessu!!

læt fylgja hvernig mínu uppeldi er háttað
er að vinna í því að smita konuna og gengur furðu vel með skytteríið en hægar með stöngina

Hehehe minn er að prófa sig áfram í hundaþjálfun

Óli, þú segir ,,sá litli", mér sýnist á myndinni að hann sé síst minni en pabbinn

Gunnar Óli, Hvar færðu svona fínar vöðlur á krakka. Vantar svona handa mínum

sælir/sælar

ég keypti þessar vöðlur hjá Hjalla í Hlað.
þetta eru "konuvöðlur" eins og Hjalli orðaði það.
mig minnir að hann hafi átt eitthvað af þessum vöðlum.

Verið að kenna ungviðinu hvernig maturinn verður til og leyfa þeim að taka þátt en áhugann vantar ekki